Daniel 11:40 - Q'eqchi Bible

⁴⁰ «Sa' roso'jikeb' li kutan li awab'ej re Ejiipt taayaloq rik'in li awab'ej re Siria, ut a'in taaxik chi xsumenkil rik'in k'iila b'eleb'aal ch'iich', k'iila aj puub' ut naab'aleb' li jukub'; te'ok aran Ejiipt ut te'nume'q jo' li b'ut'iha'.

Li Santil hu

⁴⁰ Nak acak cuulac re rosoꞌjic lix cuanquil li rey li cuan saꞌ li norte, li rey li cuan saꞌ li sur ta̱xic chi pletic riqꞌuin. Chanchan xmetzꞌe̱u li ca̱k-sut-ikꞌ nak eb li soldado li teꞌcha̱lk saꞌ li norte teꞌoc chi pletic. Riqꞌuin xnimal xcuanquileb teꞌpletik riqꞌuin lix cacua̱y ut lix carruaje ut lix jucub. Chanchan li butꞌ nak naxhel rib saꞌ li chꞌochꞌ nak teꞌnumta̱k saꞌ xbe̱neb nabal chi tenamit.

Daniel 11:40 ပူးပေါင်းရင်းမြစ်များ

Daniel 11:35

Wankeb' aj k'ehol xna'leb' li tenamit te'kamsiiq, ab'an yal re xyalb'aleb' rix li junch'ol chik, re xch'ajob'resinkil xna'leb'eb' ut xsaab'esinkileb' li xkomon, toj sa' roso'jikeb' li kutan li ak xaqxo xb'aan li Qaawa'.

Daniel 11:10

«Te'xkawresi rib'eb' li ralal xk'ajol li awab'ej re Siria ut te'xch'utub' naab'aleb' laj puub'. Jun reheb' a'an tixkut rib' chi junpaat jo' li b'ut'iha' sa' xb'een Ejiipt; chirix a'an taa'ok wi' chik chi yalok re reechaninkil li kawub'resinb'il ochoch.

Isaías 5:28

Q'es q'es ru'ujeb' li xsimaj ut chixjunil li xna' simaj kaw kaw rixeb'. Chanchan raxjohinkil pek li rixi'ijeb' li kawaay ut li roqeb' li xkaar kama'eb' li kaqsut-iq'.

Apocalipsis 16:12

Li xwaq li ánjel kixhoy li xsek' sa' xb'een li nima' Éwfrates, ut kichaqik li ha' re naq kawresinb'ilaq xb'eheb' li awab'ej te'chalq chaq sa' releb'l saq'e.

Zacarías 9:14

Li Qaawa' tixtenq'a li xtenamit ut jo'kaq li raq'kaaq naq tixkuti li ral xsimaj; A' li Yos taayaab'asinq li pur ut taaxik chi yalok sa' xyanq li kaqsut-iq' nachalk sa' li chaqich'och'.

Daniel 12:4

Ab'anan laa'at, a Daniel, maa'ani taaye wi' eb' li aatin a'in; k'uula chi tz'aptz'o li hu a'in toj sa' roso'jikeb' li kutan. Naab'aleb' te'xb'eeni rib' chi xsik'b'al li raatin li Qaawa' ut te'xtaw xtz'aqob' li xna'leb'eb'».

Ezequiel 38:4

Laa'in tatinsutq'isi chaq, tinb'ak' laawe chi kareen ut tatwisi sa' laana'aj aawochb'eeneb' laasoldaad: eb' li kawaay jo'wi' eb' li neke'b'eek chirixeb' li tiqtookeb' chi us, chixjunileb' wankeb' xkolb'al rib'eb' ut xch'iich' puniteb', ut q'axal seeb'eb' chi yalok rik'in ch'iich'.

Jeremías 4:13

Ilomaq, eb' li xik' neke'ilok re li tenamit yookeb' chi chalk jo'eb' li choql; li xkaareb' a'an chanchaneb' li kaqsut-iq' chi chalk, ut eb' li kawaay neke'aanilak chi kaw chanchan xseeb'aleb' li t'iw. Q'axal toq'ob'aal qu xb'aan naq oso'k qe.

Isaías 21:1

Resilal li rahilal tixk'ul li chaqich'och' wank chire li palaw: Jo' li kaqsut-iq' nanume'k Nejeb, jo'kan ajwi' yo chaq chi chalk li nimla rahilal sa' li chaqich'och', sa' li tenamit xiwajel ru.

Apocalipsis 9:16

Li xk'ihaleb' laj puub' li wankeb' chirix kawaay, kiwab'i naq lajeek'aal mil chi k'iila mil.

Daniel 11:22

Eb' laj puub' li xik' neke'ilok re te'eleliq ut te'sache'q ru; jo'kan ajwi' laj jolominel sik'b'il ru taakamsiiq.

Daniel 8:17

Toja' naq kijilok chink'atq ut laa'in kint'ane'k chi hupu chiru ch'och' xb'aan inxiw. A'an kixye we: «At winq, tento taataw ru naq li moy u xawil, a'an reetalil li k'aru taak'ulmanq sa' roso'jikeb' li kutan».

Isaías 66:15

Xb'aan naq li Qaawa' taak'ulunq chaq sa' li xam; jo' li kaqsut-iq' naq te'chalq eb' li xb'eleb'aal ch'iich'. Ut sa' junpaat trisi li xnimal xjosq'il ut taarahob'tesinq jo' naq nasachok li xam.

Daniel 11:7

Toja' naq jun xkomon li ixq taa'ok chi awab'ejil. Taayaloq rik'ineb' laj puub' re li x'awab'ej Siria, toxreechani li kawub'resinb'il ochoch ut tixq'ax ruheb'.

Daniel 11:11

Toja' naq li awab'ej re Ejiipt k'ajo' naq taajosq'o'q, taaxik chi yalok rik'in li awab'ej re Siria ut chixjunileb' li k'iila o'q'ob' chi aj puub' re Siria te't'ane'q sa' ruq'.

Daniel 11:13

Li awab'ej re Siria tixch'utub' wi' chik naab'aleb' laj puub' chi q'axal yo'oon wi' chik chiruheb' li xb'enwa, ut sa' wiib' oxib' chihab' chik taaxik chi yalok rochb'een k'iila o'q'ob' chi aj puub' ut jwal kawresinb'ilaqeb' chik.

Daniel 11:25

«Tixkawub'resi xch'ool re xik chi yalok rik'in li awab'ej re Ejiipt rochb'een naab'al teep chi aj puub'. Li awab'ej re Ejiipt taa'elq ajwi' chaq chi yalok rochb'een k'iila o'q'ob' chi aj puub' ut jwal kaweb' rib', ab'anan taab'alaq'iiq ut ink'a' tixkuy xsumenkil;

Daniel 11:39

Tixkoleb' li kawub'resinb'il ochoch rik'in xtenq'aal jun jalanil yos, ut jo'k'ihaleb' li te'k'ehoq xloq'al li yos a'an, tixk'eheb' xwankil sa' xb'eeneb' li k'iila poyanam ut tixjek'i li ch'och' reheb' cho'q xq'ajkamunkileb'.

Daniel 12:9

Ut a'an kixye we: «Matk'oxlak, a Daniel, xb'aan naq eb' li aatin a'in k'uulanb'ileb' ut tz'aptz'ookeb' toj reetal sa' roso'jikeb' li kutan.

Habacuc 3:14

Rik'ineb' li ral laasimaj xakamsi li xjolomileb', naq sa' q'etq'etil xe'xkut rib' sa' qab'een re xsachb'aleb' li neb'a' sa' muqmu.

Ezequiel 38:9

Ut laa'at tatwulaq sa' xb'eeneb', jo' junaq kaqsut-iq', jo' junaq q'oqyinkil choql li tixmoy li na'ajej, aawochb'eenaqeb' laasoldaad ut chixjunileb' li neke'okenk chawix.