Daniel 10:16 - Q'eqchi Bible

¹⁶ Ab'anan k'utaamil chiwu jun li mu chanchan winq, ut kixtoch' li xtz'uumal we. Toja' naq kin'ok chi raatinankil li xaqxo chiwu: «Wa'chin, q'axal namayok linch'ool chi rilb'al li moy u a'in ut xinkanaak chi sachso inna'leb'.

Li Santil hu

¹⁶ Ut xaka̱mil chicuu jun chanchan li cui̱nk. Aꞌan quixqꞌue li rukꞌ chi xtzꞌu̱mal cue ut quina̱tinac cuiꞌchic. Ut la̱in quinye re: —At Ka̱cuaꞌ, kꞌaxal ra saꞌ inchꞌo̱l xban li quicꞌutbesi̱c chicuu ut ma̱cꞌaꞌ chic inmetzꞌe̱u.

Daniel 10:16 ပူးပေါင်းရင်းမြစ်များ

Daniel 8:15

“Naq toj yookin chi rilb'al li moy u ut yookin xk'oxlankil rix, k'utaamil chiwu jun kama' li winq,

Isaías 6:7

Kixtoch' li xtz'uumal we rik'in li lochlookil ru xam ut kixye: “K'e reetal, rik'in li ru xam a'in xinch'e' li xtz'uumal aawe. Kuyb'il sachb'il chik laamaak”, chan.

Jeremías 1:9

Toja' naq li Qaawa' kixch'e' li xtz'uumal we ut kixye we: “K'e reetal, anaqwan xink'e li waatin sa' xtz'uumal aawe.

Daniel 8:27

“Laa'in laj Daniel kinlub'k ut kinyajerk xb'aan, chiru naab'al kutan. Chirix chik a'an kinwakliik re k'anjelak wi' chik chiru li awab'ej. Ab'anan toj sachso linch'ool chirix li moy u, xb'aan naq ink'a' ninruhank chi xtawb'al xyaalal.

Daniel 8:17

Toja' naq kijilok chink'atq ut laa'in kint'ane'k chi hupu chiru ch'och' xb'aan inxiw. A'an kixye we: «At winq, tento taataw ru naq li moy u xawil, a'an reetalil li k'aru taak'ulmanq sa' roso'jikeb' li kutan».

Daniel 7:28

“Arin kiraqe'k resil linmatk'. Laa'in laj Daniel k'ajo' naq ki'ok ink'a'uxl ut kichalk inxiw; ab'anan kink'uula sa' inch'ool chixjunil a'in ut maa'ani aj e kinseeraq'i li k'aru kiwil”, chan laj Daniel.

Daniel 7:15

“Laa'in laj Daniel k'ajo' naq ki'ok ink'a'uxl chirix chixjunil a'in, tik kisachk inna'leb' xb'aan li kiwil sa' moy u.

Apocalipsis 1:13

ut sa' xyiheb' li xna'aj kanteel kiwil kama' jun li K'ajolb'ej, tiqto rik'in jut-aq', b'ak'b'o li re xch'ool rik'in k'aamalsa' oor.

San Juan 20:28

Kichaq'ok laj Tomás ut kixye: —At inQaawa', at inYos!

San Lucas 21:15

xb'aan naq laa'in tink'e eeraatin ut xnimal ru eena'leb' li ink'a' te'ruuq xwech'b'al rix chi moko xsumenkil chixjunileb' li xik' neke'ilok eere.

San Lucas 1:64

Ak taatehonq li re, ki'ok wi' chik chi aatinak ut kixtikib' xnimankil ru li Yos.

Daniel 12:8

“Laa'in kiwab'i li kixye, ab'an ink'a' kintaw xyaalal. Jo'kan naq kinpatz' wi' chik: «Wa'chin, chanru naq toxraqe'q chixjunil a'in?», chankin.

Daniel 9:21

naq laj Gabriel, li kiwil ru sa' moy u xb'enwa, narupupnak naq kichalk chink'atq sa' xhonalil li ewuukil mayejak.

Ezequiel 33:22

Ewu, eweraq naq toj maji' nawulak wik'in li winq a'an, li Qaawa' kixk'e li ruq' sa' inb'een; ut eq'la, naq xk'ulunk li winq, kinxk'e chi aatinak wi' chik li Qaawa' ut moko memin ta chik.

Ezequiel 3:27

Ab'an naq tatwaatina wi' chik, tinte laawe ut taaye reheb': «Jo'ka'in xye li Qaawa' Yos». Li ani taaraj ab'ink, chi'ab'inq; a'ut li ink'a' taaraj, ink'a' chi'ab'inq, xb'aan naq a'aneb' jun q'etq'etil tenamit.

Ezequiel 1:26

Sa' xb'een li kupku a'an kiwil naq wank jun k'ojarib'aal yiib'anb'il rik'in li pek safiro xk'ab'a', ut sa' a'an k'ojk'o jun kama' li winq.

Eclesiastés 1:18

Xb'aan naq ani naxsik' naab'al li xna'leb', nawank ajwi' naab'al li xch'a'ajkilal; ani numtajenaq xseeb'al li xk'a'uxl, numtajenaq ajwi' li xrahilal.

Jueces 13:8

Toja' naq laj Manóhaj kixyaab'a li xk'ab'a' li Qaawa' ut kixye: “Nintz'aama chawu, at Qaawa', taataqla wi' chik li winq a'an qik'in re naq tixch'olob' chiqu k'aru tqab'aanu rik'in li k'uula'al naq taayo'laaq”, chan.

Jueces 6:15

Kichaq'ok laj Jedehón ut kixye: “Chinaakuy, at inQaawa'. Chanru naq tinkoleb' li tenamit Israel? Linjunkab'al, a'an li jwal kach'in sa' xyanqeb' laj Manasés, ut laa'in xch'iip li xjunkab'al linyuwa'”.

Jueces 6:13

Kichaq'ok laj Jedehón ut kixye: “Chinaakuy, at inQaawa'. Wi li Yos wank qik'in, k'a'ut naq yooko chi xk'ulb'al chixjunil a'in? B'ar wankeb' chixjunil li sachb'ach'oolej li neke'xseeraq'i qe eb' li qana' qayuwa' naq neke'xye: «Ma maawa' tab'i' li Qaawa' ki'isink chaq qe Ejiipt?», chankeb'. A'ut anaqwan li Qaawa' xooxkanab' qajunes ut xooxq'axtesi sa' ruq'eb' laj Madián”, chan laj Jedehón.

Josué 5:14

Kichaq'ok a'an ut kixye: “Ink'a', laa'in b'an aj jolominel reheb' li xk'iila ánjel li Qaawa'. Toja' xinchalk”, chan. Toja' naq laj Josué kixhupub' rib', kixloq'oni ut kixye re: “Laa'in aamoos, wa'. K'aru taawaj tinb'aanu?”, chan.

Éxodo 4:13

Kixye ut laj Moisés: “Chakuy inmaak, at Qaawa', taqla ani taawaj”.

Éxodo 4:10

Kixye laj Moisés re li Qaawa': “Chakuy inmaak, at Qaawa', ch'a'aj li aatinak chiwu. Ut chalen naq xatikib' raatinankil laj k'anjel chawu, jo'kan ajwi' nink'ul. Tat we ut nat'il li ru'uj waq'”, chan.

Daniel 4:19

Toja' naq laj Daniel, Beltsasar nayeemank re, kisachk xch'ool ut mem kikanaak chiru jun k'amok xb'aan li xk'a'uxl. Ab'an li awab'ej kixye re: “Matxiwak, a Beltsasar, ut mi'ok aak'a'uxl xb'aan li matk' a'in chi moko xb'aan li xyaalal”. Kichaq'ok laj Beltsasar ut kixye: “At awab'ej, rehaqeb' taxaq li xik' neke'ilok aawe li matk' a'in; ut chinaq ta li xyaalalil sa' xb'eeneb' li neke'majewank aawe.

Daniel 8:18

“Naq li ánjel yo chi waatinankil, kisachk linna'leb', chi hupuukin chiru ch'och'; ab'an a'an kinxwaklesi ut kinxxaqab'.