Daniel 3:23 - Q'eqchi Bible

²³ Ut eb' li oxib' chi saaj winq ke't'ane'k sa' li lochlookil k'atleb'aal, chi b'ak'b'ookeb' chi xjunxaqalileb'.

Li Santil hu

²³ Ut bacꞌbo̱queb chi us laj Sadrac, laj Mesac ut laj Abed-nego nak coxeꞌnak saꞌ xyi li xam li cuan saꞌ li horno.

Daniel 3:23 ပူးပေါင်းရင်းမြစ်များ

Jeremías 38:6

Tikto eb' a'an ke'xchap laj Jeremías ut ke'xk'e sa' li xjulel xha' laj Malkías, ralal li awab'ej, li wank chiru xneb'aalil li rochocheb' laj k'aak'alenel. Ke'xkub'si laj Jeremías rik'in k'aam sa' li xjulel li ha'. Aran maak'a' chik ha', junes sulul aj chik wank chisa'; jo'kan naq laj Jeremías kisob'e'k sa' li sulul.

Salmos 34:19

Nach' wank li Qaawa' rik'ineb' li neke'maynak xch'ool: a'an naxkoleb' li maak'a' chik royb'enihomeb'.

2 Corintios 4:17

Li rahilal naqak'ul, a'an junpaat ajwi' ut moko aal ta riiqankil; ut a'an k'ajo' xnimal li junelik loq'al yo xkawresinkil cho'q qe laa'o,

Hebreos 11:34

ke'xchup li kawil xam, ke'kole'k chiru li q'esnal ch'iich', ke'k'ehe'k xkawilal sa' li xyajeleb', ke'yalok chi kaw, ke'raanilasiheb' laj puub' jalan xtenamiteb';

Isaías 43:2

Wi tatnume'q sa' ha', tatwochb'eeni; wi taaq'ax junaq nima', ink'a' tatxk'am li roqha'; wi ut tatnume'q sa xam, ink'a' tatk'atq, chi moko taaletzq li raq' xam chawix.

Daniel 1:7

Li xjolomileb' laj k'anjel kixjal li xk'ab'a'eb': laj Daniel, kixk'e cho'q aj Beltsasar; laj Ananías, kixk'e cho'q aj Sidrak; laj Misael, kixk'e cho'q Misak ut laj Asarías, kixk'e cho'q aj Abdénago.

Daniel 3:24

Toja' naq laj Nabukodonosor, li awab'ej, kiwakliik chi junpaat sa' li xk'ojarib'aal ut, chi sachso xch'ool, kixpatz' reheb' laj k'ehol xna'leb': “Ma ink'a' tab'i' oxib'eb' chi winq ut b'ak'b'ookeb' naq xqakuteb' sa' li xam?”, chan. Ke'chaq'ok eb' a'an: “Jo'kan tz'aqal, at awab'ej”, chankeb'.