Daniel 12:2 - Q'eqchi Bible

² «Naab'aleb' li ak kamenaqeb' te'wakliiq chaq wi' chik chi yo'yo: wankeb' re junelik yu'am, wankeb' chik re wank sa' xutaan ut tojb'amaak chi junajwa.

Li Santil hu

² Ut nabaleb li ac camenakeb teꞌcuacli̱k cuiꞌchic. Cuan li teꞌxcꞌul li yuꞌam chi junelic ut cuan li xuta̱nal teꞌxcꞌul nak teꞌxic saꞌ li tojba ma̱c chi junelic.

Daniel 12:2 ပူးပေါင်းရင်းမြစ်များ

Isaías 26:19

Eb' laakamenaq te'wanq xyu'am, te'yo'laaq wi' chik li xb'aqel rismaleb'; te'ajq ruheb' ut te'b'ichanq xb'aan xsahil xch'ooleb' jo'k'ihaleb' li wankeb' sa' pojtz'. Xb'aan naq laak'ajob' a'an jun k'ajob' nalemtz'unk ru, ut li xna'ajeb' li kamenaq taa'alanq.

San Mateo 25:46

Ut te'xik eb' a'in sa' li tojb'amaak chi junelik, ut eb' li tiikeb' xch'ool te'xik sa' li junelik yu'am”.

Ezequiel 37:12

Jo'kan naq aatinaheb' ut ye reheb': «Jo'ka'in xye li Qaawa': Ex intenamit, ok we chi xteeb'al eb' li muqleb'aal wankex wi', texwisi chisa' ut texink'am chaq wi' chik sa' xteepal Israel.

Apocalipsis 20:12

Kiwileb' li kamenaq, jo' kok' jo' ninq, xaqxookeb' chiru li nimajwal k'ojarib'aal. Ut ke'teemank eb' li hu, jo' ajwi' jun chik li hu, a' li xhuhil li yu'am. Kiraqmank aatin sa' xb'eeneb' jo' chanru tz'iib'anb'il sa'eb' li hu, a' yaal chanru li xb'aanuhomeb'.

Hechos 24:15

ut kaw linch'ool chi royb'eninkil rik'in li Yos naq te'wakliiq wi' chik chi yo'yo li tiikeb' xch'ool ut eb' laj maak, jo' ajwi' neke'royb'eni eb' a'in.

1 Ts 4:14

Ma ink'a' tab'i' naqapaab' naq li Jesus kikamk ut kiwakliik wi' chik chi yo'yo? Jo'kan naq li Yos tixk'ameb' rik'in li Jesus eb' li xe'kamk sa' xk'ab'a' A'an.

Isaías 66:24

Ut sa' li relikeb' te'ril naq kamenaqaqeb' chik li winq li xe'xq'etq'eti rib' chiwu. Li xmotzo'ileb' ink'a' te'kamq, chi moko taachupq li xam li nak'atok reheb'. Ut xa'b'eetalaq cho'q reheb' chixjunil li poyanam naq te'ril a'an”.

Jeremías 20:11

Ab'an laa'at, at Qaawa', wankat wik'in jo' junaq aj yalonel li q'axal kaw rib'. Eb' li xik' neke'ilok we te'oso'q ut ink'a' te'ruuq xq'axb'al wu; ink'a' us te'elq, se'enb'ilaqeb' chi junelik, ut junelik taajultikamanq naq xe'kanaak sa' xutaan.

Oseas 13:14

Ma tinkol tab'i' chiru li muqleb'aal kamenaq? Ma twisi tab'i' sa' ruq' li kamk? At kamk, b'ar wank laawankil? B'ar wank laatiq'leb', at muqleb'aal kamenaq? Ink'a' twil xtoq'ob'aal ru laj Efraín.

Romanos 9:21

Ma maak'a' tab'i' xwankil laj pak'onel re xpak'b'al rik'in li yoq'lenb'il seb' junaq sek' chaab'il xk'anjel ut junaq chik li ink'a' us xk'anjel?

Hechos 7:60

Chirix chik a'an kit'ane'k chi wiq'wo ut kixjap re chi kaw, ut kixye: “At Qaawa', maak'e xaq li maak a'in sa' xb'eeneb'”. Ut naq kixye a'in, kikamk.

Proverbios 12:8

Li ani seeb' xch'ool nak'ehe'k xloq'al; a'ut li maak'a' xna'leb', a'an yal re tz'eqtaanaak.