Daniel 10:19 - Q'eqchi Bible

¹⁹ Chirix chik a'an kixye we: «Matxiwak ut matk'oxlak. Saho'qat ut kawaq taxaq laach'ool: li Yos jwal nakatxra». “Ut naq toj yo chi aatinak wik'in, kikawuuk wi' chik linch'ool ut kinye re: «Aatinan, at inqaawa', xb'aan naq xak'e xkawub' linch'ool», chankin re.

Li Santil hu

¹⁹ Ut aꞌan quixye cue: —Li Dios nacatxra. Tuktu̱quil usilal chicua̱nk a̱cuiqꞌuin. Chacacuubresi la̱ chꞌo̱l ut matxucuac, chan cue. Nak quixye cue aꞌan, quicuecꞌa nak cuan chic inmetzꞌe̱u. Usin chic. Ut la̱in quinye re: —At Ka̱cuaꞌ, anakcuan a̱tinan cuiqꞌuin. Us chic nacuecꞌa xban nak la̱at xaqꞌue cuiꞌchic inmetzꞌe̱u, chanquin re.

Daniel 10:19 ပူးပေါင်းရင်းမြစ်များ

Isaías 35:4

Yehomaq reheb' li yookeb' xxiw: “Kawaq eech'ool ut mexxiwak! Chalk re leeYos chekolb'al, we' chaq chi eeqajunk. Chalk re ut texxkol!”.

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

Jueces 6:23

Kichaq'ok li Qaawa' ut kixye: “Li tuqtuukilal chiwanq aawik'in. Matxiwak, moko tatkamq ta”, chan.

Daniel 9:23

Chalen naq xatikib' tijok, li Qaawa' xrab'i laatz'aamahom, ut laa'in xinchalk chi xyeeb'al aawe li xsumehom, xb'aan naq q'axal raarookat xb'aan li Yos. K'e b'i' aach'ool chi xtawb'al ru li tinye ut chatawaq xyaalal li moy u:

Apocalipsis 1:17

Naq kiwil a'an, kint'ane'k chi hupu chi roq, chanchanin kamenaq kinkanaak, ut a'an kixk'e li xnim uq' sa' inb'een, yo chi xyeeb'al we: “Matxiwak. Laa'in li xb'een ut li rosob'l,

2 Corintios 12:9

Ab'an a'an xye we: “Tz'aqal cho'q aawe li wusilal, xb'aan naq linwankil tz'aqal nak'utunk sa' xmajelal li metz'ew”. Jo'kan utan, chi anchal inch'ool toj tinnima wib' sa' xmajelal inmetz'ew, re naq taahilanq wik'in li xwankil li Kriist.

San Juan 14:27

“Li tuqtuukil usilal ninkanab' eerik'in, lintuqtuukil usilal nink'e eere; ink'a' nink'e eere kama' naxk'e li ruuchich'och'. Misachk eech'ool chi k'oxlak, chi moko chexxiwaq.

2 Timoteo 2:1

At walal, kawaq aach'ool sa' rusilal li Kristo Jesus,

San Juan 19:26

Naq li Jesus kiril li xna' aran rochb'een li xtzolom li q'axal raaro xb'aan, kixye re li xna': —At ixq, wa'ran laayum.

San Juan 21:20

Kixsutq'isi rib' laj Pedro ut kiril naq yo xtaaqenkil xb'aan li xtzolom li Jesus raaro xb'aan, a' li kix'anab' rib' chire xch'ool sa' li wa'ak ewu naq kixpatz' re: “Qaawa', ani li taaq'axtesinq aawe?”.

San Juan 11:36

Ut eb' laj Judiiy ke'xye: —Ilomaq k'ajo' naq naxra.

San Juan 11:5

Li Jesus naxra lix Marta, jo'wi' li riitz'in ut laj Lázaro;

San Juan 11:3

Eb' li ranab' ke'xtaqla xyeeb'al re li Jesus: —Qaawa', li nakara laa'at a'an yaj.

1 Corintios 16:13

Chexyo'leq, kaw xaqxooqex sa' li paab'ank, chexk'anjelaq jo' tz'aqal winq, kawaqex.

Hageo 2:4

Ab'anan kawu laach'ool, a Sorobabel, chan li Qaawa'; kawu ajwi' laach'ool, a Josué, ralalat laj Josadak, li xyuwa'il laj tij. Ex tenamit sa' ruuchich'och', k'ehomaq eech'ool chi k'anjelak chejunilex, xb'aan naq wankin eerik'in, chan li Nimajwal Yos.

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

Zacarías 8:9

“Jo'ka'in naxye li Nimajwal Yos: Kawaq leech'ool, laa'ex li xex'ab'ink re eb' li aatin a'in rik'ineb' li propeet, chalen naq kik'ojob'aak li rub'elankil li rochoch li Nimajwal Yos.

Daniel 10:18

“Li winq xaqxo chiwu kinxtoch' wi' chik ut ke'kawuuk eb' li woq wuq'.

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Salmos 138:3

Naq xintz'aama chawu intenq'ankil, xawab'i intij ut q'axal xak'e xkawub' li waanm.

Efesios 6:10

Sa' xraqik, kawub'resiiq leech'ool rik'in li xnimal xwankil li Qaawa'.

Zacarías 8:13

Jo' naq laa'ex aj Judá ut aj Israel majewanb'ilex sa' xyanqeb' li tenamit naq kexwank, jo'kan naq chalen anaqwan osob'tesinb'ilaqex chik naq texinkol. Mexxiwak ut meech'ina eech'ool!