Daniel 3:12 - Q'eqchi Bible

¹² Ab'anan wankeb' aj Judiiy, a' laj Sidrak, laj Misak ut laj Abdénago, li xaxaqab'eb' chi xjolominkil li xteepalil Babilonia, ink'a' nakate'xpaab', at awab'ej. Ink'a' neke'raj k'anjelak chiru laayos chi moko xloq'oninkil ru li jalam u xak'e chi yiib'aak”.

Li Santil hu

¹² Eb laj judío li xaxakabeb chi takla̱nc saꞌ kabe̱n la̱o aj Babilonia incꞌaꞌ yo̱queb chixqꞌuebal xcuanquil la̱ cua̱tin. Aꞌaneb laj Sadrac, laj Mesac, ut laj Abed-nego. Incꞌaꞌ nequeꞌxqꞌue xlokꞌal la̱ dios chi moco xeꞌxlokꞌoni li jalam u̱ch oro li xayi̱b, chanqueb.

Daniel 3:12 ပူးပေါင်းရင်းမြစ်များ

Daniel 6:13

Toja' naq eb' a'an ke'xye wi' chik: “Ab'an laj Daniel, li kik'ame'k chaq Judá, ink'a' nakatxpaab', at awab'ej, chi moko naxpaab' li chaq'rab' li xajuch' wi' laak'ab'a'. Ox sut chiru li kutan natijok chiru li xYos”.

Daniel 2:49

Ut naq laj Daniel kixtz'aama chiru li awab'ej naq laj Sidrak, laj Misak ut laj Abdénago te'xjolomi li xteepalil Babilonia, a'an kik'eemank chiru. Ut laj Daniel kikanaak sa' rochoch li awab'ej.

Hechos 17:7

ut laj Jasón xk'eheb' rochochnaal. Chixjunileb' a'in neke'xq'et xchaq'rab' li awab'ej xb'aan naq neke'xye naq wank jun chik awab'ej, a' li Jesus.

Proverbios 27:4

Li josq'il nayoob'ank ch'a'ajkilal ut nasachok; ab'an li sowenak maajun nakuyuk re.

Hechos 5:28

—Ma ink'a' tab'i' xexqachaq'rab'i chi kaw naq tik ink'a' teetzoleb' li tenamit sa' li k'ab'a'ej a'an? Ut laa'ex xenujob'resi Jerusalén rik'in leek'utum ut teeraj xteneb'ankil sa' qab'een li xkik'el li winq a'an, chan reheb'.

Eclesiastés 4:4

Xwil ajwi' naq li ani nak'anjelak chi chaab'il ut chi kaw, a'an nakaqaliik. Ut a'in maak'a' ajwi' rajb'al ut chanchan li chapok iq'.

Ester 3:8

Toja' naq laj Amán kixye re laj Asuero li awab'ej: “Sa' xyanqeb' chixjunil li tenamit li wankeb' sa' laa'awab'ejihom, wank jun tenamit li jalan wi' chiruheb' li junch'oleb' chik, jalan wi' li xchaq'rab'eb', ut ink'a' neke'xpaab' laachaq'rab' laa'at, at awab'ej. Moko us ta cho'q aawe naq wanqeb' li tenamit a'an sa' laa'awab'ejihom.

Daniel 1:7

Li xjolomileb' laj k'anjel kixjal li xk'ab'a'eb': laj Daniel, kixk'e cho'q aj Beltsasar; laj Ananías, kixk'e cho'q aj Sidrak; laj Misael, kixk'e cho'q Misak ut laj Asarías, kixk'e cho'q aj Abdénago.

Daniel 2:48

Chirix chik a'an li awab'ej kixxaqab' xwankil laj Daniel, kixk'e naab'al xsimaatan jwal terto xtz'aq ut kixk'e chixjolomi chixjunil li xteepalil Babilonia. Kixxaqab' ajwi' xwankil sa' xb'eeneb' chixjunil laj k'ehol na'leb' re Babilonia.

Daniel 3:11

ut li ani ink'a' tixloq'oni ru li jalam u, sa' junpaat chikutmanq sa' xam li k'ajo' xtiqwal.

Daniel 3:16

Laj Sidrak, laj Misak ut laj Abdénago ke'chaq'ok ut ke'xye re laj Nabukodonosor li awab'ej: “Moko na'ajmank ta ru naq tqasume li patz'om a'in.

Daniel 3:29

Jo'kan naq laa'in nink'e li chaq'rab' a'in: chixjunil li winq, a' yaal b'ar xtenamit, malaj xteepalil malaj ut raatinob'aal, li taa'aatinaq yib'ru chirix li xYos laj Sidrak, laj Misak ut laj Abdénago, taakamsiiq chi putz'inb'il ut taajuk'manq chixjunil li rochoch, xb'aan naq maak'a' chik junaq Yos taaruhanq chi kolok jo' li Yos a'in”.

Daniel 3:30

Chirix chik a'an li awab'ej kixk'eheb' xwankil chi yo'oon reheb' li oxib' chi saaj al, sa' xb'een xteepalil Babilonia.

Daniel 6:14

Naq li awab'ej kirab'i a'in, k'ajo' naq kiraho'k xch'ool ut kixsik' chan raj ru tixkol laj Daniel toj reetal ki'ewuuk.