Daniel 12:6 - Q'eqchi Bible

⁶ Ut jun reheb' kixpatz' re li ánjel tiqto rik'in t'ikr liin li xaqxo sa' xb'een li ha': «Jo'q'e te'raqe'q eb' li sachb'ach'oolej a'in?».

Li Santil hu

⁶ Ut jun reheb li cuib li xakxo̱queb chire li nimaꞌ quia̱tinac riqꞌuin li jun lino li rakꞌ xakxo saꞌ xbe̱n li haꞌ ut quixpatzꞌ re jokꞌe ta̱rakekꞌ xcꞌulbal chixjunil li sachba chꞌo̱lej aꞌin.

Daniel 12:6 ပူးပေါင်းရင်းမြစ်များ

Daniel 8:13

“Toja' naq kiwab'i jun li ánjel yo chi aatinak, ut li jun chik kixpatz' re: «Jo' najtil taawanq xk'utb'esinkil li moy u a'in? Jo' najtil taawanq li mayejak rajlal kutan, li jo'maajo'il na'leb' ut li loq'laj Muheb'aal? Jo' najtil chik yooq xtawasinkileb' laj paab'anel?».

Ezequiel 9:2

Toja' naq ke'wil waqib' chi winq yookeb' chi ok sa' li Nimla Okeb'aal li wank sa' xjayal releb'l iq', ut li junjunq wan chaq xch'iich' re kamsink sa' ruq'. Sa' xyanqeb' a'an wan chaq jun li winq tiqto rik'in saqi aq'ej liin, ut b'ak'b'o chaq chi xsa' jun tz'iib'leb'. Naq ke'ok sa' li rochoch li Yos, koxe'xxaqab' rib' chi xk'atq li artal q'anch'iich'.

Daniel 8:16

ut kiwab'i jun xyaab' kuxej chire li nima' Ulay li kixjap re chi xyeeb'al: «At Gabriel, ch'olob' chiru a'an k'aru xyaalal li moy u li xril», chan.

Apocalipsis 19:14

Ut eb' li k'iila teep chi choxahil aj puub' tiqtookeb' rik'in chaab'il liino saqsaq ru, yookeb' chi xtaaqenkil ut k'ojk'ookeb' chaq chirix saqi kawaay.

Apocalipsis 15:6

ut ke'elk chaq sa' li santil ochoch eb' li wuqub' chi ánjel li wan chaq li wuqub' chi rahilal rik'ineb', tiqtookeb' rik'in tz'aqal liino nalemtz'unk, ut b'ak'b'ookeb' li re xch'ool rik'in xk'aamal sa' oor.

Apocalipsis 6:10

Ut ke'ok chi xjapb'aleb' re chi kaw xyaab'eb' xkux, ut ke'xye: “At santil Eechalinel, laa'at paab'ajelat, toj jo'q'e tatkanaaq chi ink'a' tatraqoq aatin sa' xb'eeneb' li wankeb' sa' ruuchich'och' ut ink'a' taweeqajuniheb' li ke'kamsink qe?”.

1 Pedro 1:12

Li Yos kixk'utb'esi chiruheb' li propeet naq moko cho'q reheb' ta a'an, eere b'an laa'ex taak'anjelaq chixjunil a'in, a' wi' chikeb' li ánjel neke'raj raj xka'yankil. Ut anaqwan a'in xch'olob'aak cheru xb'aaneb' li xe'puktesink re li Chaab'il Esilal eere, rik'in li Santil Musiq'ej taqlanb'il chaq sa' choxa.

Efesios 3:10

Chi jo'kan, sa' xk'ab'a' li Iklees, nak'eemank chi nawe'k anaqwan li xnimal xk'a'uxl li Yos chiruheb' li wankeb' xwankil ut neke'taqlank sa' li choxa,

Salmos 74:9

Ink'a' chik naqil li qeetalil ut maak'a'eb' chik li propeet, chi moko wank junaq ta qe li naxnaw toj jo'q'e qu.

San Mateo 24:3

Chirix a'an, naq ak chunchu sa' xb'een li tzuul Olivos, eb' li xtzolom ke'jilok chi xk'atq naq wank xjunes ut ke'xye re: —Ye qe jo'q'e taak'ulmanq a'in ut k'aru reetalil laachalik ut li roso'jik li ruuchich'och'.

San Marcos 13:4

—Ye qe jo'q'e taak'ulmanq a'in ut k'aru li eetalil taawanq naq talajk'ulmanq chixjunil a'in.

Daniel 12:5

“Laa'in laj Daniel kiwil wiib'eb' chik mu chanchaneb' li winq, xaqxookeb' junqpak'al li nima'.

Daniel 12:8

“Laa'in kiwab'i li kixye, ab'an ink'a' kintaw xyaalal. Jo'kan naq kinpatz' wi' chik: «Wa'chin, chanru naq toxraqe'q chixjunil a'in?», chankin.