Daniel 3:18 - Q'eqchi Bible

¹⁸ Ab'anan wi ink'a' tooxkol, ch'olch'ooq chawu, at awab'ej, naq ink'a' took'anjelaq chiruheb' laayos chi moko tqaloq'oni ru li jalam u xak'e chi yiib'aak”, chankeb'.

Li Santil hu

¹⁸ Ut cui incꞌaꞌ toxcol, at rey, chanauhak nak incꞌaꞌ ajcuiꞌ takalokꞌoniheb la̱ dios chi moco takalokꞌoni li jalam u̱ch oro li xayi̱b, chanqueb.

Daniel 3:18 ပူးပေါင်းရင်းမြစ်များ

San Mateo 10:39

Ani naraj xkolb'al li xyu'am, taasachq chiru; a'ut li tixsach li xyu'am sa' ink'ab'a', a'an tixtaw li junelik yu'am.

Apocalipsis 12:11

Eb' a'an xe'xq'ax ru sa' xk'ab'a' li xkik'el li Karneer jo' ajwi' rik'in li aatin xe'xye chi yaal, xb'aan naq ink'a' xe'xra ru li xyu'ameb' chiru li kamk.

Josué 24:15

A'ut wi ink'a' naxk'ul eech'ool k'anjelak chiru li Qaawa', sik'omaq ru anaqwan ani chi aj u teeraj k'anjelak: ma li xyoseb' leexe'toonil yuwa' li ke'xloq'oni chaq chire li nima' Éwfrates, malaj chiru li xyoseb' laj Amor b'arwi' wankex anaqwan. Laa'in ut linjunkab'al took'anjelaq chiru li Qaawa'”, chan laj Josué.

Daniel 3:28

Toja' naq laj Nabukodonosor kixjap re chi yeeb'al: “Usilaatinanb'il taxaq li xYos laj Sidrak, laj Misak ut laj Abdénago, xb'aan naq xtaqla li x'ánjel chi xkolb'aleb' laj k'anjel chiru. Eb' li saaj al a'in k'ojk'o xch'ooleb' rik'in li xYos ut xe'xq'et li xtaqlahom li awab'ej; q'axal chik xe'xra li kamk chiru xloq'oninkil ut xk'anjelankil ru jalan chik yos li ink'a' xnawomeb' ru.

Proverbios 28:1

Li ink'a' us xna'leb' na'elelik, us ta maajun na'aanilasink re; ab'an li tiik xch'ool maak'a' naxxiwa, jo' li kaqkoj.

Li xHu LAJ JOB 13:15

Us ta tinxkamsi, ab'an kaw linch'ool: tin'aatinaq rik'in re xkolb'al wib'.

Hechos 4:19

A'ut laj Pedro ut laj Jwan ke'chaq'ok ut ke'xye: —K'oxlahomaq laa'ex k'aru us chiru li Yos: ma eepaab'ankil laa'ex malaj xpaab'ankil li Yos?

Levítico 19:4

“Mexxik rik'ineb' li jalanil yos chi moko teeyiib' eeyos rik'in ha'lesinb'il ch'iich'. Laa'in li Qaawa' leeYos.

San Mateo 10:28

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

San Mateo 16:2

A'ut a'an kixsumeheb' ut kixye: “Naq na'ewuuk, laa'ex nekeye: «Chaab'ilaq li kutan, xb'aan naq kaq ru li choxa»;

Hebreos 11:25

a' chik li rahob'tesiik rochb'een li xtenamit li Yos kiraj chiru li wank sa' xsahil li maak li sa' junpaat nanume'k.

1 Reyes 19:14

Kichaq'ok ut kixye: “K'ajo' naq naxamnak linch'ool rik'in aaraab'al, at Qaawa', xb'aan naq eb' laj Israel xe'xtz'eqtaana laasumwank, xe'xjuk'i eb' laa'artal ut xe'xkamsiheb' laapropeet. Ka'ajin aj chik xinkanaak ut te'raj ajwi' inkamsinkil”.

1 Reyes 19:18

Ab'anan wuqub' mil chi aj Israel tinkanab'eb' chi yo'yo, jo'k'ihaleb' li ink'a' xe'wiq'laak chiru laj Bahal chi moko xe'xpatz' xk'ab'a' rik'in rutz'b'al ru”.