Daniel 12:4 - Q'eqchi Bible

⁴ Ab'anan laa'at, a Daniel, maa'ani taaye wi' eb' li aatin a'in; k'uula chi tz'aptz'o li hu a'in toj sa' roso'jikeb' li kutan. Naab'aleb' te'xb'eeni rib' chi xsik'b'al li raatin li Qaawa' ut te'xtaw xtz'aqob' li xna'leb'eb'».

Li Santil hu

⁴ Abanan la̱at, Daniel, cꞌu̱la saꞌ a̱chꞌo̱l li cꞌaꞌru xacuil saꞌ li visión. Ta̱bot ru li hu li yo̱cat xtzꞌi̱banquil ut ta̱qꞌue li sello chiru re nak ma̱ ani ta̱ilok re toj ta̱cuulak xkꞌehil li rosoꞌjiqueb li cutan. Ut nabaleb li tenamit teꞌcha̱lk teꞌxic yalak bar re nak teꞌxtau xtzꞌakob lix naꞌlebeb, chan cue li ángel.

Daniel 12:4 ပူးပေါင်းရင်းမြစ်များ

Daniel 12:9

Ut a'an kixye we: «Matk'oxlak, a Daniel, xb'aan naq eb' li aatin a'in k'uulanb'ileb' ut tz'aptz'ookeb' toj reetal sa' roso'jikeb' li kutan.

Apocalipsis 22:10

Kixye ajwi' we: “Maatz'ap rik'in tz'apleb' li raatin propeet wankeb' sa' li hu a'in, xb'aan naq nach' chik wank li xq'ehil.

Daniel 8:26

A'an a'in li xyaalalil li k'aru taak'ulmanq chiru wan xka chihab'. Ak xinch'olob' chawu, ut a'an tz'aqal yaal; ab'anan k'uula sa' laach'ool xb'aan naq moko ak k'ulmank ta re a'in», chan we li ánjel.

Daniel 8:17

Toja' naq kijilok chink'atq ut laa'in kint'ane'k chi hupu chiru ch'och' xb'aan inxiw. A'an kixye we: «At winq, tento taataw ru naq li moy u xawil, a'an reetalil li k'aru taak'ulmanq sa' roso'jikeb' li kutan».

Apocalipsis 10:4

Naq kiraqe'k xyaab' eb' li wuqub' chi kaaq, kin'ok raj chi tz'iib'ak, ab'an kiwab'i jun xyaab' kuxej sa' choxa yo chi xyeeb'al: “Tz'ap rik'in tz'apleb' li b'arwan xe'xye li wuqub' chi kaaq ut maatz'iib'a a'an”.

Daniel 12:13

Ut laa'at ayu chi hilank toj sa' xkutankil laakamik. Tatwakliiq chaq sa' roso'jikeb' li kutan re xk'ulb'al laaq'ajkamunkil»”.

Isaías 32:3

Q'esaq chik xsa' ru chi ilok ut q'esaq chik li xxik chi ab'ink.

Isaías 8:16

K'uula chi us eb' li aatin a'in, kaaxti chi chaab'il li chaq'rab' xink'e aawe sa' xyanqeb' lintzolom a'in.

San Mateo 24:14

Ut taapuktesimanq li chaab'il esilal a'in chirix li xnimajwal wankilal li choxa sa' chixjunil li ruuchich'och' re xch'olob'ankil li yaal chiruheb' chixjunil li tenamit: toja' naq taachalq li roso'jik.

Isaías 11:9

Sa' chixjunil linsantil tzuul maajun taab'aanunq maa'usilal malaj taarahob'tesinq ras riitz'in, xb'aan naq chixjunileb' te'xnaw chik ru li Qaawa'. Jo' naq li ha' naxtamresi li palaw, jo'kan ajwi' li xraab'al li Qaawa' tixnujob'resi chixjunil li ruuchich'och'.

Daniel 11:40

«Sa' roso'jikeb' li kutan li awab'ej re Ejiipt taayaloq rik'in li awab'ej re Siria, ut a'in taaxik chi xsumenkil rik'in k'iila b'eleb'aal ch'iich', k'iila aj puub' ut naab'aleb' li jukub'; te'ok aran Ejiipt ut te'nume'q jo' li b'ut'iha'.

Daniel 11:33

Eb' laj k'amol b'e li wankeb' xna'leb' te'xtzol naab'aleb' li poyanam, ab'anan ink'a' najtaq chik wankeb' te'kamsiiq, wankeb' te'k'atje'q, wankeb' te'isiiq sa' li xna'ajeb' ut wankeb' chik te'elq'aaq li xjunqkab'al.

Romanos 10:18

Ab'an laa'in ninpatz': Ma ink'a' tab'i' ke'rab'i? K'a' naq ink'a'? Xb'aan naq naxye li Santil Hu: “Li xyaab' xkuxeb' ki'ab'imank junsut junrub'el choxa, ut toj sa' xmaril li ruuchich'och' kox'elq li raatineb'”.

Daniel 10:1

Naq ak oxib' chihab' rokik chi awab'ejink laj Siro sa' xb'eeneb' laj Persia, laj Daniel, Beltsasar xkab' xk'ab'a', kiril jun moy u li q'axal yaal, ab'anan jwal ch'a'aj xtawb'al ru. Laj Daniel kixk'e xch'ool chi xtawb'al ru li xk'utb'esihom li Yos, ut koxnaw xyaalal li xmatk'.

Isaías 30:26

Toja' naq li xsaqenkil li po taalemtz'uno'q jo' li saq'e tuqtu wa'leb', ut li xsaqenkil li saq'e taalemtz'uno'q wuqub' sut chik jo' xsaqenkil li wuqub' kutan, naq li Qaawa' tixk'irtasi ut tixlan li xtiq'ilal li xtenamit.

Apocalipsis 5:1

Kiwil ajwi' sa' xnim uq' li k'ojk'o sa' li nimajwal k'ojarib'aal jun li hu tz'iib'anb'il chisa' ut chirix, tz'aptz'o rik'in wuqub' chi tz'apleb'.

Isaías 29:11

Chixjunil li moy u xk'utum cheru li Yos kama' aj chik li aatin tz'iib'anb'il chiru hu tz'apb'il chi us. Wi li hu a'an taak'eemanq chi xyaab'asi junaq li naxnaw ilok ru hu ut taayeemanq re: “Yaab'asi xsa' li hu a'in”, a'an tixsume: “Ink'a' tinruuq xb'aan naq tz'aptz'o chi us li hu”.

Jeremías 5:1

“B'eenihomaq eb' li b'e re Jerusalén -chan li Qaawa'-, ilomaq chi us ut k'ehomaq reetal. Sik'omaq sa'atqeb' li ruq' b'e re rilb'al ma teetaw junaq winq li nab'aanunk li tiikilal ut naxsik' li yaal; ut tinkuy raj xmaak Jerusalén.

Daniel 10:14

Ut anaqwan xinchalk re xch'olob'ankil xyaalal li k'aru tixk'ul laatenamit chiruheb' li kutan chaalel, xb'aan naq toj wank chik jun moy u chirixeb' li kutan a'an».

Daniel 10:21

Anaqwan tink'ut chawu li k'aru tz'iib'anb'il sa' xHuhul li yaal. Maajun natenq'ank we, ka'ajwi' li ánjel Miguel, li na'ilok reheb' laj Israel.

Daniel 12:5

“Laa'in laj Daniel kiwil wiib'eb' chik mu chanchaneb' li winq, xaqxookeb' junqpak'al li nima'.

Daniel 8:19

Moqon kixye we: «Tinch'olob' chawu li taak'ulmanq naq taaraqe'q li xjosq'il li Qaawa', xb'aan naq ak xaqxo li xkutankil li roso'jik.