Daniel 10:6 - Q'eqchi Bible

⁶ Li xjunxaqalil nalemtz'unk jo' jun tertookil pek; li xnaq' ru kama' wi' li raq'kaaq; li xsa' eb' li ru kama'eb' wi' li raq'xam; eb' li roq ut eb' li ruq' chanchaneb' li q'anch'iich' ut li xyaab' xkux kama' wi' rab'inkileb' li k'iila poyanam.

Li Santil hu

⁶ Lix tibel nalemtzꞌun joꞌ jun li terto̱quil pec ut li ru chanchan li rakꞌ ca̱k ut li xnakꞌ ru chanchan li xam. Li rok rukꞌ nalemtzꞌun joꞌ li kꞌan chꞌi̱chꞌ bronce ut nak quia̱tinac, kꞌaxal cau lix ya̱b xcux chanchan qꞌuila tenamit nak quicuabi.

Daniel 10:6 ပူးပေါင်းရင်းမြစ်များ

Apocalipsis 19:12

Li xsa' ru chanchan raq'xam; wank naab'al li koroon neke'lemtz'unk ru sa' xjolom ut tz'iib'anb'il jun li k'ab'a'ej chiru, ka'ajwi' a'an natawok ru.

San Mateo 17:2

Ut kilemtz'uno'k li xjunxaqalil chiruheb': li rilob'aal kilemtz'uno'k kama' li saq'e ut li raq' kisaqo'k kama' li saqenk.

Ezequiel 10:9

Kink'e reetal kaahib' chi sursu wank chi xk'atqeb' li kerubín, junjunq li sursu wank chi xk'atq li junjunq chi kerubín, ut neke'lemtz'unk jo' li lemtz'il pek.

Ezequiel 1:24

Toja' naq kiwab'i naq neke'xik'ank, chanchan wi' xyaab' li b'ut'iha', kama' wi' li xyaab' xkux li Nimajwal Yos. Naq neke'b'eek, xiwajel li xyaab'eb', kama' xyaab' jun nimla yalok; naq neke'xaqliik, neke'xkub'si li xxik'eb'.

Ezequiel 1:16

Junqtaq'eet rilb'al li kaahib' chi sursu, ut neke'lemtz'unk jo' li lemtz'il pek. Junqtaq'eet neke'ilok, chanchan ta wi' ch'ikch'o li junjunq sa' li jun chik.

Ezequiel 1:14

Ut eb' li yo'yookeb' neke'chalk neke'xik kama'eb' wi' li raq'kaaq.

Apocalipsis 21:20

li ro' rik'in sardónika, li xwaq rik'in kornalina, li xwuq rik'in krisólito, li xwaqxaq rik'in berilo, li xb'ele rik'in topasio, li xlaje rik'in krisoprasa, li xjunlaju rik'in jasinto ut li xkab'laju rik'in amatista.

Apocalipsis 10:1

Kiwil ajwi' jun chik li ánjel kaw rib', yo chaq chi kub'eek sa' choxa, sutsu sa' choql, wank li kaqlaaq' chi xb'een xjolom; li xnaq' ru kama' li saq'e ut eb' li ra' chanchaneb' oqech yo xxamlel.

San Lucas 9:29

Ut naq yo chi tijok, kijalano'k li rilob'aal ut li raq' kisaqo'k ut kilemtz'unk.

Ezequiel 1:7

Juntiikaj li xtzelekeb' ut xalxo li roqeb', kama' li roqeb' li wakax, ut nalemtz'unk jo' li q'anch'iich' ch'ajob'resinb'il chi us.

Éxodo 28:20

ut sa' li xka taawanq jun krisólito, jun ónice ut jun jaspe: chixjunileb' li pek a'in letzb'ilaqeb' rik'in oor.

San Mateo 28:3

Nalemtz'unk li rilob'aal chanchan raq'kaaq, ut saq li raq' kama' li ratz'am ke.

Apocalipsis 2:18

“Tz'iib'an rik'in li x'ánjel li Iklees li wank Tiatira: «A'in naxye li Ralal li Yos, li wank xsa' li ru kama' raq'xam ut li roq chanchan chaab'il q'anch'iich'.

Cantares 5:14

Eb' li ruq' kama' li matq'ab' oor, uutz'u'ujinb'il rik'in chaab'il pek re Tarsis; li re xch'ool chanchan marfil ji'b'il ru chi us, uutz'u'ujinb'il rik'in raxjohinkil pek.

Ezequiel 40:3

Li Qaawa' kinxk'am aran, ut kiwil jun li winq nalemtz'unk jo' li q'anch'iich'. Xaqxo sa' li okeb'aal ut wank jun k'aam liino sa' ruq' ut jun b'isleb' che'.

Ezequiel 8:2

ut xaqaamil chiwu jun chanchan winq. Chalen sa' xyiitoq toj chi roq, chanchan li xam; ut chalen sa' xyi toj chi xjolom, kama' wi' li raq'kaaq nalemtz'unk rilb'al.