Daniel 3:28 - Q'eqchi Bible

²⁸ Toja' naq laj Nabukodonosor kixjap re chi yeeb'al: “Usilaatinanb'il taxaq li xYos laj Sidrak, laj Misak ut laj Abdénago, xb'aan naq xtaqla li x'ánjel chi xkolb'aleb' laj k'anjel chiru. Eb' li saaj al a'in k'ojk'o xch'ooleb' rik'in li xYos ut xe'xq'et li xtaqlahom li awab'ej; q'axal chik xe'xra li kamk chiru xloq'oninkil ut xk'anjelankil ru jalan chik yos li ink'a' xnawomeb' ru.

Li Santil hu

²⁸ Tojoꞌnak li rey Nabucodonosor quixye: —Lokꞌoninbil taxak li Dios li nequeꞌxlokꞌoni laj Sadrac, laj Mesac ut laj Abed-nego xban nak aꞌan xtakla chak lix ángel chixcolbaleb li cui̱nk aꞌin li nequeꞌxlokꞌoni ut nequeꞌcꞌanjelac chiru. Incꞌaꞌ queꞌxlokꞌoni li jalam u̱ch joꞌ quintaklaheb. Xeꞌxkꞌaxtesi ribeb chi ca̱mc chiru xcuikꞌibanquil ribeb chixlokꞌoninquil li jalanil dios.

Daniel 3:28 ပူးပေါင်းရင်းမြစ်များ

Éxodo 20:5

“Maahupub' aawib' chiruheb' chi moko taaloq'oniheb' ru. Xb'aan naq laa'in li Qaawa' laaYos, laa'in jun Yos aj sowen: ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i li xik' neke'ilok we;

Apocalipsis 12:11

Eb' a'an xe'xq'ax ru sa' xk'ab'a' li xkik'el li Karneer jo' ajwi' rik'in li aatin xe'xye chi yaal, xb'aan naq ink'a' xe'xra ru li xyu'ameb' chiru li kamk.

Romanos 12:1

Nintz'aama b'i' cheru, ex was wiitz'in, sa' xk'ab'a' li xnimal ruxtaan li Yos, naq cheq'axtesi leeyu'am jo' yo'yookil mayej, sant, jo' nawulak chiru li Yos. A'an a'in li tz'aqal mayejak q'axal xk'ulub'.

Salmos 147:11

naxraheb' b'an li neke'paab'ank re, eb' li k'ojk'ookeb' xch'ool rik'in li xrahom.

Hechos 5:19

Ab'an li x'angel li Qaawa' kixte re li tz'alam chiru q'oqyink, kirisiheb' ut kixye:

Daniel 3:25

“Ab'an laa'in yookin chi rilb'al kaahib' chi winq hithookeb' chik, ut yookeb' chi b'eek sa' xyi li xam chi maak'a' b'ayaq xe'xk'ul; ut li xka a'an chanchan jun ánjel”, chan li awab'ej.

San Mateo 4:10

Toja' naq li Jesus kixye re: —Elen chiwu, at aj tza, xb'aan naq jo'ka'in tz'iib'anb'il sa' li Santil Hu: «A' li Qaawa' laaYos taaloq'oni ru ut ka'ajwi' chiru a'an tatpaab'anq».

Daniel 2:47

Chirix chik a'an kixye re laj Daniel: “Relik chi yaal naq leeYos laa'ex, a'an tz'aqal li Yos nim xloq'al, li awab'ej q'axal nim xwankil sa' xb'een chixjunileb' li awab'ej. A'an laj kutanob'resinel re li muqmuukil na'leb', xb'aan naq laa'at xach'olob' xyaalal li tz'aptz'ookil na'leb' a'in”.

Salmos 62:8

Rik'in li Yos nintaw linkolb'al ut linloq'al: a'an linsaqoonak ut linmuheelahom.

Filipenses 1:20

A'in tz'aqal li ninyo'oni ut nawoyb'eni: naq maak'a' k'aru tinxutaanaq wi'. Us ta yo'yooqin malaj ut kamenaqaqin, k'ojk'o inch'ool naq anaqwan ut junelik li Kriist taanimaaq xloq'al wik'in.

Isaías 37:36

Ut chiru ajwi' li q'oqyink a'an, li x'ánjel li Qaawa' kiwulak sa' li xmuheb'aaleb' laj Asiria ut kixkamsi oob' xlajeek'aal mil chi winq (185,000) ut naq kisaqewk, ak kamenaqeb' chik chixjunileb'.

2 Crónicas 32:21

Ut li Qaawa' kixtaqla chaq jun x'ánjel li kixsach ruheb' chixjunileb' laj puub' jwal kaweb' rib' chi yalok, eb' li xninqaleb' ru winq ut eb' li xjolomileb' laj puub' re li awab'ej re Asiria, ut a'in kisutq'iik sa' xtenamit chi k'ajo' xxutaan ut naq kox'okaq sa' rochoch li xyos, aran ajwi' kikamsiik chi ch'iich' xb'aaneb' li ralal.

2 Crónicas 20:20

Wulajaq chik ke'wakliik eq'la ut ke'xk'am xb'eheb' re xik sa' li chaqich'och' re Tékoha. Ut naq ak elkeb' re aran Jerusalén, laj Josafat kixaqliik ut kixye reheb': “Ab'ihomaqin, ex aj Judá ut aj Jerusalén! K'ojk'ooq eech'ool rik'in li Qaawa' leeYos, ut maak'a' teek'ul. Paab'omaqeb' li xpropeet, ut us tex'elq”, chan.

1 Pedro 1:21

Sa' xk'ab'a' li Kriist nekepaab' li Yos, li kiwaklesink re chi yo'yo sa' xyanqeb' li kamenaq ut kixk'e xnimal xloq'al: ut chi jo'kan leepaab'aal ut leeroyb'enihom xaqxookeb' rik'in li Yos.

Hebreos 11:37

ke'tenije'k chi pek, ke'rahob'tesiik, ke'sete'k, ke'kamsiik chi q'esnal ch'iich'; ke'b'eek chi b'atb'ookeb' sa' xtz'uumal karneer ut chib'aat. Maak'a' k'aru wankeb' re, rahob'tesinb'ileb' ut hob'b'ilatqeb'

Hebreos 1:14

Ma ink'a' tab'i' musiq'ejeb' chixjunileb' a'in, aj k'anjeleb', taqlanb'ileb' chaq chi xtenq'ankileb' li te'eechaninq re li kolb'a ib'?

Hechos 4:19

A'ut laj Pedro ut laj Jwan ke'chaq'ok ut ke'xye: —K'oxlahomaq laa'ex k'aru us chiru li Yos: ma eepaab'ankil laa'ex malaj xpaab'ankil li Yos?

Daniel 6:26

A'an a'in li ninchaq'rab'i wi' chixjunileb' li tenamit wankeb' sa' lin'awab'ejihom: naq che'roxloq'i ut che'xpaab' li xYos laj Daniel, xb'aan naq A'an tz'aqal li yo'yookil Yos ut wank chi junelik. Li x'awab'ejihom maajun wa taajuk'manq ut li xwankilal maajoq'e taalajq taa'oso'q.

Daniel 4:34

“Naq ak xnume'k li wuqub' chihab', laa'in laj Nabukodonosor xintaqsi li wilob'aal sa' choxa ut xk'ulunk wi' chik linch'ool. Toja' naq xwusilaatina li Nimajwal Yos, xinnima xloq'al ut xinterq'usi xk'ab'a' li Yo'yo junelik: li xnimal xwankil wank chi junelik ut li x'awab'ejihom taakanaaq junq'e junq'e kutan.

Salmos 34:22

Ab'an li ink'a' useb' xna'leb', a' li maa'usilal taakamsinq reheb'; eb' li neke'tz'eqtaanank re li tiik xch'ool te'k'ehe'q xtojb'al rix li xmaakeb'.

Salmos 33:21

Rik'in a'an nasaho'k li qach'ool, k'ojk'o li qaanm rik'in li xloq'laj k'ab'a'!

Salmos 33:18

Ab'an li Qaawa' naxk'aak'aleheb' li neke'xiwank ru, eb' li wankeb' royb'enihom rik'in li xrahom,

Esdras 6:11

“Wi wanq junaq taaq'etoq re li chaq'rab' a'in, chi'isiiq junaq xtz'amb'ahil li rochoch ut chiru ajwi' li che' a'an chikamsiiq li winq. Ut li ochoch taakanaaq chi po'lemil.

Esdras 1:3

Jo'kan utan, chejunilex li xkomonex li xtenamit li Yos naru texxik Jerusalén, sa' xteepal Judá, re xkab'lankil li rochoch li Qaawa', xYos laj Israel, a' li Yos li wank Jerusalén. A' taxaq li Qaawa' leeYos chitenq'anq eere.

1 Crónicas 5:20

ab'an ke'xyaab'a xk'ab'a' li Yos sa' li yalok, k'ojk'o xch'ooleb' rik'in li Qaawa', ut A'in kitenq'ank reheb'. Jo'kan naq eb' laj Agarén rochb'eeneb' li neke'okenk chirixeb' ke't'ane'k sa' ruq'eb'.

Génesis 9:26

Kixye ajwi': “Loq'oninb'il taxaq li Qaawa', li xYos laj Sem! Chikanaaq laj Kanahán cho'q aj k'anjel chiru a'an!

Salmos 103:20

Chenima ru li Qaawa' chejunilex li x'ánjel, laa'ex li kaw eerib' chi xpaab'ankil li rajom ut yo'oon wankex chi xk'anjelankil li raatin.

1 Corintios 13:3

Wi ta tinjek'i chixjunil linjunkab'lal reheb' li neb'a' ut tinq'axtesi ta wib' sa' xam, ab'anan wi ink'a' ninrahok, maak'a' ninra chirix a'an.

Isaías 12:2

A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

Isaías 50:10

Ani sa' eeyanq naxiwank re li Qaawa', chirab'iiq xyaab' xkux laj K'anjel chiru. Wi nekexb'eek sa' li aak'ab' b'arwi' maajun li saqenk, kawaq eech'ool rik'in li Qaawa' ut chekuutuuq eerib' rik'in leeYos.

Daniel 6:16

Toja' naq li awab'ej kixtaqla xk'amb'al laj Daniel re naq taakute'q sa' xyanqeb' li kaqkoj. Ab'anan naq toj maji' nakutmank sa' xjuleb' li kaqkoj, laj Darío kixye re laj Daniel: “A' taxaq li Qaawa' laaYos, li nakak'anjela ru chi anchal laach'ool, chikoloq aawe sa' reheb' li kaqkoj”, chan. Ut ke'xkut sa' li jul.