Cantares 4:9 - Q'eqchi Bible

⁹ Xawelq'a linch'ool, at wanab', at xsumwaanm; ka'ajwi' xinaawil ut xawelq'a linch'ool, rik'in jun ajwi' chi q'ol li wank chakux.

Li Santil hu

⁹ Xco̱ inchꞌo̱l cha̱cuix, at cuixakil, at xsum li cua̱m. Jun sut ajcuiꞌ xina̱cuil ut xco̱ inchꞌo̱l cha̱cuix. Cꞌajoꞌ xchꞌinaꞌusal la̱ kꞌol cuan cha̱cux.

Cantares 4:9 ပူးပေါင်းရင်းမြစ်များ

Cantares 4:12

Laa'at li xtz'aptz'ookil na'aj awimq, at wanab', at xsumwaanm; laa'at xtz'aptz'ookil na'aj awimq ut yu'amha' kaaxtinb'il.

2 Corintios 11:2

Xb'aan naq xexinsi re sumlaak rik'in jun chi b'eelomej re eexaqab'ankil chiru li Kriist jo' jun tuq'ixq saq ru xch'ool.

Cantares 7:10

Laa'in rehin linrahom, ut chiwix laa'in naxik li xch'ool.

Apocalipsis 21:2

Ut kiwil li santil tenamit, a' li ak' Jerusalén, yo chaq chi kub'eek sa' choxa rik'in li Yos, jo' jun li ixq ok re chi sumlaak, tiqib'anb'il chi us cho'q re li xb'eelom.

San Juan 3:29

Li ani aj ik'in wank li ixaqilb'ej a'an li b'eelomej; ut li ramiiw li b'eelomej li nawank aran ut narab'i, k'ajo' naq nasaho'k sa' xch'ool chi rab'inkil xyaab' xkux li b'eelomej. A'an a'in li xsahil inch'ool, ut ak tz'aqlojenaq chik ru.

Sofonías 3:17

Li Qaawa' laaYos wank aawik'in: A'an q'axal nim xwankil ut tatxkol. K'ajo' naq tsaho'q xch'ool sa' laak'ab'a'! Rik'in li xrahom tix'ak'ob'resi laayu'am, ut taab'ichanq xb'aan xsahil xch'ool

Ezequiel 16:8

«Naq kinnume'k wi' chik chak'atq, katinka'ya: ak tz'aqalat chik chi k'ame'k. Toja' naq katinlan sa' linb'aatal re aatz'apb'al, ut kinyeechi'i wib' rik'in jurament. Kink'e wib' sa' aatin aawik'in ut katweechani -chan li Qaawa'-.

Isaías 62:5

Jo' naq li saaj winq nasumlaak rik'in li tuq'ixq, jo'kan ajwi' naq taasumlaaq aawik'in laj Kab'lanel aawe. Jo' xsahil xch'ool li b'eelomej xb'aan li xsumraanm, jo'kanaq ajwi' laaYos aawik'in.

Isaías 54:5

Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

Cantares 6:12

Ab'anan chi maak'a' sa' inch'ool xkohin sa' li xb'eleb'aal ch'iich' laj eechal we!

Cantares 6:5

Isi laawilob'aal sa' inb'een, xb'aan naq li xsa'eb' laawu xe'xq'ax wu. Laawismal chanchaneb' jun ch'uutal chi chib'aat li yookeb' chi kub'eek sa' li tzuul Galahad.

Cantares 4:10

K'ajo' nasaho'k sa' inch'ool naq nikinaaq'alu, at wanab', at xsumwaanm! K'ajo' xchaq'alil ru laarahom: q'axal sa wi' chik chiru li b'iin; ut li xb'ook laasununkil jwal sununk wi' chik chiru chixjunileb' li sununkil b'an.

Cantares 3:11

Ex rixqilal Sión, elenqex chaq chi rilb'al laj Salomón li awab'ej: wank sa' xjolom li koroon li kik'ehe'k re xb'aan li xna' sa' xkutankil li xsumlajik, sa' li kutan li q'axal kisaho'k wi' xch'ool.

Cantares 1:15

K'ajo' aach'ina'usal, at xsumwaanm, k'ajo' xchaq'al aawu! Chanchaneb' mukuy xsa'eb' laawu.

Cantares 1:10

K'ajo' xch'ina'usal eb' laako sa' xyanqeb' laaka'xik, jwal ch'ina'us laakux sa' xyanqeb' li q'ol!

Salmos 45:9

K'ajo' xsununkil ru laawaq'! Kama' xsununkil li miir, álohe ut kasya. Li xyaab' li aarp naxk'e xsahil aach'ool sa' li nimla kab'l yiib'anb'il rik'in marfil.

1 Corintios 9:5

Ma ink'a' raj truuq tqak'am chiqix junaq ixq aj paab'anel, kama' neke'xb'aanu eb' li apóstol junch'ol, jo'wi' eb' li riitz'in li Qaawa' ut laj Sefas?

San Mateo 12:50

Xb'aan naq chixjunil li taab'aanunq re li rajom linchoxahil Yuwa', a'an li wiitz'in, li wanab' ut linna'.

Génesis 41:42

Chirix chik a'an laj Parahón kirisi li xmatq'ab' chi ruq', kixk'e chi ruq' laj José, kixtiqib' chi q'axal chaab'il rik'in liin ut kixk'e li q'ol yiib'anb'il rik'in oor chi xkux laj José.

Génesis 20:12

Ab'an yaal ajwi' naq a'an wanab', xrab'in linyuwa' us ta ink'a' rik'in linna'. Jo'kan naq xink'am cho'q wixaqil.

Proverbios 1:9

xb'aan naq li raatin laana' laayuwa' jo'kaq junaq koroon sa' laajolom, jo'kaq junaq chaab'il q'ol chakux laa'at.

Ezequiel 16:11

Katwuutz'u'uji rik'in ch'ina'usil eechej, kink'e xsahob' ru eb' laawuq' ut junaq q'ol chakux.

Daniel 5:7

Toja' naq li awab'ej kixjap re chi xb'oqb'aleb' chaq laj q'e, eb' laj nawal ut eb' laj tz'ilol rixeb' li chahim li wankeb' sa' xteepal Babilonia, ut kixye reheb': “Ani taa'iloq re li tz'iib'anb'il chiru li tz'ak ut tixch'olob' li xyaalal, taatiqib'aaq rik'in kaqi aq'ej reetalil li xwankil; taak'eemanq xq'ol oor chi xkux ut a'anaq li roxil chi taqlank sa' lin'awab'ejihom”, chan.

Proverbios 6:25

Maak'e aawib' chi q'unb'esiik xb'aan li xch'ina'usal, chi moko chakanab' aawib' chi xb'alaq'i xb'aan li rilob'aal.