Daniel 11:18 - Q'eqchi Bible

¹⁸ Moqon chik taaxik chi yalok rik'ineb' li tenamit wankeb' sa' sutha' ut naab'aleb' li taareechani; ab'anan jun xjolomileb' laj puub' taaq'axoq ru ut tixram li xutaanal b'aanuhem a'in, chi ink'a' chik tixkuy xsumenkil.

Li Santil hu

¹⁸ Mokon chic li rey li cuan saꞌ li norte tixyal xkꞌe chi numta̱c saꞌ xbe̱neb li tenamit cuanqueb chire li nimla palau ut ta̱re̱chani nabal. Abanan jun cui̱nk nim xcuanquil tixcuy pletic riqꞌuin ut tixcut xxuta̱n li rey li cuan saꞌ li norte nak ta̱numta̱k saꞌ xbe̱neb.

Daniel 11:18 ပူးပေါင်းရင်းမြစ်များ

Oseas 12:14

Eb' laj Efraín ke'yoob'ank xjosq'il li Yos; jo'kan naq te'k'ehe'q chi xtojb'al rix li kamsink ke'xb'aanu. Li Qaawa' taareeqaju li maa'usilal ke'xb'aanu.

Sofonías 2:11

Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

Jeremías 31:10

“Ex xninqal ru tenamit, ab'ihomaq li raatin li Qaawa' ut yehomaq resil toj chi najt, sa'atqeb' li na'ajej wankeb' chire li palaw: «Li xcha'cha'ink reheb' laj Israel, tixch'utub'eb' wi' chik ut taarileb' jo' naq laj k'aak'alenel ketomq narileb' li xkarneer».

Jeremías 2:10

Ayuqex aran Kitim, sa' li tenamit wank sa' sutha', ut ilomaq chaq; taqlahomaq junaq aj tz'ilol rix aatin aran Kedar, re naq teenaw ma kik'ulmank jun sutaq jo' xeb'aanu laa'ex.

San Mateo 7:2

Xb'aan naq jo' chanru nekexraqok aatin laa'ex, jo'kan ajwi' naq taaraqmanq aatin sa' eeb'een; ut rik'in li b'isleb' nekexb'isok wi', texb'ise'q ajwi' laa'ex.

Ezequiel 27:6

Eb' li che' natiikisimank wi' li jukub' ke'yiib'aak rik'in aakute' kichalk chaq Basán; yaw ke'xtz'ap wi' sa' laab'een, Kitim kik'ame'k chaq li che' a'an, ut uutz'u'ujinb'il rik'in marfil.

Isaías 66:19

Tinb'aanu jun nimla eetalil sa' xyanqeb', ut wanqeb' li te'kole'q ut tintaqlaheb' sa'atqeb' li najtil tenamit: aran Tarsis, Etiopía, Libia, Mesek, Tubal ut Grecia, jo' ajwi' sa'atqeb' li tenamit wankeb' chaq chire palaw, li toj maji' rab'ihomeb' aatinak chiwix chi moko rilomeb' linloq'al. Eb' a'an te'puktesinq resil linloq'al sa'atqeb' li najtil tenamit.

Jueces 1:7

Toja' naq laj Adoni-Bések kixye reheb': “Junxil lajeeb' xkaak'aal chi awab'ej neke'xokok chaq xk'aj wa rub'el linmeex, chi yok'b'il li xna' ru'uj ruq'eb' ut li xna' ru'uj roqeb'. Ab'an anaqwan, jo' chanru xinb'aanu, jo'kan ajwi' naq xinxq'ajkamu li Yos”, chan. Ut ke'xk'am Jerusalén, ut aran kikamk.

Ester 10:1

Laj Asuero li awab'ej kixtitz' xtoj chixjunileb' li tenamit li wankeb' rub'el xwankil, jo' chi ch'och'el ut chiru palaw.