Daniel 2:37 - Q'eqchi Bible

³⁷ Laa'at li awab'ej q'axal nim laawankil sa' xb'eeneb' li awab'ej, xb'aan naq li xYos li choxa xk'e aakawilal, aawankil ut xnimal aaloq'al.

Li Santil hu

³⁷ —At rey, la̱at li kꞌaxal nim la̱ cuanquil saꞌ xya̱nkeb chixjunileb li rey xban nak li Ka̱cuaꞌ Dios li cuan saꞌ choxa, aꞌan li quixakaban a̱cue ut aꞌan ajcuiꞌ quiqꞌuehoc a̱cuanquil, a̱cacuilal ut a̱lokꞌal.

Daniel 2:37 ပူးပေါင်းရင်းမြစ်များ

Ezequiel 26:7

“Laa'in, li Qaawa', ninye chi jo'ka'in: Tink'am chaq laj Nabukodonosor, li xnimal ru awab'ej re Babilonia, ut a'an taachalq chaq sa' xjayal releb'l iq' re xsachb'al ru Tiro. Taachalq rik'ineb' li k'iila kawaay, li b'eleb'aal ch'iich' ut eb' li neke'b'eek chirix kawaay, jo'wi' rochb'eeneb' naab'aleb' aj puub'.

Daniel 5:18

“At awab'ej, li Nimajwal Yos kixk'e chi awab'ejink laj Nabukodonosor laayuwa'; kixk'e ajwi' xwankil ut xloq'al, re naq nawb'ilaq ut nimanb'ilaq ru xb'aaneb' chixjunil.

Isaías 47:5

“K'ojlan chi maak'a' eek'ank, okan sa' li aak'ab', at xrab'in eb' laj Kaldeha, xb'aan naq ink'a' chik taayeemanq aawe: «Xna'eb' li tenamit».

Salmos 62:11

Meekawub'resi eech'ool rik'in li rahob'tesink, miwank xnimal eeroyb'enihom rik'in li elq'ak; us ta taatamq leeb'ihomal, ab'an mixik eech'ool chirix a'an.

Esdras 7:12

“Laj Artajerjes, xnimal ru awab'ej, naxtaqla naab'al xsahil xch'ool laj Esdras, aj tij ut aj k'utul re li xChaq'rab' li xYos li choxa.

Esdras 1:2

“Jo'ka'in xye laj Siro, awab'ej re Persia: Li Qaawa', li xYos li choxa, xk'e rub'el linwankil chixjunileb' li tenamit sa' ruuchich'och'. Ut a'an xchaq'rab'ink we naq tinkab'la jun rochoch aran Jerusalén, sa' xteepal Judá.

Apocalipsis 17:14

Te'xyal xmetz'ew rik'in li Karneer, ab'an li Karneer tixq'ax ruheb' xb'aan naq a'an Qaawa' sa' xb'eeneb' chixjunil li qaawa' ut Awab'ej sa' xb'eeneb' chixjunil li awab'ej; ut eb' li rochb'een, eb' li b'oqb'ileb', li sik'b'ileb' ru ut tiikeb' xch'ool, te'xq'ax ajwi' ruheb'”.

Apocalipsis 5:12

yookeb' chi xyeeb'al chi kaw xyaab'eb' xkux: “Li Karneer kikamsiik, a'an xk'ulub' xk'ulb'al xwankil, xb'ihomal, xna'leb', xkawilal, xnimal xloq'al ut loq'onink, jo' ajwi' naq taaterq'usiiq xk'ab'a'”.

Apocalipsis 4:11

“Aak'ulub', at Qaawa', at qaYos, xk'ulb'al laanimal laaloq'al, li loq'onink ut laawankilal, xb'aan naq laa'at katyoob'tesink re chixjunil: rik'in laawajom ke'yoob'tesiik ut wankeb' chik anaqwan”.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

San Juan 19:11

Kichaq'ok li Jesus ut kixye: —Maak'a' raj aawankil sa' inb'een, wi ta ink'a' k'eeb'il chaq aawe taqe'q; jo'kan naq q'axal nim xmaak li xq'axtesink we sa' laawuq'.

San Mateo 6:13

Ut moohaakanab' chi t'ane'k sa' li aaleek, choohaakol b'an chiru li maa'us».

Oseas 8:10

Ab'an us ta tixloq'eb' laj rahol re sa'atqeb' li k'iila tenamit, laa'in tincha'cha'iheb' anaqwan, ut chiru jun k'amok ink'a' chik te'xkuy rub'el xwankileb' li awab'ej ut eb' laj jolominel.

Daniel 4:34

“Naq ak xnume'k li wuqub' chihab', laa'in laj Nabukodonosor xintaqsi li wilob'aal sa' choxa ut xk'ulunk wi' chik linch'ool. Toja' naq xwusilaatina li Nimajwal Yos, xinnima xloq'al ut xinterq'usi xk'ab'a' li Yo'yo junelik: li xnimal xwankil wank chi junelik ut li x'awab'ejihom taakanaaq junq'e junq'e kutan.

Daniel 4:32

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut jo'kan tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e li wankilal re li ani naraj wi' xk'eeb'al”.

Daniel 4:25

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut tatxt'aqresi li xchu'ke. Jo'ka'in naq tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e xwankil li naraj wi' xk'eeb'al.

Daniel 4:3

K'ajo' xninqal li sachb'ach'oolej naxb'aanu, q'axal numtajenaq xwankil li xb'aanuhom! Li x'awab'ejihom wank chi junelik, ut li xwankilal ink'a' taalajq taa'oso'q.

Jeremías 28:14

Xb'aan naq li Nimajwal Yos, li xYos laj Israel, xye chi jo'ka'in: B'itch'iich' chik xink'e chirix xkuxeb' chixjunileb' li tenamit re naq te'kanaaq chi munil chiru laj Nabukodonosor, li awab'ej re Babilonia. A'atqeb' li k'iche'il xul te'wanq rub'el li xwankil»”.

Isaías 10:8

Xb'aan naq naxye sa' xch'ool: «Ma ink'a' tab'i' awab'ejeb' chixjunileb' li wankeb' rub'el linwankil?

Proverbios 8:15

Sa' ink'ab'a' neke'awab'ejink eb' li awab'ej, ut eb' laj nahonel chaq'rab' neke'raqok aatin sa' tiikilal.

2 Crónicas 36:23

“Jo'ka'in xye laj Siro, awab'ej re Persia: Li Qaawa', xYos li choxa, xk'e rub'el linwankil chixjunileb' li tenamit sa' ruuchich'och'. Ut a'an xchaq'rab'ink we naq tinkab'la jun rochoch aran Jerusalén, sa' xteepal Judá. Jo'kan utan, chejunilex li xkomonex li xtenamit li Yos naru texxik aran. Ut li Qaawa' leeYos chiwanq taxaq eerik'in!”.

1 Reyes 4:24

Xb'aan naq laj Salomón kiwank xwankil sa' xb'een chixjunil li ch'och' wan chaq junpak'al li nima' Éwfrates, chalen Tafsaj toj Gasa, ut sa' xb'eeneb' chixjunileb' li awab'ej li wankeb' chaq aran. Kiwank sa' tuqtuukilal rik'ineb' li wankeb' sa' xsutam.

Apocalipsis 19:16

Chiru li raq' ut chiru li ra' tz'iib'anb'il jun li k'ab'a'ej: “Awab'ej sa' xb'eeneb' li awab'ej ut Qaawa' sa' xb'eeneb' li qaawa'”.

2 Reyes 25:28

Q'axal kixb'aanu usilal re ut kixk'e xwankil jwal nim wi' chik chiruheb' chixjunil li awab'ej wankeb' rochb'een aran Babilonia.

Jeremías 34:1

Naq laj Nabukodonosor, li awab'ej re Babilonia, rochb'eeneb' laj puub' ut chixjunileb' li tenamit li wankeb' rub'el xwankil sa' ruuchich'och', yookeb' chi yalok rik'ineb' laj Jerusalén ut rik'ineb' chixjunil li tenamit wankeb' chi xsutam, li Qaawa' ki'aatinak rik'in laj Jeremías ut kixye re:

Daniel 1:2

Li Qaawa' kixq'axtesi laj Johakín, li awab'ej re Judá, sa' ruq' laj Nabukodonosor re naq taak'ame'q Senahar. Jo'kan ajwi' ki'uxmank reheb' li loq'laj sek' li neke'k'anjelak sa' rochoch li Yos: ke'k'ame'k ut ke'k'eemank sa' xyanq li xb'ihomal li rochoch li xyoseb' laj Babilonia.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Daniel 4:22

Li che' a'an a'anat laa'at, at awab'ej: laa'at li xnimank laawankil, li jwal kaw aawib', laa'at li xnumtaak laawankilal ut xwulak toj sa' choxa; laa'awab'ejihom xwulakje'k toj sa' xmaril li ruuchich'och'.

Daniel 7:14

Ut kik'ehe'k xwankil, xloq'al ut x'awab'ejihom, ut chixjunileb' li tenamit, eb' li poyanam li jalan jalanq li raatinob'aaleb' ke'ok chi k'anjelak chiru. Li xwankilal wanq chi junelik ut ink'a' taa'oso'q; ut li x'awab'ejihom maajoq'e taasachmanq.

Daniel 2:31

“Laa'at, at awab'ej, xawil sa' moy u jun nimla jalam u xaqxo chawu, q'axal nalemtz'unk ru ut jwal xiwajel rilb'al.

Daniel 4:19

Toja' naq laj Daniel, Beltsasar nayeemank re, kisachk xch'ool ut mem kikanaak chiru jun k'amok xb'aan li xk'a'uxl. Ab'an li awab'ej kixye re: “Matxiwak, a Beltsasar, ut mi'ok aak'a'uxl xb'aan li matk' a'in chi moko xb'aan li xyaalal”. Kichaq'ok laj Beltsasar ut kixye: “At awab'ej, rehaqeb' taxaq li xik' neke'ilok aawe li matk' a'in; ut chinaq ta li xyaalalil sa' xb'eeneb' li neke'majewank aawe.