Daniel 10:1 - Q'eqchi Bible

¹ Naq ak oxib' chihab' rokik chi awab'ejink laj Siro sa' xb'eeneb' laj Persia, laj Daniel, Beltsasar xkab' xk'ab'a', kiril jun moy u li q'axal yaal, ab'anan jwal ch'a'aj xtawb'al ru. Laj Daniel kixk'e xch'ool chi xtawb'al ru li xk'utb'esihom li Yos, ut koxnaw xyaalal li xmatk'.

Li Santil hu

¹ Yo̱ rox chihab roquic laj Ciro chokꞌ xreyeb laj Persia nak quicꞌutbesi̱c jun chic li visión chiru laj Daniel li nayeman Beltsasar re. Li cꞌaꞌru quicꞌutbesi̱c chiru, aꞌan tzꞌakal ya̱l ut kꞌaxal ra rabinquil. Abanan laj Daniel quiqꞌueheꞌ xnaꞌleb xban li Dios chixtaubal ru lix ya̱lal li quicꞌutbesi̱c chiru saꞌ li visión.

Daniel 10:1 ပူးပေါင်းရင်းမြစ်များ

Daniel 8:26

A'an a'in li xyaalalil li k'aru taak'ulmanq chiru wan xka chihab'. Ak xinch'olob' chawu, ut a'an tz'aqal yaal; ab'anan k'uula sa' laach'ool xb'aan naq moko ak k'ulmank ta re a'in», chan we li ánjel.

Daniel 6:28

Ut laj Daniel q'axal kiwank xwankil chiru chixjunil li xyu'am sa' li x'awab'ejihom laj Darío ut laj Siro aj Persia.

Daniel 1:21

Ut laj Daniel kikanaak chi k'anjelak aran toj sa' xb'een chihab' chi awab'ejink laj Siro.

Daniel 1:7

Li xjolomileb' laj k'anjel kixjal li xk'ab'a'eb': laj Daniel, kixk'e cho'q aj Beltsasar; laj Ananías, kixk'e cho'q aj Sidrak; laj Misael, kixk'e cho'q Misak ut laj Asarías, kixk'e cho'q aj Abdénago.

Daniel 1:17

Li Qaawa' Yos kixk'e xchaab'il na'leb'eb' li kaahib' chi saaj winq a'an; kixk'e ajwi' xseeb'al k'a'uxeb' chirix li k'iila nawom. Laj Daniel naxtaw ru eb' li moy u jo'wi' eb' li matk'.

Apocalipsis 19:9

Chirix chik a'an li ánjel kixye we: “Tz'iib'a: «Us xaq reheb' li b'oqb'ileb' chi wa'ak sa' xninq'ehinkil xsumlajik li Karneer»”. Kixye ajwi' we: “Chixjunil a'in a'an raatin li Yos ut tz'aqal yaal”.

Daniel 12:9

Ut a'an kixye we: «Matk'oxlak, a Daniel, xb'aan naq eb' li aatin a'in k'uulanb'ileb' ut tz'aptz'ookeb' toj reetal sa' roso'jikeb' li kutan.

Daniel 12:4

Ab'anan laa'at, a Daniel, maa'ani taaye wi' eb' li aatin a'in; k'uula chi tz'aptz'o li hu a'in toj sa' roso'jikeb' li kutan. Naab'aleb' te'xb'eeni rib' chi xsik'b'al li raatin li Qaawa' ut te'xtaw xtz'aqob' li xna'leb'eb'».

Daniel 10:14

Ut anaqwan xinchalk re xch'olob'ankil xyaalal li k'aru tixk'ul laatenamit chiruheb' li kutan chaalel, xb'aan naq toj wank chik jun moy u chirixeb' li kutan a'an».

Daniel 5:17

Toja' naq laj Daniel kixye re li awab'ej: “Kanaaq aawik'in li taawaj xsihinkil we malaj k'e re jalan chik; ab'an laa'in tinyaab'asi li naxye li tz'iib'anb'il chiru li tz'ak ut tinch'olob' li xyaalalil.

Daniel 2:21

Li Qaawa' wank xwankil sa' xb'eeneb' li kutan ut naxtaqla chaq li saq'ehil ut li hab'alq'e. A'an naxaqab'ank ut na'isink reheb' li awab'ej; naxk'e xchoxahil na'leb'eb' laj k'ehol na'leb' ut naxsi li xnimal nawom reheb' li seeb'eb' xk'a'uxl.

Isaías 44:28

Ut laa'in ninye re laj Siro: «Aj k'anjelat chiwu, laa'at taab'aanu chixjunil li wajom»; ut ninye re Jerusalén: «Tattenamito'q wi' chik»; ut ninye ajwi' naq taayiib'amanq wi' chik linloq'laj ochoch arin Sión”.

Esdras 6:14

Jo'kan naq eb' laj k'amol xb'eheb' laj Judiiy ke'ok wi' chik chi kab'lak ut us ki'elk li xk'anjeleb', jo' chanru xyehom li propeet Hageo ut laj Sakarías, ralal laj Idó. Ut ke'xchoy li kab'lak jo' chanru kixtaqla li xYos laj Israel jo' ajwi' laj Siro ut laj Darío.

Esdras 6:3

“Sa' li xb'een chihab' rokik cho'q awab'ej laj Siro kixk'e li chaq'rab' a'in chirix li rochoch li Yos re Jerusalén: «Chikab'lamanq li rochoch li Yos ut chik'eemanq li rub'elankil, re naq twanq mayejak aran. Waqlaju moqoj li xteram te'xk'e ut waqlaju moqoj li ru.

Esdras 4:5

Ke'xtumina ruheb' laj taqlanel re naq taapo'q ru li xk'anjeleb' laj Judá, ut relik chi yaal ke'xrameb' chalen sa'eb' li kutan naq kiwank laj Siro cho'q awab'ej re Persia toj sa' li x'awab'ejihom laj Darío, awab'ej re Persia.

Esdras 4:3

Ab'an laj Sorobabel, laj Josué ut li xjolomileb' junkab'al re Israel ke'xsumeheb': “Ink'a' tooruuq chi kab'lak sa' junajil laa'o ut laa'ex re xyiib'ankil jun rochoch li qaYos. Laa'o qajunes tqayiib' rochoch li Qaawa', xYos laj Israel, jo' kixye qe laj Siro, awab'ej re Persia”.

2 Crónicas 36:22

Sa' li xb'een chihab' rokik laj Siro cho'q awab'ej re Persia, re naq taatz'aqloq ru li raatin li Yos kixye chi xtz'uumal re laj Jeremías, li Qaawa' kixtoch' xch'ool laj Siro, awab'ej re Persia, re naq tixtaqla xpuktesinkil li chaq'rab' a'in chi yeeb'il ut chi tz'iib'anb'il, sa' chixjunileb' li na'ajej wankatqeb' rub'el li xwankil:

Génesis 41:32

Ka' sut xatmatk'ek: naraj naxye naq ak teneb'anb'il a'in xb'aan li Yos ut li Yos tixseeb'a xb'aanunkil.

San Lucas 1:20

Anaqwan mem chik tatkanaaq ut ink'a' tatruhanq chi aatinak toj sa' chik li kutan taak'ulmanq wi' a'in, xb'aan naq ink'a' xapaab' li waatin, li relik chi yaal naq taatz'aqloq ru sa' xq'ehil.

Daniel 11:2

Ut anaqwan tinye aawe li xyaalalil: «Aran Persia toj toxwanq oxib' chik li awab'ej, ut li xka awab'ej q'axal b'ihomaq chiruheb' li oxib'. Ut naq ak xnimank li xwankilal sa' xk'ab'a' li xb'ihomal, tixchiq' xjosq'ileb' chixjunileb' li poyanam re yalok rik'ineb' laj Grecia.

Daniel 8:16

ut kiwab'i jun xyaab' kuxej chire li nima' Ulay li kixjap re chi xyeeb'al: «At Gabriel, ch'olob' chiru a'an k'aru xyaalal li moy u li xril», chan.

Daniel 5:12

xb'aan naq q'axal q'es li xch'ool chi na'leb'ak, wank xnawom ut jwal seeb' xch'ool chi xtawb'al xyaalal eb' li matk', eb' li moy u ut chi xtuqub'ankil ru junaq ch'a'ajkilal. Yookin chi aatinak chirix laj Daniel, a' li Beltsasar kik'ehe'k cho'q xkab' xk'ab'a' xb'aan laayuwa'. Jo'kan utan chib'oqmanq chaq laj Daniel, ut a'an tixch'olob' ru li tz'iib'anb'il chiru li tz'ak”, chan li ixq.

Daniel 4:8

Moqon chik xchalk wik'in laj Daniel, Beltsasar nayeemank re sa' xk'ab'a' linyos. A'an jun winq li wank li xmusiq' eb' li loq'laj yos, ut xinseeraq'i re linmatk':

Esdras 3:7

Ke'xk'e xtumineb' laj sik'ol pek ut eb' laj peech'. Ke'k'ehe'k ajwi' xwa ruk'a' ut x'aseeyt eb' laj Sidón ut eb' laj Tiro, re naq chiru palaw te'xtaqla chaq Jope li chaab'il yaw re Líbano, jo' kiyehe'k reheb' xb'aan laj Siro, awab'ej re Persia.