Daniel 1:2 - Q'eqchi Bible

² Li Qaawa' kixq'axtesi laj Johakín, li awab'ej re Judá, sa' ruq' laj Nabukodonosor re naq taak'ame'q Senahar. Jo'kan ajwi' ki'uxmank reheb' li loq'laj sek' li neke'k'anjelak sa' rochoch li Yos: ke'k'ame'k ut ke'k'eemank sa' xyanq li xb'ihomal li rochoch li xyoseb' laj Babilonia.

Li Santil hu

² Ut li Dios quixcanab laj Joacim lix reyeb laj Judá saꞌ rukꞌeb laj Babilonia. Ut cuan li secꞌ li quicꞌanjelac saꞌ rochoch li Dios li quicꞌameꞌ saꞌ li naꞌajej Sinar. Ut laj Nabucodonosor quixcꞌam saꞌ rochoch lix dios ut quixqꞌue saꞌ li naꞌajej bar naxocman cuiꞌ li cꞌaꞌak re ru terto xtzꞌak re lix dioseb.

Daniel 1:2 ပူးပေါင်းရင်းမြစ်များ

2 Crónicas 36:7

Laj Nabukodonosor kixxok ajwi' li k'aru re li rochoch li Qaawa', kixk'am sa' li tenamit Babilonia ut koxk'e sa' rochoch li xyos.

Zacarías 5:11

Kichaq'ok a'an ut kixye we: “Yookeb' chi xk'amb'al sa' li na'ajej Senahar. Aran toxe'xyiib' jun li rochoch, ut naq akaq xyaalo'k, aran te'xxaqab' sa' xna'aj re xloq'oninkil”.

Jueces 4:2

jo'kan naq li Qaawa' kixq'axtesiheb' sa' ruq' laj Jabín, awab'ej re Kanahán, li yo chi awab'ejink aran Jasor. Li xjolomil chixjunileb' laj puub', a'an laj Sísara, li nawank sa' li na'ajej Jaróset-Hakohín.

Jueces 3:8

Jo'kan naq li Qaawa' kichalk xjosq'il sa' xb'eeneb' laj Israel ut kixq'axtesiheb' sa' ruq' laj Kusán Risatáhin, awab'ej re Edom, ut ke'k'anjelak waqxaqib' chihab' chiru li awab'ej a'an.

Jueces 2:14

Jo'kan naq li Qaawa' kichalk xjosq'il sa' xb'eeneb' laj Israel. Kixq'axtesiheb' sa' ruq'eb' laj elq' li ke'maq'ok chixjunil li k'aru wank reheb', kixk'ayeb' sa' ruq'eb' li xik' neke'ilok reheb', li wankeb' chi nach', ut ink'a' chik ke'xkuy xkolb'aleb' rib' chiruheb'.

Deuteronomio 32:30

Chanru naq jun chi winq xraanilasiheb' lajeek'aal rox o'q'ob' (1,000) chi winq, ut wiib' chi winq xe'raanilasiheb' k'iila o'q'ob'? Ma ink'a' tab'i' xb'aan naq li Qaawa', laj Ilol reheb', kixkanab'eb' xjuneseb' ut kixq'axtesiheb' sa' ruq' li xik' na'ilok reheb'?

Génesis 11:2

Naq ke'elk chaq eb' li tenamit sa' releb'l saq'e, ke'xtaw jun na'ajej helho ru sa' xteepal Senahar, ut aran ke'kanaak.

Génesis 10:10

Eb' li tenamit kixtikib' wi' awab'ejink laj Nemrod, a'aneb' a'in: Babel, Erek ut Akad; wankeb' chixjunileb' sa' xteepal Senahar.

Habacuc 1:16

Jo'kan naq laj kar taamayejaq chiru li xyooy ut tixk'at li pom chiru li xluch b'aq, xb'aan naq sa' xk'ab'a' a'an wank xwa ruk'a' chi chaab'il ut chi numtajenaq.

Daniel 5:18

“At awab'ej, li Nimajwal Yos kixk'e chi awab'ejink laj Nabukodonosor laayuwa'; kixk'e ajwi' xwankil ut xloq'al, re naq nawb'ilaq ut nimanb'ilaq ru xb'aaneb' chixjunil.

Jeremías 51:44

“Tinrahob'tesi laj Bel, li xyoseb' laj Babilonia, ut tink'e chi xxa'wa li k'aru ak xtzekahom; maajun chik tenamit taachalq rik'in. Ak xt'ane'k li xsuttz'akil li tenamit.

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Esdras 1:7

Laj Siro li awab'ej kixq'axtesi chixjunileb' li k'anjelob'aal re li rochoch li Yos, li ke'elq'aak ut ke'k'ehe'k sa' rochocheb' li jalanil yos xb'aan laj Nabukodonosor.

1 Samuel 5:2

Chirix chik a'an ke'roksi sa' rochoch laj Dagón ut ke'xk'e chi xk'atq li yos a'an.

Isaías 42:24

Ani xkanab'ank chi elq'aak laj Jakob ut xq'axtesink chi rahob'tesiik laj Israel? Ma maawa' tab'i' li Qaawa' li xoomaakob'k chiru? Ink'a' xe'raj xyu'aminkil li raatin chi moko xpaab'ankil li xchaq'rab'.

2 Reyes 24:1

Sa'eb' li kutan naq laj Johakín wank chi awab'ejil, laj Nabukodonosor, awab'ej re Babilonia, koho chi yalok rik'in, ut laj Johakín kiwank oxib' chihab' rub'el xwankil laj Nabukodonosor. Chirix chik a'an kixq'etq'eti rib' chiru.

Jeremías 25:1

Ak kaahib' chihab' rokik chi awab'ejink laj Johakín, ralal laj Josías, sa' xb'eeneb' laj Judá, ki'aatinak li Qaawa' rik'in laj Jeremías chirix li te'xk'ul eb' laj Judá. A'an kik'ulmank sa' li xb'een chihab' chi awab'ejink laj Nabukodonosor aran Babilonia.

Jeremías 27:16

Kiwaatinaheb' ajwi' eb' laj tij ut chixjunileb' li poyanam, ut kinye reheb': “Li Qaawa' xye chi kama'in: «Meepaab' li yookeb' xyeeb'al eb' li propeet naq chi seeb' eb' laj Babilonia te'xq'axtesi chaq wi' chik li xsahil eechej li rochoch li Yos. A'an yal tik'ti'.

Jeremías 28:3

ut sa' wiib' chihab' tink'e chaq chi q'ajsiik li k'a'aq re ru re li wochoch, li kik'ame'k Babilonia xb'aan laj Nabukodonosor, li awab'ej.

Jeremías 35:11

Ab'an naq laj Nabukodonosor, li awab'ej re Babilonia, ki'ok chi yalok sa' li qana'aj, koochalk Jerusalén re elelik chiruheb' laj Kaldeha ut eb' laj Asiria; jo'kan naq wanko arin Jerusalén”.

Jeremías 50:2

“Yehomaq ut puktesihomaq li esil a'in sa'eb' li tenamit; k'ehomaq chi nawe'k ut mik'a' eemuq: «Xchapmank li tenamit Babilonia! Xkanaak sa' xutaan li yos Bel ut nasiksotk li yos Marduk xb'aan xxiw. Maak'a' chik na'ok wi' eb' li xjalanil yos, xlaje'sache'k chixjunileb'».

Daniel 5:13

Chi junpaat laj Daniel kik'ame'k wan wi' li awab'ej, ut a'in kixye re: “Ma laa'at laj Daniel, jun reheb' li ke'k'ame'k chaq xb'aan linyuwa' sa' li tenamit Judá?

2 Crónicas 36:5

Oob' xka'k'aal chihab' wank re laj Johakín naq ki'ok cho'q awab'ej, ut junlaju chihab' ki'awab'ejink aran Jerusalén. Ab'an kixb'aanu li ink'a' nawulak chiru li Qaawa' li xYos.