Daniel 11:2 - Q'eqchi Bible

² Ut anaqwan tinye aawe li xyaalalil: «Aran Persia toj toxwanq oxib' chik li awab'ej, ut li xka awab'ej q'axal b'ihomaq chiruheb' li oxib'. Ut naq ak xnimank li xwankilal sa' xk'ab'a' li xb'ihomal, tixchiq' xjosq'ileb' chixjunileb' li poyanam re yalok rik'ineb' laj Grecia.

Li Santil hu

² Ut anakcuan la̱in ajcuiꞌ tinyehok a̱cue lix ya̱lal li ta̱cꞌulma̱nk. Teꞌcua̱nk oxib lix reyeb laj Persia ut lix ca̱ reyeb, aꞌan kꞌaxal nabal xbiomal ta̱cua̱nk chiruheb li oxib li teꞌcua̱nk. Tixcacuubresi rib riqꞌuin lix biomal ut ta̱oc chi pletic riqꞌuin li tenamit Grecia.

Daniel 11:2 ပူးပေါင်းရင်းမြစ်များ

Apocalipsis 21:5

Toja' naq li k'ojk'o sa' xb'een li nimajwal k'ojarib'aal kixye: “K'e reetal, laa'in tin'ak'ob'resi chixjunil”. Kixye ajwi': “Tz'iib'a, xb'aan naq eb' li aatin a'in tz'aqal yaal ut paab'ajel”.

Daniel 8:26

A'an a'in li xyaalalil li k'aru taak'ulmanq chiru wan xka chihab'. Ak xinch'olob' chawu, ut a'an tz'aqal yaal; ab'anan k'uula sa' laach'ool xb'aan naq moko ak k'ulmank ta re a'in», chan we li ánjel.

San Juan 10:35

Wi naxk'eheb' cho'q yos li ke'k'uluk re li Raatin li Yos (ut ink'a' naru xsachb'al xwankil li Santil Hu),

Amós 3:7

Jo'kan ajwi', li Qaawa' maak'a' tixb'aanu wi ink'a' xye xb'enwa reheb' laj k'anjel chiru, a'eb' li propeet.

Daniel 11:25

«Tixkawub'resi xch'ool re xik chi yalok rik'in li awab'ej re Ejiipt rochb'een naab'al teep chi aj puub'. Li awab'ej re Ejiipt taa'elq ajwi' chaq chi yalok rochb'een k'iila o'q'ob' chi aj puub' ut jwal kaweb' rib', ab'anan taab'alaq'iiq ut ink'a' tixkuy xsumenkil;

Daniel 8:4

Kink'e reetal naq li karneer ki'ok chi xeq'ok sa' xjayal rokeb'l li saq'e, sa' xjayal releb'l li iq' ut sa' xjayal xsak'leb' li iq'. Maajun li xul nakuyuk xsumenkil ut maa'ani na'elelik chiru li xwankil: naxb'aanu li k'aru naraj ut q'axal nanumtaak sa' xb'een chixjunil.

Daniel 7:5

“Chirix chik a'an kik'ulunk jun chik li xul, chanchan wi' na'ilok jun nimla tz'uqtz'un, xaqxo sa' wiib' li roq, wank oxib' xb'aqel xuku'y sa' re ut q'axal taqenaq chik sa' xtz'e chiru li junpak'al. Ut kiyeemank re: «Waklin ut tiwon tib' chi yo'oon».

Proverbios 22:21

re naq taanaw chi tz'aqal li yaal ut tatruhanq xch'olob'ankil chiru li taapatz'oq aawik'in.

Daniel 10:1

Naq ak oxib' chihab' rokik chi awab'ejink laj Siro sa' xb'eeneb' laj Persia, laj Daniel, Beltsasar xkab' xk'ab'a', kiril jun moy u li q'axal yaal, ab'anan jwal ch'a'aj xtawb'al ru. Laj Daniel kixk'e xch'ool chi xtawb'al ru li xk'utb'esihom li Yos, ut koxnaw xyaalal li xmatk'.

Daniel 8:21

Li teelom chib'aat, a'an reetalil li awab'ej re Grecia, ut li nimla xukub' li xawil chiru peekem, a'an reetalil li xb'een awab'ej.

Esdras 4:7

Chiru xyu'amil laj Artajerjes, awab'ej re Persia, laj Bislam, laj Mitrídates, laj Tabel ut eb' li rochb'een ke'xtz'iib'a xhu laj Artajerjes. Ke'xtz'iib'a li hu sa' aatinob'aal arameo, jo' neke'aatinak eb' a'an.

Esdras 4:24

Jo'kan naq kikanab'aak xkab'lankil li rochoch li Yos aran Jerusalén, ut kixaqliik li k'anjel toj sa' li xkab' chihab' rokik laj Darío cho'q awab'ej re Persia.

Ester 1:1

A'in kik'ulmank chiru xyu'am laj Asuero naq kitaqlank cho'q awab'ej sa' xb'een wuqub' xwuqk'aal (127) teep chi tenamit chalen chaq sa' xteepal India toj Etiopía