Cantares 7:13 - Q'eqchi Bible

¹³ Sununk li xb'ook eb' li winqil q'een; chire li qochoch wank k'iila paay chi sahil ki'q'een: eb' li ru li toje' xinxok jo'wi' eb' li ak chaqi, ut xink'uula cho'q aawe, at inrahom!

Li Santil hu

¹³ Ta̱cuutzꞌ xsununquil li acui̱mk mandrágoras. Saꞌ li kochoch cuan nabal pa̱y ru li quiꞌil kꞌe̱n. At xsum li cua̱m, la̱in xinxoc chokꞌ a̱cue chixjunil li ta̱sahokꞌ cuiꞌ a̱chꞌo̱l. Cuan li ac xchakic ut cuan ajcuiꞌ li toj xinsicꞌ.

Cantares 7:13 ပူးပေါင်းရင်းမြစ်များ

Génesis 30:14

Sa' xq'ehil li q'olok koho laj Rubén sa' li xk'al ut kixtaw chaq ixqiq'een, li kixk'am chaq cho'q re lix Liiy li xna'. Naq lix Rakel kiril a'an, kixye re lix Liiy: “B'aanu usilal, k'e we li ixqiq'een li xk'am chaq laayum”.

San Mateo 13:52

Ut a'an kixye reheb': —Jo'kan naq chixjunil laj tz'iib' li x'ok cho'q xtzolom li xnimajwal wankilal li choxa chanchan jun li winq aj eechal kab'l li narisi chaq sa' li xk'uuleb'aal li k'aru ak' ut li k'aru q'eel.

1 Pedro 4:11

Ani wank xmaatan chi aatinak, chixyehaq Raatin li Yos; wi wank ani xk'ulum junaq k'anjel, chixb'aanuuq rik'in li xwankilal nak'ehe'k re xb'aan li Yos, re naq oxloq'oninb'ilaq li Yos rik'in chixjunil sa' xk'ab'a' li Jesukriist. A'an laj eechal re li loq'al ut li wankilal chi junelik q'e kutan. Jo'kan taxaq.

Colosenses 3:17

ut jo'ch'inal jo'nimal li teeye malaj teeb'aanu, chixjunil chi'uxmanq sa' xk'ab'a' li Qaawa' Jesus, yooqex chi yoxink chiru li Yos Yuwa'b'ej sa' xk'ab'a' A'an.

Filipenses 1:11

nujenaqaqex b'an rik'in li naruuchin li tiikilal sa' xk'ab'a' li Jesukriist cho'q re li xloq'al ut li xnimankil ru li Yos.

Efesios 5:9

Xb'aan naq li naruuchin li saqenk a'an chixjunil li chaab'ilal, tiikilal ut li yaal.

1 Corintios 16:2

Rajlal domiing li junjunq sa' eeyanq chixk'uulahaq sa' rochoch jo'ch'inal jo'nimal xruhank xxokb'al, re naq ink'a' yooqex chi kub'sink naq toxin'elq laa'in.

1 Corintios 2:9

Ab'anan, jo' naxye li Santil Hu: “Li ink'a' ilb'il ru, li ink'a' ki'ab'iik, chi moko kik'oxlaak sa' xch'ool li winq, a'an li kixkawresi li Yos cho'q reheb' li neke'rahok re”.

San Juan 15:8

Rik'in a'in naxk'ul xloq'al linYuwa', naq q'axal chi'uuchinq leepaab'aal ut laa'exaq tz'aqal intzolom.

San Mateo 25:40

Ut li Rey tixye reheb': «Relik chi yaal ninye eere: jo'ch'inal jo'nimal xeb'aanu chaq reheb' linkok' iitz'in a'in q'axal kok'eb', we laa'in xeb'aanu chaq».

Isaías 23:18

Ab'an li tumin li tixtaw, taaq'axtesimanq re li Qaawa'. Ink'a' chik taak'uulaaq, taak'eemanq b'an cho'q reheb' laj k'anjel chiru li Qaawa', re naq te'tzekanq chi us ut te'xtiqib' rib' rik'in chaab'il aq'ej.

Cantares 4:16

Ajsi aawu, at iq' li nakatchalk chaq sa' releb'l iq', kim, at iq' li nakatchalk sa' xsak'leb' iq'! Apunqex sa' li xna'aj li wawimq, re naq taa'elq chaq li xsununkil. Chichalq linrahom sa' li xsahil na'aj ut chixtzekaaq ta li jwal sa xlowb'al!

Cantares 4:13

Laajunxaqalil chanchan jun sahil na'ajej wankeb' wi' ki'il q'een li jwal sa li ru, li xche'el li asaprán ut li naard.

Cantares 2:3

Jo' xche'el li mansaan sa' xyanqeb' li che' sa' k'iche'b'aal, jo'kan linrahom sa' xyanqeb' li saaj winq. Ninrahi hilank sa' xmu, ut q'axal sa cho'q we naq ninlow li ru.

Cantares 8:1

A, wi ta laa'at li wiitz'in tu'resinb'ilat ta xb'aan linna', tinwutz' raj aawu naq tatink'ul sa' b'e chi maajun taase'enq we.

Cantares 6:11

Xinkub'eek sa' li xk'iche'il li nogal, re xka'yankil li xraxraxil ru li taq'a, re rilb'al li xtuxm li xtoonal li uub' ut wi yookeb' chi atz'umak eb' li granaad.