Daniel 11:27 - Q'eqchi Bible

²⁷ Toja' naq eb' li wiib' chi awab'ej a'an te'k'ojlaaq chi wa'ak sa' jun chi meex ut te'xb'alaq'i rib' chirib'ileb' rib'; ab'anan yal maak'a'aq rajb'al, xb'aan naq toj maji' xhonalil li roso'jik.

Li Santil hu

²⁷ Li cuib chi rey teꞌcꞌojla̱k chi cuaꞌac saꞌ jun li me̱x, abanan junes raylal teꞌxcꞌoxla xba̱nunquil chi ribileb rib. Junes ticꞌtiꞌ teꞌxye chi ribileb rib. Ut ma̱ jun reheb ta̱ru̱k tixba̱nu li cꞌaꞌru tixcꞌoxla xba̱nunquil xban nak toj ma̱jiꞌ nacuulac xkꞌehil.

Daniel 11:27 ပူးပေါင်းရင်းမြစ်များ

Salmos 12:2

Choohaakol taxaq, at Qaawa', xb'aan naq maajun chik chaab'il; xlaje'oso'k chixjunileb' li tiikeb' xch'ool.

Habacuc 2:3

Toj maji' nawulak xq'ehil naq li moy u a'in taatz'aqloq ru, ab'an ak xaqxo xkutankil naq taak'ulmanq. Us ta taab'ayq kach'inaq, oyb'eni laa'at xb'aan naq relik chi yaal naq taatz'aqloq ru chixjunil.

Daniel 11:35

Wankeb' aj k'ehol xna'leb' li tenamit te'kamsiiq, ab'an yal re xyalb'aleb' rix li junch'ol chik, re xch'ajob'resinkil xna'leb'eb' ut xsaab'esinkileb' li xkomon, toj sa' roso'jikeb' li kutan li ak xaqxo xb'aan li Qaawa'.

Salmos 64:6

Neke'xk'e xkawil xch'ooleb' chirib'ileb' rib' re xb'aanunkil li maa'usilal; ut neke'xk'uub' xk'eeb'al li ra'al sa' muqmu: “Maa'ani toxril a'in, chankeb'.

Daniel 11:40

«Sa' roso'jikeb' li kutan li awab'ej re Ejiipt taayaloq rik'in li awab'ej re Siria, ut a'in taaxik chi xsumenkil rik'in k'iila b'eleb'aal ch'iich', k'iila aj puub' ut naab'aleb' li jukub'; te'ok aran Ejiipt ut te'nume'q jo' li b'ut'iha'.

Daniel 8:19

Moqon kixye we: «Tinch'olob' chawu li taak'ulmanq naq taaraqe'q li xjosq'il li Qaawa', xb'aan naq ak xaqxo li xkutankil li roso'jik.

Proverbios 26:23

Ch'och' uk'al uutz'u'ujinb'il rik'in plaat, jo'kan li q'unil aatin li naxye li ink'a' us xna'leb'.

Proverbios 12:20

Rahilal neke'xk'uub' laj tik'ti'; a'ut eb' li neke'xra li tuqtuukilal te'xtaw sahil ch'oolej.

Salmos 58:2

Laa'ex li wank eewankil, ma relik chi yaal naq nekeb'aanu li tiikilal? Ma sa' xyaalal nekexraqok aatin sa' xb'eeneb' li poyanam?

Salmos 52:1

Re li xjolomileb' laj b'ichanel. Xk'utum laj David.

1 Ts 5:1

Chirix li xq'ehil ut li xkutankil moko aajel ta ru naq tintz'iib'aq eerik'in, ex was wiitz'in.

Hechos 17:31

Xb'aan naq li Yos ak kixxaqab' li kutan tixraq wi' aatin sa' tiikilal sa' xb'een li ruuchich'och', sa' xk'ab'a' jun li winq xaqab'anb'il xb'aan. Kixk'ut ajwi' chiruheb' chixjunil naq tz'aqal yaal a'an, rik'in xwaklesinkil chi yo'yo li Jesus sa' xyanqeb' li kamenaq”.

Hechos 1:7

Kichaq'ok a'an ut kixye: —Moko eere ta laa'ex xnawb'al li xq'ehil ut li honal xaqab'anb'il xb'aan li Yuwa'b'ej rik'in li xwankil.

Daniel 11:29

Naq taawulaq xq'ehil, taaxik wi' chik chi yalok rik'ineb' laj Ejiipt, ab'anan moko us ta chik taa'elq.

Daniel 10:1

Naq ak oxib' chihab' rokik chi awab'ejink laj Siro sa' xb'eeneb' laj Persia, laj Daniel, Beltsasar xkab' xk'ab'a', kiril jun moy u li q'axal yaal, ab'anan jwal ch'a'aj xtawb'al ru. Laj Daniel kixk'e xch'ool chi xtawb'al ru li xk'utb'esihom li Yos, ut koxnaw xyaalal li xmatk'.

Ezequiel 17:9

“Ye b'i' reheb' laj Israel sa' ink'ab'a': «Jo'ka'in xye li Qaawa': Ma taak'iiq tab'i' li xtoonal li uub' a'an? Relik chi yaal naq li t'iw tixmich' li xxe', tixsacheb' li ru ut te'chaqiq chixjunileb' li xtuxm. Moko naab'al ta chi metz'ew aajel ru chi moko k'iila tenamit, re xmich'b'al li xxe'.

Proverbios 19:21

Li winq naxk'uub' li k'aru tixb'aanu, ab'an li Qaawa' yaal re xb'aanunkil.

Salmos 62:9

Kawaq eech'ool rik'in chi junelik, laa'ex li xloq'laj tenamit; tehomaq leech'ool chiru: li Yos a'an li nokoomuhenk wi'.

2 Samuel 13:26

ut chirix chik a'an kixye laj Absalón: “B'aanu usilal, xikaq chiqix laj Amnón li was”. Kichaq'ok li awab'ej: “K'a' aj e naq taaxik chawix?”, chan.

Daniel 11:28

Li awab'ej re Siria taasutq'iiq wi' chik sa' li xtenamit chi k'ajo'aq xb'ihomal, yooq xsik'b'al chanru tixsach li santil sumwank xk'ojob'ahom li Qaawa'. Toj tixb'aanu a'an, toja' naq taasutq'iiq sa' li xtenamit.

Daniel 8:17

Toja' naq kijilok chink'atq ut laa'in kint'ane'k chi hupu chiru ch'och' xb'aan inxiw. A'an kixye we: «At winq, tento taataw ru naq li moy u xawil, a'an reetalil li k'aru taak'ulmanq sa' roso'jikeb' li kutan».