Daniel 1:17 - Q'eqchi Bible

¹⁷ Li Qaawa' Yos kixk'e xchaab'il na'leb'eb' li kaahib' chi saaj winq a'an; kixk'e ajwi' xseeb'al k'a'uxeb' chirix li k'iila nawom. Laj Daniel naxtaw ru eb' li moy u jo'wi' eb' li matk'.

Li Santil hu

¹⁷ Ut li Dios quixqꞌue xnaꞌlebeb li ca̱hib chi sa̱j cui̱nk aꞌin ut kꞌaxal se̱beb xchꞌo̱l chixtaubal ru chixjunil li cꞌaꞌru quicuteꞌ chiruheb. Ut kꞌaxal cuiꞌchic li naꞌleb li quiqꞌueheꞌ re laj Daniel xban li Dios re xtaubal ru li naxye li matcꞌ ut li visión.

Daniel 1:17 ပူးပေါင်းရင်းမြစ်များ

Santiago 1:5

Wi wank junaq eere yo chi majelo'k xna'leb', chixtz'aamaq re li Yos, ut taak'ehe'q re, xb'aan naq li Yos nak'ehok chi anchal xch'ool ut chi chaab'il reheb' chixjunileb'.

1 Reyes 3:12

jo'kan naq tinb'aanu jo' xapatz' we: tink'e aachoxahil na'leb' ut xtiikilal laach'ool, jo' maajun wanjenaq chawu chi moko toxwanq chik moqon jo' laa'at.

Daniel 2:21

Li Qaawa' wank xwankil sa' xb'eeneb' li kutan ut naxtaqla chaq li saq'ehil ut li hab'alq'e. A'an naxaqab'ank ut na'isink reheb' li awab'ej; naxk'e xchoxahil na'leb'eb' laj k'ehol na'leb' ut naxsi li xnimal nawom reheb' li seeb'eb' xk'a'uxl.

Li xHu LAJ JOB 32:8

Ab'anan yaal ajwi' naq chixjunileb' li poyanam wankeb' xna'leb', xb'aan naq li Nimajwal Yos kixhoy li xmusiq' sa' xb'eeneb'.

Daniel 2:23

Ninb'anyoxink chawu, at Qaawa', xYosat eb' linxe'toonil yuwa', xb'aan naq xak'e inchoxahil na'leb' ut inwankilal; xak'ut chiqu xyaalal li xqatz'aama aawe ut xak'e chiqanaw li yo wi' xk'a'uxl li awab'ej”.

Colosenses 1:9

Jo'kan utan, chalen naq xqab'i resil chixjunil a'an, ink'a' nokoohilank chi tijok cherix ut junelik yooko chi xtz'aamankil naq toxeetaw xyaalal li rajom li Yos chi tz'aqal re ru, rik'in chixjunil li na'leb' ut k'a'uxl li naxk'e li Musiq'ej,

Proverbios 2:6

Xb'aan naq a' li Qaawa' nak'ehok re li chaab'il k'a'uxl; rik'in A'an nachalk li nawok ut li na'leb'ak.

Hechos 6:10

Ab'anan ink'a' neke'xkuy xsumenkil li xnimal xk'a'uxl ut li Musiq'ej na'aatinak wi'.

Santiago 1:17

chixjunil li usilal k'eeb'il qe ut chixjunil li qamaatan li tz'aqal re ru, taqe'q nachalk chaq, ut nakub'e chaq rik'in li xYuwa'ileb' li chahim, li ink'a' najalaak chi moko naq'oqyino'k ru.

Hechos 7:22

Laj Moisés kitzole'k rik'in chixjunil li xna'leb'eb' laj Ejiipt ut wank xwankil rik'in li nalajxye ut nalajxb'aanu.

Daniel 10:1

Naq ak oxib' chihab' rokik chi awab'ejink laj Siro sa' xb'eeneb' laj Persia, laj Daniel, Beltsasar xkab' xk'ab'a', kiril jun moy u li q'axal yaal, ab'anan jwal ch'a'aj xtawb'al ru. Laj Daniel kixk'e xch'ool chi xtawb'al ru li xk'utb'esihom li Yos, ut koxnaw xyaalal li xmatk'.

Ezequiel 28:3

Ma q'axal wank tab'i' aana'leb' chiru laj Daniel? Ma nakanaw tab'i' chixjunil li muqmuukil na'leb'?

2 Crónicas 26:5

Li propeet Sakarías kixk'ut chiru laj Osías roxloq'inkil li Qaawa'. Ut naq kiyo'yook li propeet, laj Osías kixk'e xch'ool chi xsik'b'al li Qaawa'; jo'kan naq ki'osob'tesiik xb'aan li Yos ut jwal us ki'elk rik'in chixjunil li kixb'aanu.

Números 12:6

“Ab'ihomaq li tinye eere -chan li Yos-. Wi wank sa' eeyanq junaq propeet, laa'in tink'ut wib' chiru sa' nab'uuch, ut tin'aatinaq rik'in sa' xmatk'.

Hechos 7:10

ut kirisi sa' chixjunil li xrahilal. Kixk'e xna'leb' re naq usilal tixtaw chiru laj Parahón, awab'ej re Ejiipt; ut a'in kixxaqab' laj José cho'q aj jolominel re Ejiipt jo'wi' re chixjunil li xjunkab'al.

Daniel 7:1

Sa' li xb'een xchihab' chi awab'ejink laj Baltasar sa' xb'eeneb' laj Babilonia, kiwank jun xmatk' laj Daniel naq yo chi wark. Ut sa' junpaat, naq ki'ajk ru, kixtz'iib'a li k'aru kik'utb'esiik chiru.

Daniel 2:19

Ut chiru ajwi' li q'oqyink a'an li Qaawa' kixk'utb'esi chiru laj Daniel li xyaalalil li matk', ut laj Daniel kiyoxink chiru li xYos li choxa,

San Lucas 21:15

xb'aan naq laa'in tink'e eeraatin ut xnimal ru eena'leb' li ink'a' te'ruuq xwech'b'al rix chi moko xsumenkil chixjunileb' li xik' neke'ilok eere.

Isaías 28:26

Li xk'utuk li awk chiru ut li xtzolok re chi xb'aanunkil chi jo'kan a'an li Qaawa', li xYos.

Eclesiastés 2:26

Naq junaq narahe'k xb'aan li Qaawa', nak'eemank xna'leb', xseeb'al xk'a'uxl ut xsahil xch'ool; a'ut laj maak, li Yos naxk'e chi k'anjelak ut chi tamok b'ihomal yal re xkanab'ankil moqon chixjunil a'an re li ani raaro xb'aan. A'in ajwi' maak'a' rajb'al ut chanchan li chapok iq'!

2 Crónicas 1:10

Jo'kan utan, chak'e taxaq innawom ut inchoxahil na'leb' re xb'eresinkil li tenamit a'in. Xb'aan naq ani taaruhanq chi xk'amb'al xb'e li tenamit a'in li k'ajo' xk'ihaleb'?”.

1 Reyes 3:28

Naq chixjunileb' laj Israel ke'rab'i li raqok aatin kixb'aanu li awab'ej, chixjunileb' ke'xxiwa ru laj Salomón, xb'aan naq ke'xk'e reetal naq relik chi yaal wank xchoxahil na'leb' chi raqok aatin.

Daniel 8:1

“Oxib'aq chihab' rokik chi awab'ejink laj Baltasar, laa'in laj Daniel kinmatk'ek wi' chik ut kiwil jun chik li moy u.

Daniel 5:14

Xwab'i resil naq wank aawik'in li xmusiq' eb' li loq'laj yos, jwal seeb' laak'a'uxl ut numtajenaq nim laachoxahil na'leb'.

2 Crónicas 1:12

Jo'kan naq tink'e aawe aanawom ut aachoxahil na'leb', jo'wi' aab'ihomal, aasahilal ut aaloq'al, jo' maajun wanjenaq chawu chi moko toxwanq chik moqon jo' laa'at”.

Daniel 1:4

Eb' li ch'ajom a'an tento naq kawaqeb', chaab'ilaq rilb'aleb', seeb'aq xch'ooleb' ut wanqeb' xnawom, tzolb'ilaqeb' chi us ut kawal wanqeb' chi k'anjelak sa' rochoch li awab'ej, re naq te'xtzol li aatinak ut li tz'iib'ak sa' raatinob'aaleb' laj Kaldeha.

Daniel 1:18

Naq ak xnume'k li oxib' chihab' li xyehom li awab'ej, ke'k'ame'k chiru laj Nabukodonosor xb'aan li xjolomileb' laj k'anjel.

Daniel 1:20

Chirix chixjunil li chaab'il na'leb' malaj seeb'al k'a'uxej li naraj xnawb'al li awab'ej, eb' li kaahib' chi saaj winq a'an q'axal chik ke'tawe'k naq wankeb' xna'leb' chiruheb' chixjunil: lajeeb' wa chik neke'xq'ax ruheb' laj q'e ut eb' li neke'nawalink sa' chixjunil li x'awab'ejilal laj Nabukodonosor.

Daniel 2:30

Laa'in ajwi' xk'utb'esiik chiwu li tz'aptz'ookil na'leb' a'in: moko xb'aan ta naq q'axal naab'al inna'leb' chiru chixjunileb' li poyanam, yal re b'an xch'olob'ankil chawu li xyaalalil, at awab'ej, ut re ajwi' taataw ru li k'aru yo wi' laak'a'uxl.

Daniel 4:6

Toja' naq xinb'oqeb' chixjunileb' laj k'ehol na'leb' li wankatqeb' sa' xteepal Babilonia, re naq te'xch'olob' chiwu li xyaalalil li moy u.