Daniel 3:10 - Q'eqchi Bible

¹⁰ Laa'at xak'e li chaq'rab' a'in: Naq taayaab'asimanq li pur, li xolb', li kitaar, li aarp, li tzojtzoj, li tun ut chixjunil li k'iila paay chi wajb', xb'uchub'aqeb' rib' chiru ch'och' chixjunileb' li poyanam chi xloq'oninkil ru li jalam u oor,

Li Santil hu

¹⁰ La̱at, at rey, xaqꞌue la̱ chakꞌrab nak chixjunileb teꞌxcuikꞌib ribeb ut teꞌxlokꞌoni li jalam u̱ch yi̱banbil riqꞌuin oro nak teꞌecꞌa̱nk li trompeta, li xo̱lb, li tambor, li arpa, li salterio, ut chixjunil li jun chꞌol chic li cuajb.

Daniel 3:10 ပူးပေါင်းရင်းမြစ်များ

Daniel 6:12

Tikto ajwi' koheb' rik'in li awab'ej ut ke'xjultika wi' chik re li chaq'rab' k'eeb'il xb'aan ut ke'xye re: “Ma ink'a' xajuch' laak'ab'a' sa' li chaq'rab' b'arwi' naxye naq chiru jun po maajun naru taatijoq chiru junaq chik yos malaj winq, ka'ajwi' chawu laa'at, at awab'ej? Wi wanq junaq taaq'etoq re li chaq'rab' a'an, taakutmanq sa' xyanqeb' li kaqkoj”, chankeb'. Kichaq'ok li awab'ej ut kixye: “Jo'kan k'uub'anb'il, jo' chanru xchaq'rab'eb' laj Media ut eb' laj Persia”.

San Juan 11:57

Li Xb'eenileb' aj tij ut eb' laj Pariseey ak xk'ehomeb' jun li chaq'rab': “Wi ani taanawoq re b'ar wanq, chixyehaq resil re naq taachapmanq”.

Amós 6:5

Nekexb'ichank naq nekerab'i xyaab' li aarp, ut nekeyiib'atq eewajb' jo' kixb'aanu laj David.

Daniel 3:15

Anaqwan naq teerab'i chi yaab'asiik li pur, li xolb', li kitaar, li aarp, li tzojtzoj, li tun ut chixjunil li k'iila paay chi wajb', ma teeb'uchub' eerib' chi xloq'oninkil ru li jalam u oor li xink'e chi yiib'aak? Xb'aan naq wi ink'a' teeloq'oni ru, sa' junpaat texkute'q sa' li xam li k'ajo' xtiqwal; toja' naq k'a' chik chi yosil taakoloq eere sa' wuq'?”, chan li awab'ej.

Isaías 10:1

Ra chaalel sa' xb'eeneb' li neke'k'uub'ank yib' aj chaq'rab' ut neke'teneb'ank rahilal sa' xb'eeneb' li poyanam.

Eclesiastés 3:16

Toj wank chik k'aru xwil sa' ruuchich'och': naq ink'a' na'uxk li k'ulub'ej ut li tiikilal, ut a' chik li maa'usilal ut li lab'al nab'aanumank.

Salmos 94:20

Ma aakomoneb' tab'i' li neke'raqok aatin sa' b'alaq'il, eb' li neke'muxuk re li chaq'rab' rik'in rahob'tesink?

2 Crónicas 29:25

Laj Esekías kiroksiheb' laj Leví sa' rochoch li Yos re te'wajb'aq rik'in tun, tzojtzoj ut aarp, jo' chanru xchaq'rab' li Qaawa' yeeb'il re laj David, jo'wi' reheb' li propeet laj Gad (a'an jun aj ilol moy u li nak'anjelak chiru li awab'ej) ut laj Natán.

1 Crónicas 15:28

Chixjunileb' laj Israel ke'xk'am li xLoq'laj Kaaxil li xSumwank li Qaawa', japjookeb' re xb'aan xsahilaleb' xch'ool, yookeb' ajwi' chi xyaab'asinkil li xukub', li tronpeet ut li sursuukil q'anch'iich'; yo ajwi' chi eek'ank li aarp li nim ut li kach'in xyaab'.

1 Crónicas 15:16

Kixye ajwi' laj David reheb' li xjolomileb' laj Leví naq sa' xyanqeb' li xkomoneb' te'xsik' ruheb' laj b'ichanel chi wanqeb' xwajb', aarp, tzojtzoj re naq te'xtoch' chi saheb' sa' xch'ool.

Éxodo 1:22

jo'kan naq laj Parahón kixk'e li chaq'rab' a'in re chixjunil li tenamit: “Chixjunileb' li kok' teelom li te'yo'laaq kutumaqeb' sa' nima'; a'ut eb' li kok' ixqa'al chekanab'eb' chi yo'yo”.

Éxodo 1:16

Kixye reheb': “Naq teerileb' li ixq aj hebreo, chek'e reetal chi us ma teelom malaj ixq li k'uula'al: wi teelom li k'uula'al taayo'laaq, chekamsi; wi ch'ina ixqa'al, chekanab'aq chi yo'yo”, chan.

Daniel 3:11

ut li ani ink'a' tixloq'oni ru li jalam u, sa' junpaat chikutmanq sa' xam li k'ajo' xtiqwal.