Daniel 3:17 - Q'eqchi Bible

¹⁷ Wi li Yos li naqaloq'oni ru naraj qakolb'al chiru li xam li k'ajo' xtiqwal ut sa' laawuq' laa'at, at awab'ej, tooxkol.

Li Santil hu

¹⁷ Li kaDios li nakalokꞌoni naru toxcol chiru li xam li kꞌaxal tik ut naru ajcuiꞌ nocoxcol saꞌ a̱cuukꞌ la̱at.

Daniel 3:17 ပူးပေါင်းရင်းမြစ်များ

Romanos 8:31

K'aru tqaye chirix a'an? Wi li Yos na'okenk chiqix, ani truuq twanq sa' xiik'ilal qik'in?

San Lucas 1:37

xb'aan naq maak'a' ch'a'aj chiru li Yos.

Hebreos 7:25

Chi jo'kan naru ajwi' tixkoleb' chi tz'aqal re ru eb' li neke'jilok chi xk'atq li Yos sa' li xk'ab'a', xb'aan naq yo'yo chi junelik re aatinak chirixeb'.

Jeremías 1:8

Maaxiwa ruheb' li tenamit, xb'aan naq wankin aawik'in re aakolb'al. Laa'in, li Qaawa', ninye li waatin”.

Hechos 21:13

Toja' naq kichaq'ok laj Pablo: —K'a'ut naq yookex chi yaab'ak ut chi xk'eeb'al xrahil inch'ool? Relik chi yaal naq yo'oon wankin moko ka'aj ta wi' chi b'ak'e'k, chi kamk aj b'an wi' aran Jerusalén sa' xk'ab'a' li Qaawa' Jesus, chan.

Li xHu LAJ JOB 5:19

Jun sut ka' sut tatxkol chiru li rahilal, ut tixram chawu chixjunil li ch'a'ajkilal.

Isaías 12:2

A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

Salmos 115:3

Li qaYos wank sa' choxa; jo'nimal li naraj xb'aanunkil, nalajxb'aanu.

Hechos 20:24

Ab'anan laa'in ink'a' nink'e xloq'al linyu'am chi junajwa; ka'ajwi' nawaj tinchoy linb'eenik ut li k'anjel xink'ul sa' ruq' li Qaawa' Jesus, a' li xyeeb'al resil li xChaab'il Esil li rusilal li Yos.

Daniel 6:27

A'an nakolok ut na'isink sa' rahilal, naxb'aanu xninqal eetalil ut sachb'ach'oolej junsut junrub'el choxa. A'an li xkolok re laj Daniel sa' ruq'eb' li kaqkoj”.

Daniel 4:35

Chiru A'an maak'a' neke'ok wi' eb' li poyanam sa' ruuchich'och'. Naxb'aanu li k'aru naraj rik'ineb' li wankeb' sa' choxa jo' ajwi' rik'ineb' li wankeb' sa' ruuchich'och'; maajun naxkuy wank chiru ut maa'ani taapatz'oq re k'a'ut naq naxb'aanu chi jo'kan.

1 Samuel 17:46

Anaqwan ajwi' li Qaawa' tatxq'axtesi sa' wuq', ut laa'in tatinkamsi, tinch'ot laajolom. Ut sa' li kutan a'in tink'e li xtib'eleb' laj puub' aj Filistea reheb' li xik'anel xul re li choxa ut reheb' li josq' aj xul wankeb' sa' k'iche'. Chi jo'kan chixjunil li ruuchich'och' tixnaw naq wank jun Yos re laj Israel.

1 Samuel 17:37

Li Qaawa' li kikolok we sa' ruq'eb' li kaqkoj ut li tz'uqtz'un, tinxkol ajwi' sa' ruq' laj Filistea a'an”, chan. Toja' naq laj Saúl kixye re laj David: “Ayu ut li Qaawa' chiwanq aawik'in”.

Génesis 18:14

Ma wank tab'i' k'aru ch'a'aj chiru li Qaawa'? Sa'eb' li kutan xinye, sa' jun chihab' chik, tinsutq'iiq chaq, ut lix Sara taawanq jun xk'uula'al”.

Isaías 54:14

K'ojk'ooqat sa' xb'een li tiikilal, kolb'ilaqat chiru li rahob'tesiik ut li xiwak, ut maajun chik taaxib'esinq aawe.

Li xHu LAJ JOB 34:29

Ab'anan wi li Yos ink'a' na'aatinak, ani truuq tixye naq moko us ta a'an? Wi tixmuq rib', ani taaruhanq chi rilb'al ru? A'an na'ilok reheb' chixjunil li tenamit sa' ruuchich'och',

Salmos 73:20

Kama' wi' li ajk sa' matk', at Qaawa', jo'kan naq taatz'eqtaanaheb' naq tatwakliiq.

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

2 Corintios 1:10

A'an xkolok chaq qe chiru li nimla rahilal a'an ut toj yooq chi qakolb'al. A'an kaw wi' li qach'ool naq toj yooq chi qakolb'al,

Salmos 37:40

Li Qaawa' natenq'ank reheb' ut narisiheb' sa' rahilal; narisiheb' sa' ruq' laj maak ut naxkoleb', xb'aan naq rub'el roq neke'muhenk.

Jeremías 15:20

Laa'in tatinxaqab' chiruheb' a'an jo' jun kumul chi tz'ak li jwal kaw rib', jo' xkawil li q'anch'iich', li maajoq'e taaruuq xjuk'b'al. Te'yaloq aawik'in, ab'an ink'a' te'numtaaq sa' aab'een, xb'aan naq wankin aawik'in chakolb'al ut chatenq'ankil.

Jeremías 15:21

Tatinkol sa' ruq'eb' li ink'a' useb' xna'leb' ut tatwisi rub'el xwankileb' li josq' aj winq”, chan li Nimajwal Yos.

Daniel 3:26

Toja' naq laj Nabukodonosor kijilok chire li xam li k'ajo' xtiqwal ut kixye: “Sidrak, Misak ut Abdénago, aj k'anjelex chiru li Nimajwal Yos, elenqex chaq ut kimqex arin”. Ut eb' a'an ke'elk chaq sa' li xam.

Daniel 6:16

Toja' naq li awab'ej kixtaqla xk'amb'al laj Daniel re naq taakute'q sa' xyanqeb' li kaqkoj. Ab'anan naq toj maji' nakutmank sa' xjuleb' li kaqkoj, laj Darío kixye re laj Daniel: “A' taxaq li Qaawa' laaYos, li nakak'anjela ru chi anchal laach'ool, chikoloq aawe sa' reheb' li kaqkoj”, chan. Ut ke'xkut sa' li jul.

Daniel 6:23

Toja' naq li awab'ej k'ajo' naq kisaho'k sa' xch'ool ut chi junpaat kixtaqla risinkil laj Daniel sa' xyanqeb' li kaqkoj. Naq ke'risi chaq sa' xyanqeb' li xul, maajun xtiq'ilal ke'xtaw, xb'aan naq k'ojk'o li xch'ool rik'in li xYos.

Miqueas 7:7

A'ut laa'in kaw nin'oyb'enink rik'in li Qaawa', k'ojk'o linch'ool rik'in li Yos laj kolol we: ninnaw naq A'an taa'ab'inq we.

Salmos 37:39

Rik'in li Qaawa' nachalk chaq xkolb'aleb' li tiikeb' xch'ool: A'an li xkawub' xch'ooleb' naq wankeb' sa' rahilal.