Daniel 11:35 - Q'eqchi Bible

³⁵ Wankeb' aj k'ehol xna'leb' li tenamit te'kamsiiq, ab'an yal re xyalb'aleb' rix li junch'ol chik, re xch'ajob'resinkil xna'leb'eb' ut xsaab'esinkileb' li xkomon, toj sa' roso'jikeb' li kutan li ak xaqxo xb'aan li Qaawa'.

Li Santil hu

³⁵ Ut cuanqueb ajcuiꞌ saꞌ xya̱nkeb li nequeꞌqꞌuehoc naꞌleb saꞌ li tenamit teꞌcamsi̱k. Ta̱cꞌulma̱nk chi joꞌcan yal re xtenkꞌanquileb li jun chꞌol chic ut re ajcuiꞌ nak ta̱cꞌutu̱nk li ani tzꞌakal ti̱c xchꞌo̱l saꞌ xya̱nkeb re nak tzꞌakalakeb re ru nak ta̱cuulak xkꞌehil nak ta̱rakekꞌ li raylal li yo̱queb chixcꞌulbal joꞌ yebil chak xban li Dios.

Daniel 11:35 ပူးပေါင်းရင်းမြစ်များ

Zacarías 13:9

Ut li jun jachal a'in tinnumsiheb' sa' xam, tinch'ajob'resiheb' jo' na'uxk re li plaat, tinpuuxi ruheb' jo' na'uxk re li oor. Toja' naq te'xyaab'a link'ab'a', ut laa'in tinsumeheb' chaq: «Intenamitex laa'ex», cha'qin reheb'; ut eb' a'an te'xye: «Li Qaawa' a'an li qaYos», cha'qeb'”.

Apocalipsis 7:14

Kinchaq'ok chiru: “Wa', laa'at nakatnawok re”, chankin re. Ut a'an kixye: “A'aneb' a'in li xe'chalk chaq sa' li xnimal rahilal; xe'xpuch' li raq'eb' ut xe'xsaqob'resi sa' li xkik'el li Karneer.

Apocalipsis 2:10

Maaxiwa li b'arwan ok aawe chi xkuyb'al: wankeb' sa' eeyanq te'k'ehe'q sa' tz'alam xb'aan laj tza re taayale'q eerix. Teek'ul xninqal rahilal, ab'an ka'ajwi' yal chiru lajeeb' kutan. Tiikaq aach'ool toj reetal sa' laakamik, ut tink'e aawe li Yu'am cho'q aaq'ajkamunkil.

Proverbios 17:3

Li oor ut li plaat sa' xam neke'ch'ajob'resiik; ab'an li qach'ool nayale'k rix xb'aan li Qaawa'.

Santiago 1:2

Ex was wiitz'in, chek'ehaq cho'q xnimal xsahil eech'ool li k'iila paay chi yale'k sutsuuqex wi'.

Daniel 11:40

«Sa' roso'jikeb' li kutan li awab'ej re Ejiipt taayaloq rik'in li awab'ej re Siria, ut a'in taaxik chi xsumenkil rik'in k'iila b'eleb'aal ch'iich', k'iila aj puub' ut naab'aleb' li jukub'; te'ok aran Ejiipt ut te'nume'q jo' li b'ut'iha'.

Daniel 8:10

Q'axal kik'iik toj reetal koxtaweb' li chahim chiru choxa; ut jun yiijach reheb' a'an kixt'aneb' chiru ch'och' ut kixyeq'iheb' sa' roq.

Deuteronomio 8:16

ut katxch'oolani sa' li chaqich'och' rik'in li maná li ink'a' xnawomeb' ru laana' laayuwa'. Kixkub'si aawankil ut kixyal aawix re naq moqon tixk'e xsahil laach'ool.

Apocalipsis 17:17

Xb'aan naq li Yos xk'ehok sa' xch'ooleb' xb'aanunkil li naraj. Jo'kan naq junajaqeb' li xk'a'uxl chi xq'axtesinkil li xwankilaleb' re li josq' aj xul, toj toxtz'aqloq ru li xyehom li Yos.

Apocalipsis 14:15

Moqon ki'elk jun chik li ánjel sa' rochoch li Yos, japjo re chi xyeeb'al chi kaw xyaab' xkux re li k'ojk'o sa' xb'een li choql: “Tikib' li setok rik'in laach'iich', xb'aan naq xwulak xq'ehil li q'olok: ak xq'ano'k li awimq sa' ruuchich'och'”.

San Juan 20:25

a'an kixye reheb': —Wi ink'a' twil sa' ruq' li reetalil li klawx, wi ink'a' tinch'ik li ru'uj wuq' sa' xna'aj li klawx ut wi ink'a' tinch'ik li wuq' sa' li xk'atq xsa', ink'a' tinpaab'.

San Juan 15:2

Chixjunil li ruq' li ink'a' na'uuchink wik'in, narisi; ut chixjunil li na'uuchink, naxsaab'esi ru re naq numtajenaq chik taaruuchin.

San Mateo 26:56

Ab'an chixjunil a'in xk'ulmank re naq chitz'aqloq ru li xtz'iib'ahomeb' chaq li Propeet. Toja' naq chixjunileb' li xtzolom ke'xkanab' ut ke'elelik.

San Mateo 16:17

Toja' naq li Jesus kixye re: —Us xaq aawe, a Simón, ralalat laj Jonás, xb'aan naq moko a' ta li tz'ejwalej chi moko li kik'elej xk'utuk chawu a'in, a' b'an linchoxahil Yuwa'.

Daniel 12:4

Ab'anan laa'at, a Daniel, maa'ani taaye wi' eb' li aatin a'in; k'uula chi tz'aptz'o li hu a'in toj sa' roso'jikeb' li kutan. Naab'aleb' te'xb'eeni rib' chi xsik'b'al li raatin li Qaawa' ut te'xtaw xtz'aqob' li xna'leb'eb'».

Daniel 11:33

Eb' laj k'amol b'e li wankeb' xna'leb' te'xtzol naab'aleb' li poyanam, ab'anan ink'a' najtaq chik wankeb' te'kamsiiq, wankeb' te'k'atje'q, wankeb' te'isiiq sa' li xna'ajeb' ut wankeb' chik te'elq'aaq li xjunqkab'al.

Daniel 11:29

Naq taawulaq xq'ehil, taaxik wi' chik chi yalok rik'ineb' laj Ejiipt, ab'anan moko us ta chik taa'elq.

Daniel 11:27

Toja' naq eb' li wiib' chi awab'ej a'an te'k'ojlaaq chi wa'ak sa' jun chi meex ut te'xb'alaq'i rib' chirib'ileb' rib'; ab'anan yal maak'a'aq rajb'al, xb'aan naq toj maji' xhonalil li roso'jik.

Daniel 9:27

Li xnimal ru winq a'an tixk'ojob' jun sumwank rik'in naab'aleb' li poyanam yal chiru jun xamaan; ab'anan sa' xyi li xamaan tixsach xwankil li k'atok mayej jo'wi' li mayejak, ut a' chik li xnimal tz'i'b'eetal taak'ehe'q sa' xb'een xtaqeq'il li rochoch li Yos, toj reetal naq li tojb'amaak ak yeeb'il xb'aan li Yos taachalq sa' xb'een laj sachonel»”.

Daniel 8:19

Moqon kixye we: «Tinch'olob' chawu li taak'ulmanq naq taaraqe'q li xjosq'il li Qaawa', xb'aan naq ak xaqxo li xkutankil li roso'jik.

Daniel 8:17

Toja' naq kijilok chink'atq ut laa'in kint'ane'k chi hupu chiru ch'och' xb'aan inxiw. A'an kixye we: «At winq, tento taataw ru naq li moy u xawil, a'an reetalil li k'aru taak'ulmanq sa' roso'jikeb' li kutan».

2 Crónicas 32:31

Naq li xninqaleb' ru winq aj Babilonia ke'xtaqlaheb' li xtaql chi xpatz'b'al chirix li sachb'ach'oolej kik'ulmank sa' li tenamit, li Qaawa' kixkanab' xjunes laj Esekías yal re xyalb'al rix ut xnawb'al chixjunil li k'aru wank sa' xch'ool.

Hechos 13:13

Laj Pablo ut eb' li rochb'een ke'elk Pafos ut ke'wulak Perge, sa' xteepal Panfilia. Aran laj Jwan kixkanab'eb' ut kisutq'iik Jerusalén,

Habacuc 2:3

Toj maji' nawulak xq'ehil naq li moy u a'in taatz'aqloq ru, ab'an ak xaqxo xkutankil naq taak'ulmanq. Us ta taab'ayq kach'inaq, oyb'eni laa'at xb'aan naq relik chi yaal naq taatz'aqloq ru chixjunil.

Isaías 27:9

Ab'anan taakuymanq taasachmanq li xmaak laj Jakob, wi a'an tixputz'i chixjunileb' li artal jo' na'uxk re li xpekul li chun, ut maajunaq chik li pek, li che' malaj tijob'aal neke'loq'oniik wi' eb' li jalanil yos.

Daniel 12:3

Eb' li wankeb' xna'leb', li ke'k'utuk re li tiikil ch'oolej chiruheb' li k'iila tenamit, te'lemtz'uno'q jo' li saqenk sa' choxa ut jo'kaqeb' li chahim chi junelik.