Daniel 2:23 - Q'eqchi Bible

²³ Ninb'anyoxink chawu, at Qaawa', xYosat eb' linxe'toonil yuwa', xb'aan naq xak'e inchoxahil na'leb' ut inwankilal; xak'ut chiqu xyaalal li xqatz'aama aawe ut xak'e chiqanaw li yo wi' xk'a'uxl li awab'ej”.

Li Santil hu

²³ At inDios, la̱at lix Dioseb lin xeꞌto̱nil yucuaꞌ. Ninbantioxin cha̱cuu ut nacatinlokꞌoni xban nak xaqꞌue innaꞌleb ut xaqꞌue incacuilal. Xacꞌutbesi chicuu li xintzꞌa̱ma cha̱cuu. Anakcuan xacꞌutbesi chicuu cꞌaꞌru lix matcꞌ li rey ut cꞌaꞌru lix ya̱lal, chan laj Daniel re li Dios.

Daniel 2:23 ပူးပေါင်းရင်းမြစ်များ

Daniel 2:18

Kixtz'aama ajwi' chiruheb' naq tijoqeb' chiru li Qaawa', re xpatz'b'al xnimal ruxtaan li xYos li choxa chirix li tz'aptz'ookil na'leb' a'an, re naq ink'a' te'kamsiiq rochb'eeneb' laj k'ehol na'leb' re Babilonia.

Éxodo 3:15

Chirix chik a'an li Yos kixye re laj Moisés: “Jo'ka'in taaye reheb' laj Israel: «Li Qaawa' Yos, li xYos leexe'toonil yuwa', li xYos laj Abrahán, laj Isahak ut laj Jakob, xinxtaqla chaq eerik'in». A'inaq link'ab'a' chi junelik, ut a'in tine'xyaab'a wi' li tenamit junq'e junq'e kutan.

San Lucas 10:21

Sa' ajwi' li honal a'an, li Jesus kisaho'k sa' xch'ool xb'aan li Santil Musiq'ej ut kixye: “Ninloq'on aawu, at inYuwa', laa'at aj eechal re li choxach'och', xb'aan naq xamuq a'in chiruheb' li wankeb' xna'leb' jo'wi' li seeb'eb' xch'ool, ut xak'ut chiruheb' li q'uneb' xch'ool. Yaal, at inYuwa', xb'aan naq jo'kan xwulak chawu.

San Mateo 11:25

Sa'eb' li kutan a'an li Jesus ki'ok chi aatinak ut kixye: “Ninloq'on aawu, at inYuwa', laa'at aj eechal re li choxach'och', xb'aan naq xamuq a'in chiruheb' li wankeb' xna'leb' jo'wi' li seeb'eb' xch'ool, ut xak'ut chiruheb' li q'uneb' xch'ool.

Amós 3:7

Jo'kan ajwi', li Qaawa' maak'a' tixb'aanu wi ink'a' xye xb'enwa reheb' laj k'anjel chiru, a'eb' li propeet.

Daniel 1:17

Li Qaawa' Yos kixk'e xchaab'il na'leb'eb' li kaahib' chi saaj winq a'an; kixk'e ajwi' xseeb'al k'a'uxeb' chirix li k'iila nawom. Laj Daniel naxtaw ru eb' li moy u jo'wi' eb' li matk'.

Isaías 12:1

Sa' li kutan a'an taaye: “Ninb'anyoxink chawu, at Qaawa', xb'aan naq xatjosq'o'k chiwu, ab'anan xch'anaak laajosq'il ut xak'ojob' wi' chik linch'ool.

Salmos 50:14

Laa'in li Nimajwal Yos! Li mayej li taaq'axtesi we, a'an jun ch'oolej li naxnaw yoxink; chab'aanu chi tz'aqal li xayeechi'i we.

Salmos 25:14

Li Qaawa' a'an ramiiw eb' li neke'paab'ank re, jo'wi' naxk'e chi xnaweb' li xloq'laj sumwank.

Apocalipsis 5:5

Ab'an jun reheb' li cheekel winq kiyehok we: “Matyaab'ak. Chawil, li Kaqkoj re li xteepal laj Judá, a' li xTuxb' laj David, xq'axok u: a'an taa'isinq reheb' li wuqub' chi tz'apleb' ut tixte li hu”.

Apocalipsis 1:1

A'an a'in li kik'utb'esiik chiru li Jesukriist xb'aan li Yos re naq tixk'ut, chiruheb' laj k'anjel chiru, chixjunil li taak'ulmanq chi seeb'. Li Jesukriist kixtaqla chaq li x'ánjel re xk'eeb'al chixnaw laj Jwan li xmoos;

San Juan 11:41

Ke'risi li pek. Toja' naq li Jesus kixtaqsi li rilob'aal sa' choxa ut kixye: —At inYuwa', ninyoxi chawu naq xinaawab'i.

Eclesiastés 9:18

Q'axal us li choxahil na'leb' chiruheb' li ch'iich' neke'k'anjelak re yalok; ab'anan naq naluktaak junaq poyanam, nasache'k chixjunil li chaab'ilal.

Eclesiastés 7:19

Li chaab'il na'leb' q'axal chik naxk'e xkawilal li ani wank xna'leb' chiru lajeeb' chi winq li wankeb' xwankil sa' li tenamit.

Proverbios 24:5

Jwal us li winq wank xna'leb' chiru li kaw rib'; ut q'axal loq' li seeb' xk'a'uxl chiru li nim xwankil.

Proverbios 21:22

Li wank xna'leb' na'ok chi yalok rik'in jun kawub'resinb'il tenamit, ut naxjuk' li xsuttz'akil li k'ojk'o wi' xch'ooleb'.

Proverbios 8:14

We li k'uub'ank ut li xb'aanunkil; laa'in laj k'ehol na'leb' ut li xyo'leb'aal li kawil ch'oolej.

2 Crónicas 20:6

ut kixye: “At Qaawa', xYosat eb' li qana' qayuwa', ma ink'a' tab'i' laa'at xYosat li choxa ut wank aawankil sa' xb'eeneb' chixjunil li x'awab'ejihom li ruuchich'och'? Sa' laawuq' laa'at wank li kawilal ut li wankilal, ut maajun nakuyuk aasumenkil.

1 Crónicas 29:13

Jo'kan naq, at qaYos, anaqwan nokooyoxink chawu ut naqaterq'usi laaloq'laj k'ab'a'.

1 Crónicas 29:10

Chirix chik a'an laj David kixloq'oni li Qaawa' chiruheb' chixjunil li wankeb' sa' li nimla ch'utam ut kixye: “Osob'tesinb'ilat taxaq chi junelik, at Qaawa', xYos li qayuwa' Israel!

1 Reyes 18:36

Sa' xhonalil li mayejak, laj Elías li propeet kijilok ut kixye: “At Qaawa', xYos laj Abrahán, laj Isahak ut laj Israel: chik'utunq anaqwan naq laa'at li xYos laj Israel ut laa'in aj k'anjel chawu, ut laa'at xattaqlank we chi xb'aanunkil chixjunil a'in.

1 Reyes 8:57

“Chiwanq taxaq qik'in li Qaawa' li qaYos, jo' naq kiwank chaq rik'ineb' li qana' qayuwa'. Ink'a' taxaq tooxkanab' chi moko tooxtz'eqtaana,

Génesis 18:17

Toja' naq li Qaawa' kixye: “Ink'a' truuq tinmuq chiru laj Abrahán li k'aru ok we chi xb'aanunkil.

San Juan 15:15

Ink'a' chik ninye moosej eere xb'aan naq li moosej ink'a' naxnaw li naxb'aanu laj eechal re; wamiiw b'an chik ninye eere xb'aan naq chixjunil li xwab'i chaq rik'in linYuwa', xlajink'ut cheru.

Eclesiastés 9:16

Naq xink'e reetal a'in, xinye sa' inch'ool: “Jwal us li chaab'il na'leb' chiru li metz'ew, us ta tz'eqtaananb'il li xchaab'il na'leb' li neb'a' ut ink'a' na'ab'imank li raatin”.

Génesis 31:42

Wi ta li xYos laj Abrahán ut li xYos laj Isahak linyuwa' ink'a' xinxtenq'a, relik chi yaal naq xinaataqla raj chaq anaqwan chi maak'a' wank we. Ab'anan li Yos xril xtoq'ob'aal wu ut lintawajik, ut ewer chi q'eq xatxq'us”, chan laj Jakob.

Salmos 21:2

At Qaawa', li awab'ej nasaho'k sa' xch'ool xb'aan laawankil; k'ajo' xsahil li raanm xb'aan laakolom!

Salmos 21:4

Xanujob'resi rik'in xnimal laawosob'tesihom, xak'e sa' xjolom jun li koroon yiib'anb'il rik'in chaab'il oor.

Jeremías 33:3

Patz' link'ab'a' ut laa'in tatinchaq'b'e; tinye aawe xninqal na'leb' li wankeb' chi muqmu ut toj maji' nakanaw laa'at.