Daniel 10:14 - Q'eqchi Bible

¹⁴ Ut anaqwan xinchalk re xch'olob'ankil xyaalal li k'aru tixk'ul laatenamit chiruheb' li kutan chaalel, xb'aan naq toj wank chik jun moy u chirixeb' li kutan a'an».

Li Santil hu

¹⁴ La̱in xinchal chixyebal a̱cue li cꞌaꞌru teꞌxcꞌul la̱ tenamit saꞌ eb li cutan li teꞌcha̱lk. Li visión aꞌin, aꞌan ta̱cꞌulma̱nk saꞌ eb li cutan li teꞌcha̱lk, chan cue.

Daniel 10:14 ပူးပေါင်းရင်းမြစ်များ

Daniel 8:26

A'an a'in li xyaalalil li k'aru taak'ulmanq chiru wan xka chihab'. Ak xinch'olob' chawu, ut a'an tz'aqal yaal; ab'anan k'uula sa' laach'ool xb'aan naq moko ak k'ulmank ta re a'in», chan we li ánjel.

Daniel 2:28

Ab'anan wank jun Yos sa' choxa li nakutanob'resink re li muqmuukil na'leb', at awab'ej, ut A'an xk'e chanaw li k'aru taak'ulmanq sa' roso'jikeb' li kutan. Laamatk' ut li moy u li xawil naq yookat chi wark, a'aneb' a'in:

Habacuc 2:3

Toj maji' nawulak xq'ehil naq li moy u a'in taatz'aqloq ru, ab'an ak xaqxo xkutankil naq taak'ulmanq. Us ta taab'ayq kach'inaq, oyb'eni laa'at xb'aan naq relik chi yaal naq taatz'aqloq ru chixjunil.

Daniel 12:9

Ut a'an kixye we: «Matk'oxlak, a Daniel, xb'aan naq eb' li aatin a'in k'uulanb'ileb' ut tz'aptz'ookeb' toj reetal sa' roso'jikeb' li kutan.

Daniel 12:4

Ab'anan laa'at, a Daniel, maa'ani taaye wi' eb' li aatin a'in; k'uula chi tz'aptz'o li hu a'in toj sa' roso'jikeb' li kutan. Naab'aleb' te'xb'eeni rib' chi xsik'b'al li raatin li Qaawa' ut te'xtaw xtz'aqob' li xna'leb'eb'».

Miqueas 4:1

Chiruheb' li kutan chaalel li tzuul wan wi' li rochoch li Qaawa' taawakliiq chi nimaq xwankil sa' xb'eeneb' chixjunileb' li b'ool, ut q'axal nimaq xteram chiruheb' chixjunil li tzuul. Chixjunileb' li tenamit te'chalq aran;

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.

Isaías 2:2

Chiruheb' li kutan chaalel li tzuul wan wi' li rochoch li Qaawa' taawakliiq chi nimaq xwankil sa' xb'eeneb' chixjunileb' li b'ool, ut q'axal nimaq xteram chiruheb' chixjunil li tzuul. Chixjunileb' li tenamit te'chalq aran;

Deuteronomio 4:30

Naq wanqex sa' rahilal ut sa' chixjunileb' li ch'a'ajkilal a'in sa' roso'jikeb' li kutan, wi texsutq'iiq chaq rik'in li Qaawa' leeYos ut teerab'i xyaab' xkux,

Génesis 49:1

Laj Jakob kixb'oqeb' chaq li ralal ut kixye reheb': “Ch'utub'omaq eerib' ut tinye resil eere li k'aru teek'ul sa'eb' li kutan chaalel.

Hebreos 2:3

chan put ru naq tookole'q laa'o, wi tqatz'eqtaana li xnimal kolb'a ib' a'in? A'an kiyehe'k resil sa' xtiklajik xb'aan li Qaawa', ut moqon chik kich'olob'aak chiqu xb'aaneb' li ke'ab'ink chaq re.

2 Timoteo 3:1

Chanawaq naq sa' roso'jikeb' li kutan wank honal q'axal ch'a'ajkaq xnumsinkil.

Daniel 10:1

Naq ak oxib' chihab' rokik chi awab'ejink laj Siro sa' xb'eeneb' laj Persia, laj Daniel, Beltsasar xkab' xk'ab'a', kiril jun moy u li q'axal yaal, ab'anan jwal ch'a'aj xtawb'al ru. Laj Daniel kixk'e xch'ool chi xtawb'al ru li xk'utb'esihom li Yos, ut koxnaw xyaalal li xmatk'.

Daniel 9:22

Ut naq kiwulak wankin wi', kixye we: «At Daniel, xinchalk aawik'in anaqwan re naq taataw xyaalal.

Deuteronomio 31:21

Ab'anan naq toxe'tawe'q xb'aan li k'iila rahilal ut ch'a'ajkilal, li b'ich a'in tixch'olob' xyaalal li xmaakeb', xb'aan naq ink'a' taasachq sa' xch'ooleb' li ralal xk'ajol ut taab'ichamanq chi junelik. Ninnaw chi us k'aru yookeb' chi xk'uub'ankil anaqwan, toj chi rub'eetal naq te'woksi sa' li ch'och' inyeechi'om reheb'”, chan.

Deuteronomio 31:29

Ninnaw naq akaq xinkamk chik, taapo'q leena'leb'; teekanab' li b'e xink'ut cheru ut naab'al li rahilal taachalq sa' eeb'een sa'eb' li kutan chaalel, xb'aan teeb'aanu li ink'a' us chiru li Qaawa' ut teechiq' xjosq'il rik'in leeyib' aj b'aanuhom”, chan laj Moisés.

Ezequiel 12:27

“At kaamel winq, eb' laj Israel yookeb' chi xyeeb'al naq toj maji' taak'ulmanq li k'aru xk'utb'esiik chawu sa' moy u; toj sa'eb' li kutan chaalel taak'ulmanq.

Daniel 8:16

ut kiwab'i jun xyaab' kuxej chire li nima' Ulay li kixjap re chi xyeeb'al: «At Gabriel, ch'olob' chiru a'an k'aru xyaalal li moy u li xril», chan.

Números 24:14

“Us b'i', xik we anaqwan sa' lintenamit. Kim ut tinye aawe li k'aru te'xb'aanu aawe li tenamit a'in chiruheb' li kutan chaalel”, chan laj Balaham.

Ezequiel 38:16

ut taakut aawib' sa' xb'eeneb' laj Israel, lintenamit. Chanchanaqat jun li q'oqyinkil choql tixmoy li ruuchich'och', a Gog. Sa' roso'jikeb' li kutan tatintaqla chaq sa' xb'een lintenamit, re naq eb' li tenamit junch'ol te'xnaw naq laa'in li Qaawa', naq sa' laak'ab'a' tink'ut linsantilal chiruheb'.