Daniel 11:23 - Q'eqchi Bible

²³ Tixb'alaq'iheb' li poyanam rik'in k'ojob'ank sumwank, ut taanimanq xwankil, us ta moko nim ta li xtenamit.

Li Santil hu

²³ Nak acak xeꞌxba̱nu li contrato riqꞌuin, tixbalakꞌiheb. Kꞌaxal cuiꞌchic ta̱nima̱nk xcuanquil usta moco nim ta lix tenamit.

Daniel 11:23 ပူးပေါင်းရင်းမြစ်များ

Daniel 8:25

Sa' xk'ab'a' li xlab'alil taanumtaaq li xyib'al ru xna'leb', tixnima xwankil xjunes rib' ut naab'aleb' li poyanam tixsach chi maak'a'aq sa' xch'ooleb'. Taaq'apliiq ajwi' sa' xb'een li xnimal ru Awab'ej, ab'anan sa' junpaat taasache'q ru.

2 Ts 2:9

Laj q'etol chaq'rab' taachalq rik'in xwankil laj tza naq talaje'wanq xninqal ru b'aanuhom, eetalil ut b'alaq'il sachb'ach'oolej;

2 Corintios 11:3

Ab'anan ninxiwa naq mare taapo'q leek'a'uxl: kama' naq lix Eva kib'alaq'iik xb'aan xlab'alil li k'anti', mare tex'isiiq ajwi' laa'ex rik'in li yaal ut santilal wankex wi' cho'q re li Kriist.

Romanos 1:29

Numtajenaq xyib'al ru li xmaa'usilaleb', lab' xch'ooleb', aj raholeb' ru b'ihomal, k'ajo' xmaa'usilaleb'; numtajenaqeb' chi aj kaqal, aj kamsineleb' ras riitz'in, aj wech'oneleb', aj b'alaq'eb', ink'a' us xna'leb'eb', aj mololeb' aatin,

Proverbios 11:18

Li yib'ru xna'leb' moko ch'olch'o ta li xq'ajkamunkil; a'ut li naxb'aanu li tiikilal, a'an ch'olch'o li xtojb'al.

Salmos 52:2

Kitz'iib'aak naq laj Dohek aj Edom koxye resil re laj Saúl naq laj David ki'ok chaq sa' rochoch laj Ajimélek.

Génesis 34:13

Toja' naq eb' li ralal laj Jakob ke'xchaq'b'e sa' b'alaq'il laj Sikem ut laj Jamor li xyuwa'; ut jo'ka'in ke'xye re li kixmux xtuq'ixqilal lix Dina li ranab'eb':

Daniel 11:22

Eb' laj puub' li xik' neke'ilok re te'eleliq ut te'sache'q ru; jo'kan ajwi' laj jolominel sik'b'il ru taakamsiiq.

Daniel 11:24

Taaxik chi reechaninkileb' li kok' tenamit li sa wankeb' chi maak'a'aq sa' xch'ooleb', ut tixb'aanu reheb' li maajun wa xb'aanuhomeb' li xxe'toonil yuwa': tixjek'i chirixeb' li neke'okenk chirix li b'ihomal ut li k'aru te'reechani, ut tixk'uub' reechaninkil eb' li kawub'resinb'il tenamit, ab'anan yal jun k'amok ajwi'.

Daniel 8:24

Taanimanq li xwankil, q'axal kawaq rib' chi sachok ut us taa'elq sa' chixjunil li taaraj xb'aanunkil. Tixjuk'eb' li ninqeb' xwankil ut tixsacheb' ajwi' li sik'b'ileb' ru xb'aan li Yos.