Cantares 6:11 - Q'eqchi Bible

¹¹ Xinkub'eek sa' li xk'iche'il li nogal, re xka'yankil li xraxraxil ru li taq'a, re rilb'al li xtuxm li xtoonal li uub' ut wi yookeb' chi atz'umak eb' li granaad.

Li Santil hu

¹¹ La̱in co̱in chirilbal li cheꞌ nogal ut li ru li cheꞌ li cuan saꞌ li ru takꞌa. Quicuaj rilbal li ratzꞌum li acui̱mk uvas ut li granadas.

Cantares 6:11 ပူးပေါင်းရင်းမြစ်များ

Cantares 7:12

Toj eq'la tooxik sa'eb' li awimq uub' ut tqil chaq ma yo chi atz'umak li xtoonal li uub', ma ak x'ok chi tuxmek, ma yookeb' chi atz'umak li granaad. Aran tinq'axtesi wib' ut tatinra!

Hechos 15:36

Maji'aq k'iila kutan kixye laj Pablo re laj Bernabé: —Sutq'iiqo chi rilb'al chanru wankeb' laj paab'anel sa' chixjunileb' li tenamit xqapuktesi wi' li Raatin li Qaawa'.

San Marcos 11:13

Kiril chi najt jun toon chi iig wank xxaq, ut koho chi rilb'al ma tixtaw tana junaq li ru. Kiwulak chi xk'atq, ab'anan maak'a' kixtaw, ka'ajwi' li xxaq, xb'aan naq moko xq'ehil ta chi uuchink.

Cantares 6:2

Linrahom xkoho sa' xna'aj li rawimq, b'arwi' awb'il li sununkil q'een; xkoho chi rilb'al li xketomq sa'eb' li xna'aj awimq ut chi xxokb'aleb' li saqihix.

Cantares 5:1

Ak xin'ok sa' xna'aj li wawimq, at wanab', at xsumwaanm. Ak xinxok linmiir ut linsununkil b'an, xintzeka li xya'al kab' sa' li xsok, ut xwuk' linb'iin ut li xya'al xtu' wakax. Ex was wiitz'in, tzekanqex ut uk'anqex, toj taak'ojlaaq eech'ool, ex wamiiw!

Génesis 2:9

Li Qaawa' Yos kixk'e chi moqk sa' li ch'och' chixjunil li jar paay chi che'ul q'axal ch'ina'us rilb'aleb' ut us chi tzekaak. Sa' xyi xna'aj li awimq kixk'e ajwi' li che' re li yu'am ut li che' re xnawb'al li us ut li ink'a' us.

San Juan 15:16

“Moko laa'ex ta xexsik'ok wu; laa'in b'an xinsik'ok eeru ut xexinxaqab' re texxik ut chi'uuchinq leepaab'aal, ut li taaruuchin leepaab'aal wanq chi junelik. Chi jo'kan chixjunil li teetz'aama chiru li Yuwa'b'ej sa' ink'ab'a', taak'eemanq eere.

San Lucas 13:7

Toja' naq kixye re laj ilol awimq: «Il, chalen oxib' chihab' wokik raj chi xsik'b'al li ru li iig a'in, ut maak'a' nintaw. Yok'. K'a' aj e naq yo chi xlaatz'ankil li ch'och'?».

Génesis 40:10

ut li jun toon a'an wank oxib' li ruq': ka'ajwi' natuxmek a'an, na'atz'umak ut tikto neke'q'ano'k li ru.

Cantares 6:12

Ab'anan chi maak'a' sa' inch'ool xkohin sa' li xb'eleb'aal ch'iich' laj eechal we!

Cantares 7:13

Sununk li xb'ook eb' li winqil q'een; chire li qochoch wank k'iila paay chi sahil ki'q'een: eb' li ru li toje' xinxok jo'wi' eb' li ak chaqi, ut xink'uula cho'q aawe, at inrahom!