Daniel 2:27 - Q'eqchi Bible

²⁷ Kichaq'ok laj Daniel ut kixye chi jo'ka'in: “Maajun junaq aj q'e, aj nawal, aj k'ehol na'leb' ut aj tz'ilol rixeb' li chahim te'ruhanq chi xch'olob'ankil chawu li taawaj xnawb'al, at awab'ej.

Li Santil hu

²⁷ Laj Daniel quichakꞌoc ut quixye: —Li cꞌaꞌru nacacuaj xnaubal incꞌaꞌ nanauman. Chi moco laj kꞌe, chi moco li cuanqueb xnaꞌleb, chi moco li nequeꞌtzoloc chirix li chahim, chi moco laj tu̱l naru teꞌyehok a̱cue, at rey.

Daniel 2:27 ပူးပေါင်းရင်းမြစ်များ

Daniel 2:2

Toja' naq li awab'ej kixtaqla xb'oqb'aleb' laj q'e ut eb' laj nawal, eb' laj k'ehol na'leb' jo'wi' eb' laj tz'ilol rixeb' li chahim, re naq te'xch'olob' chiru k'aru xyaalal li xmatk'. Ut naq ke'wulak rik'in,

Isaías 44:25

Laa'in ninpo'ok ru li neke'xye eb' laj q'e, ut ninjuk' li esil neke'xye li neke'b'alaq'ink; ninsach xk'a'uxeb' li wankeb' xna'leb', ut memil nakanaak wi' li xnawomeb'.

Isaías 19:3

Tinpo' xna'leb'eb' laj Ejiipt, ut ink'a' chik taach'olaaq li xk'uub'ahomeb'. Toja' naq te'xik chi patz'ok rik'in li xyoseb', rik'inatqeb' laj tuul, eb' laj q'e ut eb' li neke'tz'ilok rix chahim.

Génesis 40:8

Ke'chaq'ok eb' a'an ut ke'xye: “Xoomatk'ek ut maajun nach'olob'ank xyaalal chiqu”. Kixye laj José reheb': “Ma ink'a' tab'i' re li Yos li xch'olob'ankil xyaalal li matk'? Seeraq'iiq we laa'in”, chan.

Génesis 41:8

Naq kisaqewk, k'ajo' xk'a'uxl laj Parahón. Kixtaqla xb'oqb'al chixjunileb' laj q'e ut laj k'ehol na'leb' li wankeb' Ejiipt: kixseeraq'i li xmatk' reheb', ab'an maajun kiruhank chi xtawb'al xyaalal.

Jeremías 10:7

Ani ink'a' taaxiwanq aawu, at xReyeb' li xninqal ru tenamit? Relik chi yaal naq aak'ulub' naq xiwanb'ilaq aawu. Sa' xyanqeb' chixjunileb' li wankeb' xna'leb' ut sa' xyanqeb' li awab'ej sa' ruuchich'och' maajun chik wank jo' laa'at, at Qaawa'.

Daniel 1:20

Chirix chixjunil li chaab'il na'leb' malaj seeb'al k'a'uxej li naraj xnawb'al li awab'ej, eb' li kaahib' chi saaj winq a'an q'axal chik ke'tawe'k naq wankeb' xna'leb' chiruheb' chixjunil: lajeeb' wa chik neke'xq'ax ruheb' laj q'e ut eb' li neke'nawalink sa' chixjunil li x'awab'ejilal laj Nabukodonosor.

Daniel 4:7

Xe'chalk eb' laj q'e ut eb' laj nawal, eb' laj k'ehol na'leb' jo'wi' eb' laj tz'ilol rixeb' li chahim, ut xinseeraq'i reheb' li moy u, ab'an maajun reheb' xru xch'olob'ankil li xyaalal.