Daniel 10:12 - Q'eqchi Bible

¹² Toja' naq li winq kixye we: «Matxiwak, a Daniel. Chalen chaq sa' xtiklajik xayal aaq'e chi xtawb'al ru li moy u a'in ut xakub'si aawib' chiru laaYos. Jo'kan naq x'ab'iik laatij ut xinchalk laa'in chi xyeeb'al aawe li xsumehom li Qaawa'.

Li Santil hu

¹² Ut li cui̱nk quixye cue: —At Daniel, matxucuac xban nak chalen nak xaqꞌue a̱chꞌo̱l chixtaubal ru li yo̱ chi cꞌulma̱nc ut xacubsi a̱cuib chiru la̱ Dios, aꞌan quirabi la̱ tij. Joꞌcan nak xinchal a̱cuiqꞌuin chixchꞌolobanquil lix ya̱lal cha̱cuu.

Daniel 10:12 ပူးပေါင်းရင်းမြစ်များ

Daniel 10:19

Chirix chik a'an kixye we: «Matxiwak ut matk'oxlak. Saho'qat ut kawaq taxaq laach'ool: li Yos jwal nakatxra». “Ut naq toj yo chi aatinak wik'in, kikawuuk wi' chik linch'ool ut kinye re: «Aatinan, at inqaawa', xb'aan naq xak'e xkawub' linch'ool», chankin re.

Isaías 58:9

Chi jo'kan, wi taayaab'a link'ab'a', laa'in tatinsume; wi tinaab'oq, tinye aawe: «We'kin!». Wi ink'a' chik nakatrahob'tesink, wi ink'a' nakathob'ok chi moko nakatq'ab'ank,

San Mateo 28:5

Toja' naq li ánjel ki'ok chi raatinankileb' li ixq ut kixye reheb': —Mexxiwak. Ninnaw naq yookex chi xsik'b'al li Jesus, a' li kik'ehe'k chiru krus.

Isaías 65:24

Naq toj maji' neke'xpatz' link'ab'a', laa'in akaq xinsumeheb' chaq; toj maji' ajwi' neke'aatinak, laa'in akaq xwab'iheb'.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

Isaías 35:4

Yehomaq reheb' li yookeb' xxiw: “Kawaq eech'ool ut mexxiwak! Chalk re leeYos chekolb'al, we' chaq chi eeqajunk. Chalk re ut texxkol!”.

San Lucas 24:38

Ut li Jesus kixye reheb': —K'a'ut naq sachso leech'ool? K'a'ut naq na'ok eek'a'uxl?

Levítico 16:31

A'an a'in jun chaq'rab' xaqxooq xwankil chi junelik: a'anaq hilob'aal kutan cho'q eere, q'axtesinb'ilaq re li ayuun.

Levítico 16:29

“A'an a'in jun chaq'rab' xaqxooq xwankil chi junelik cho'q eere: sa' xlaje xb'e li xwuq li po, tento naq teeb'aanu ee'ayuun; maajun li k'anjel teeb'aanu, jo'keb' laj Israel, jo'keb' ajwi' laj ab'l tenamit li wankeb' sa' eeyanq,

Apocalipsis 1:17

Naq kiwil a'an, kint'ane'k chi hupu chi roq, chanchanin kamenaq kinkanaak, ut a'an kixk'e li xnim uq' sa' inb'een, yo chi xyeeb'al we: “Matxiwak. Laa'in li xb'een ut li rosob'l,

Hechos 27:24

ut xye we: «Matxiwak, Pablo! Tento tatwulaq chiru li awab'ej. K'e reetal, li Yos xk'eheb' sa' laawuq' li xyu'am chixjunileb' laawochb'een sa' laab'eenik», chan.

Salmos 69:10

Xb'aan xraab'al laawochoch k'ajo' naq naxamnak linch'ool, ut sa' inb'een nanaqk li xmajewahomeb' li neke'hob'ok aawe.

San Lucas 2:10

Ab'an li ánjel kixye reheb': “Mexxiwak xb'aan naq tinye eere jun chaab'il esilal, ut a'an jun xnimal sahil ch'oolej cho'q re chixjunil li tenamit:

San Lucas 1:30

Toja' naq kiyehe'k re xb'aan li ánjel: —Matxiwak, María, xb'aan naq usilal xataw rik'in li Yos.

San Lucas 1:13

Ab'an li ánjel kixye re: —Sakarías, matxiwak xb'aan naq x'ab'imank laatij. Lix Isabel laawixaqil taarala jun aak'uula'a,l ut Jwan taak'e cho'q xk'ab'a'.

San Marcos 16:6

Ut a'an kixye reheb': —Mexxiwak. Li Jesus aj Nazaret nekesik', a' li kik'ehe'k chiru krus. Xwakliik chi yo'yo, maa'ani chik arin. Wahi' li na'ajej b'arwi' xjilib'aak.

San Mateo 28:10

Toja' naq li Jesus kixye reheb': —Mexxiwak. Ayuqex chi xyeeb'al reheb' li wiitz'in naq xikaqeb' Galilea; aran toxe'ril wu.

Daniel 10:11

Ut li winq kixye we: «At Daniel, laa'at jun li winq jwal raarookat xb'aan li Yos, k'e aach'ool chi rab'inkil li aatin tinye aawe ut xaqlin, xb'aan naq taqlanb'ilin chaq anaqwan aawik'in». “Naq kiraqe'k chi xyeeb'al eb' li aatin a'in, laa'in kinxaqliik chi ninsiksotk.

Números 29:7

“Sa' ajwi' li lajeeb' xb'e li xwuq po, taawanq leeloq'laj ch'utam. Ink'a' textzekanq ut maajun taak'anjelaq chiru li kutan a'an.