Daniel 11:34 - Q'eqchi Bible

³⁴ Naq yooqeb' chi oso'k, moko k'iheb' ta li te'tenq'anq reheb', ut naab'aleb' te'xjunaji rib' rik'ineb', yal re naq us te'elq.

Li Santil hu

³⁴ Nak yo̱keb chixcꞌulbal li raylal, cuan junju̱nk teꞌtenkꞌa̱nk reheb ut cua̱nkeb ajcuiꞌ nabal li teꞌxjunaji rib riqꞌuineb re xtenkꞌanquileb chi pletic yal xban nak cuan cꞌaꞌru teꞌraj teꞌre̱chani.

Daniel 11:34 ပူးပေါင်းရင်းမြစ်များ

Romanos 16:18

xb'aan naq eb' a'an ink'a' neke'xk'anjela ru li Kriist li Qaawa', a' chik li xsa'eb' neke'xk'anjela ru, ut rik'in chaab'il q'unil aatin neke'xb'alaq'i li q'uneb' xch'ool sa' xpaab'aaleb'.

San Mateo 7:15

“Chekolaq eerib' chiruheb' li propeet aj b'alaq': neke'chalk eerik'in chi tiqtookeb' chaq rik'in rix karneer, ab'an sa'eb' li xch'ool chanchaneb' li josq' aj xojb'.

1 Juan 4:1

Ex inrahom, meepaab' chixjunil li musiq'ej; chek'ehaq b'an reetal ma rik'in li Yos chalenaq li musiq'ej, xb'aan naq naab'aleb' propeet aj b'alaq' xe'waklije'k chaq sa' ruuchich'och'.

Apocalipsis 12:13

Naq li nimla k'anti' kiril naq kikute'k chaq sa' ruuchich'och', kixkut rib' sa' xb'een li ixq, a' li kiwank xk'uula'al teelom.

Apocalipsis 2:20

Ab'an ch'a'aj naweek'a chawix naq nakak'ul chi k'anjelak lix Jesabel, li ixq a'an li naxye rib' naq propeet ut yo chi xtzolb'aleb' ut chi xb'alaq'inkileb' laj k'anjel chiwu re naq te'xmux rib'eb' ut te'xtzeka li tib' mayejanb'il chiru li xyoseb'.

San Judas 1:4

Xb'aan naq wankeb' li xe'xch'ik rib' sa' eeyanq chi muqmu. Eb' a'in, chalen chaq junxil, ak xaqab'anb'il chaq li tojb'amaak sa' xb'eeneb'. Maak'a'eb' xpaab'aal; neke'xsutq'isi li rusilal li qaYos chi jo'maajo'il na'leb' ut neke'xtz'eqtaana li Jesukriist, li Qaawa' ut laj Eechal qe li jun chirib'il.

2 Juan 1:7

Naab'aleb' laj luktesinel ch'oolej xe'waklije'k chaq sa' ruuchich'och': eb' a'an ink'a' neke'xch'olob' naq li Jesukriist koltz'ejwalo'q. A'an a'in laj Luktesinel ch'oolej ut laj Tz'eqtaanahom re li Kriist.

1 Juan 4:5

Eb' a'an reheb' li ruuchich'och'; jo'kan naq ruuchich'och'il aatin neke'xye, ut neke'ab'iik xb'aan li ruuchich'och'.

Tito 1:11

Eb' a'an tento xch'anab'ankileb', xb'aan naq neke'xpo' xch'ooleb' li junq kab'al rik'in xk'utb'al li maatzole'k naraj, yal tumin neke'raj.

2 Timoteo 4:3

Xb'aan naq taawulaq xq'ehil naq eb' li tenamit ink'a' chik te'raj rab'inkil li chaab'il na'leb' ut, xb'aan xrahinkil li k'aru neke'raj xch'ool, q'esaq xxik chi rab'inkil k'iila na'leb', te'sute'q xb'aan jun tuub' chi aj tzolonel;

Gálatas 2:4

Wankeb' ke'xch'ik rib'eb' sa' qayanq ut neke'xye rib' naq qas qiitz'ineb', a'aneb' li ke'ok chi muqmu re xk'eeb'al reetal li xnimal usilal wanko wi' sa' xk'ab'a' li Kristo Jesus, re raj qak'eeb'al rub'el xwankil li Chaq'rab'.

Daniel 11:21

«Sa' xna'aj a'an taa'awab'ejinq jun li winq q'axal yib'ru xna'leb' chi moko xkomoneb' li awab'ej; taa'ok chi taqlank chi maak'a'aq sa' xch'ooleb' ut taareechani li awab'ejihom sa' b'alaq'il na'leb'.

Daniel 11:32

Tixb'alaq'iheb' li xe'tz'eqtaanank re li Sumwank, re naq te'okenq chirix; ab'an li tenamit li tz'aqal neke'xnaw ru li xYos te'xxaqab' rib' chi kaw ut te'xkol rib' chiru li awab'ej.