Daniel 2:45 - Q'eqchi Bible

⁴⁵ A'an a'in li xyaalal li pek li xtolk'ok chaq sa' li tzuul chi maajun kitoch'ok chaq re, ut kolxputz'i li q'anch'iich' ut li seb', li ch'iich', li plaat ut li oor. “At awab'ej, jo'ka'in naq li Nimajwal Yos xk'utb'esi chawu li taak'ulmanje'q chiruheb' li kutan chaalel. Ut tz'aqal yaal li matk' a'an jo'wi' li xyaalalil”, chan laj Daniel.

Li Santil hu

⁴⁵ La̱at xacuil chanru nak li pec qui-el saꞌ li u̱l chi ma̱ ani xcutuc re. Xacuil ajcuiꞌ chanru nak quimuchꞌeꞌ li jalam u̱ch yi̱banbil riqꞌuin hierro, bronce, saklun, plata ut oro. At rey, li nimajcual Dios yo̱ chixyebal a̱cue cꞌaꞌru ta̱cꞌulma̱nk saꞌ eb li cutan cha̱lel. La̱in xinye a̱cue cꞌaꞌru la̱ matcꞌ ut xinye ajcuiꞌ a̱cue cꞌaꞌru lix ya̱lal, chan laj Daniel.

Daniel 2:45 ပူးပေါင်းရင်းမြစ်များ

Isaías 28:16

Jo'kan naq li Qaawa' kixye chi jo'ka'in: “K'ehomaq reetal naq aran Sión tink'ojob' jun li pek sik'b'il ru ut jwal loq'; a'anaq li xnimal ru pek ut rub'elankilaq li ochoch. Li k'ojk'o sa' xb'een a'an, ink'a' taawiib'anq xch'ool.

Génesis 41:32

Ka' sut xatmatk'ek: naraj naxye naq ak teneb'anb'il a'in xb'aan li Yos ut li Yos tixseeb'a xb'aanunkil.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Salmos 48:1

B'ich. Xsaalm eb' li ralal xk'ajol laj Koré.

2 Samuel 7:22

Q'axal nim laawankil, at Qaawa'. Maajun junaq jo' laa'at, maak'a' chik junaq yos chawu; ka'ajwi' laa'at, jo' ak qab'ihom resil.

Deuteronomio 10:17

Li Qaawa' leeYos a'an li Nimajwal Yos, Qaawa' sa' xb'een chixjunileb' li awab'ej; a'an li Yos nim xwankil, q'axal kaw rib' ut xiwajel ru, li juntaq'eet narileb' chixjunil ut ink'a' naxk'ul ru tuminaak.

Génesis 41:28

A'an a'in li xinye aawe: li Yos xk'ut chawu li ok re chi xb'aanunkil.

Apocalipsis 19:17

Chirix chik a'an kiwil jun li ánjel xaqxo sa' xb'een li saq'e, japjo re chi xyeeb'al chi kaw xyaab' xkux reheb' chixjunil li xul neke'xik'ank chiru choxa: “Kimqex, ch'utub'omaq eerib' re li nimla wa'ak kawresinb'il xb'aan li Yos,

Apocalipsis 4:1

Moqon chik kiwil sa' moy u jun li okeb'aal teeto sa' choxa; ut li xyaab' kuxej li ak wab'ihom jo' xyaab' li tronpeet, jo'ka'in kixye we: “Taqen chaq arin, ink'utaq chawu li tento taak'ulmanq moqon”.

Apocalipsis 1:19

Tz'iib'a li k'aru xawil: li yo chi k'ulmank ut li taak'ulmanq moqon.

San Lucas 17:20

Naq eb' laj Pariseey ke'xpatz' re li Jesus jo'q'e taachalq li xnimajwal awab'ejihom li Yos, kixsumeheb' ut kixye: —Li xnimajwal awab'ejihom li Yos taachalq chi ink'a' taak'eemanq reetal,

San Mateo 24:35

Li choxa ut li ruuchich'och' te'oso'q, a'ut li waatin ink'a' taanume'q.

San Mateo 21:24

Kichaq'ok li Jesus ut kixye reheb': —Inpatz'aq ajwi' eere laa'in. Wi tineesume, laa'in ajwi' tinye eere k'aru linwankil naq ninb'aanu a'in.

Zacarías 12:3

“Sa' li kutan a'an tink'e Jerusalén jo' junaq aalilpek cho'q reheb' chixjunileb' li tenamit: jo'k'ihaleb' li te'raj xjunajinkil rib' re numtaak sa' xb'een, q'axal ra te'xk'ul.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Daniel 2:24

Chirix a'an laj Daniel kiwulak rik'in laj Aryok, li kixaqab'aak xb'aan li awab'ej re xkamsinkileb' laj k'ehol na'leb' re Babilonia, ut kixye re: “Maakamsiheb' laj k'ehol na'leb' re Babilonia. K'amin toj wan wi' li awab'ej, ut laa'in tinch'olob' chiru li xyaalalil li xmatk'”.

Salmos 145:3

Jwal nim li Qaawa' ut xk'ulub' loq'oniik ru; li xnimal xwankilal ink'a' naru xtawb'al ru.

Salmos 135:5

Ninnaw chi us naq jwal nim li Qaawa', nim xwankil li qaYos chiru chixjunileb' li jalanil yos.

Salmos 96:4

Jwal nim xwankil li Qaawa' ut xk'ulub' loq'oniik, q'axal xiwajel ru chiru chixjunileb' li yos.

Li xHu LAJ JOB 36:26

Q'axal nim xloq'al li Qaawa', ut ink'a' naqataw ru; ink'a' naruhank rajlankil li xk'iila chihab'.

Nehemías 9:32

“Jo'kan utan, at Qaawa', at qaYos nim aawankil ut xiwajel aawu, li junelik nakapaab' li sumwank ut laarahom, k'e reetal chixjunileb' li rahilal ke'chalk sa' qab'een, sa' xb'eeneb' li qa'awab'ej ut eb' laj k'amol qab'e, eb' laj tij ut eb' li propeet, sa' xb'eeneb' li qana' qayuwa' ut chixjunil li qatenamit, chalen sa'eb' li kutan naq ke'wank li awab'ej re Asiria toj anaqwan.

Nehemías 4:14

Ut naq kink'e reetal naq yo xxiweb', kinxaqliik ut kinye reheb' li xninqaleb' ru winq, eb' laj k'amol b'e jo'wi' chixjunil li tenamit: “Meexiwa ruheb'. Jultikaq eere naq li Qaawa' nim xwankil ut xiwajel ru. Yalonqex re xkolb'aleb' leerech'alal, leeralal eek'ajol, leerixaqil ut leerochoch”.

1 Crónicas 16:25

Jwal nim xwankil li Qaawa' ut xk'ulub' loq'oniik, q'axal xiwajel ru chiru chixjunileb' li yos.

Daniel 2:28

Ab'anan wank jun Yos sa' choxa li nakutanob'resink re li muqmuukil na'leb', at awab'ej, ut A'an xk'e chanaw li k'aru taak'ulmanq sa' roso'jikeb' li kutan. Laamatk' ut li moy u li xawil naq yookat chi wark, a'aneb' a'in:

Daniel 2:29

“At awab'ej, naq wankat chaq sa' laach'aat, yookat chi k'oxlak chirix li taak'ulmanq sa'eb' li kutan chaalel. Ut li Yos li nakutanob'resink re li muqmuukil na'leb' xk'utb'esi chawu li k'aru taak'ulmanq.

Daniel 8:25

Sa' xk'ab'a' li xlab'alil taanumtaaq li xyib'al ru xna'leb', tixnima xwankil xjunes rib' ut naab'aleb' li poyanam tixsach chi maak'a'aq sa' xch'ooleb'. Taaq'apliiq ajwi' sa' xb'een li xnimal ru Awab'ej, ab'anan sa' junpaat taasache'q ru.

Génesis 41:26

Li wuqub' chi chaab'il wakax a'aneb' wuqub' chihab'. Jo'kan ajwi' li wuqub' chi chaab'il och a'aneb' wuqub' chihab' xb'aan naq laamatk' jun ajwi' chirib'il.

Salmos 2:9

Taajuk'eb' rik'in b'aar ch'iich', taamuch'iheb' jo' junaq pak'b'il sek'”, chan we.

Hageo 2:22

Tinjuk' li xwankileb' li neke'awab'ejink re li ruuchich'och' ut twisiheb' li awab'ej sa' li xna'ajeb'; tinpak'lusiheb' li b'eleb'aal ch'iich' re yalok ut eb' li wankeb' chisa'. Te'kamsije'q eb' li kawaay ut eb' li winq; li junjunq taakamsiiq chi q'esnal ch'iich' xb'aan li ras riitz'in.