Cantares 4:11 - Q'eqchi Bible

¹¹ Xya'al kab' na'elk chi xtz'uumal aawe, at xsumwaanm. Xya'al kab' ut leech wank rub'el ru'uj aawaq', ut li xsununkil laawaq' kama' xsununkil li tzuul Líbano.

Li Santil hu

¹¹ At cuixakil, cꞌajoꞌ nak nacuulac chicuu nak nacacuutzꞌ cuu. Chanchan xyaꞌal cab na-el saꞌ xtzꞌu̱mal a̱cue. Ut chanchan leche cuan rubel ruꞌuj a̱cuakꞌ. Sunu̱nc ru la̱ cuakꞌ chanchan xsununquil li naꞌajej Líbano.

Cantares 4:11 ပူးပေါင်းရင်းမြစ်များ

Cantares 5:1

Ak xin'ok sa' xna'aj li wawimq, at wanab', at xsumwaanm. Ak xinxok linmiir ut linsununkil b'an, xintzeka li xya'al kab' sa' li xsok, ut xwuk' linb'iin ut li xya'al xtu' wakax. Ex was wiitz'in, tzekanqex ut uk'anqex, toj taak'ojlaaq eech'ool, ex wamiiw!

Cantares 7:9

Sa' laawe chanchan li b'iin jwal chaab'il li tiik naxik wan wi' linrahom, ut naxt'aqresi li xtz'uumal qe li nokooxiiqank chi wark.

Cantares 5:13

Li xnaq' ru a'an chanchan li xna'aj awimq awb'il wi' junes sununkil b'an; li xtz'uumal re chanchaneb' li uutz'u'uj, li najolk'ok wi' ha'lesinb'il miir.

Génesis 27:27

Naq laj Jakob kijilok chi xk'atq ut kixtz'ub' ru, laj Jakob kirutz' li xb'ook li raq', kirosob'tesi ut kixye: “Li xb'ook li walal chanchan li xb'ook li ch'och' osob'tesinb'il xb'aan li Qaawa'.

Hebreos 13:15

Sa' xk'ab'a' li Jesus qamayejaaq ut qayeechi'iiq junelik li qatij re li Yos, naraj naxye, a' li xk'anjel li xtz'uumal qe li naqanima wi' li xk'ab'a'.

Oseas 14:2

Sutq'inqex rik'in li Qaawa' ut yehomaq re: “At Qaawa', kuy chixjunil li qamaak ut k'ulub'a li us xqab'aanu. Cho'q ruuchil li kok' wakax tootijoq ut toob'ichanq chawu.

Isaías 7:15

Xsasal xya'al xtu' li wakax ut xya'al kab' tixtzeka li ch'ina'al toj tixnaw xsik'b'al li k'aru us ut li ink'a' us.

Cantares 4:3

Li xtz'uumal aawe a'an kaq, kama' jun keel chi kaqi noq', ut laawe k'ajo' xch'ina'usal. Chanchaneb' granaad li xnaq' aawu, naq nak'utunk chaq chirix laat'ikr.

Proverbios 16:24

Li q'unil aatin, a'an chanchan xya'al kab': naxsahob'resi li qach'ool ut naxk'e xkawilal li qoq quq'.

Proverbios 5:3

Xb'aan naq li ixq li ink'a' us xch'ool na'aatinak rik'in q'unil aatin, chanchan xki'al li xya'al kab'; a'an naxnaw q'unb'esink kama' wi' xsahil li aseeyt.

Salmos 45:8

Nakara li us ut nakatz'eqtaana li maa'usilal. Jo'kan naq li Qaawa' laaYos xatxxaqab' ut xatxnujob'resi rik'in sahil ch'oolej, q'axal wi' chik xaqxo laaloq'al chiruheb' laawech awab'ejil.

Salmos 19:10

Li roxloq'inkil li Qaawa' loq' ut maak'a' xmuxul, xaqxo xwankil chi junelik. Chixjunil li xchaq'rab' li Qaawa' a'an tz'aqal yaal, wankeb' xloq'al ut xtiikilal,

Cantares 4:10

K'ajo' nasaho'k sa' inch'ool naq nikinaaq'alu, at wanab', at xsumwaanm! K'ajo' xchaq'alil ru laarahom: q'axal sa wi' chik chiru li b'iin; ut li xb'ook laasununkil jwal sununk wi' chik chiru chixjunileb' li sununkil b'an.

Salmos 92:13

Li tiikeb' xch'ool neke'k'iik jo' li kala' ut neke'nimank jo' li yaw wank aran Líbano:

Proverbios 5:2

Chi jo'kan taak'oxla rix li taaye, ut tat-aatinaq chi wank aana'leb'.