Cantares 3:7 - Q'eqchi Bible

⁷ Waye' chaq li xk'ojarib'aal laj Salomón! Sutsu chaq xb'aaneb' oxk'aal chi aj puub', a'eb' laj Israel li jwal kaweb' rib'.

Li Santil hu

⁷ Aꞌan laj Salomón, chunchu chak saꞌ lix cꞌojariba̱l. Oxcꞌa̱l li soldados li cauheb rib yo̱queb chi pako̱nc re. Aꞌaneb li kꞌaxal cha̱bileb saꞌ xya̱nkeb chixjunileb li soldado aj Israel.

Cantares 3:7 ပူးပေါင်းရင်းမြစ်များ

Hebreos 1:14

Ma ink'a' tab'i' musiq'ejeb' chixjunileb' a'in, aj k'anjeleb', taqlanb'ileb' chaq chi xtenq'ankileb' li te'eechaninq re li kolb'a ib'?

Cantares 3:9

Laj Salomón li awab'ej xk'e chi yiib'aak jun xk'ojarib'aal rik'in li chaab'il che' re Líbano.

Cantares 1:16

Q'axal ch'ina'usat, at inrahom, sachb'ach'oolej aawilb'al! Li qahilob'aal a'an li pach'aya';

2 Reyes 6:17

Ut ki'ok chi tijok chi jo'ka'in: “At Qaawa', chate xsa' li ru re naq taa'iloq”. Li Qaawa' kixte xsa' ru laj tenq' re laj Eliseo, ut kiril li tzuul nujenaq chi kawaay re xam; wankeb' ajwi' kaarxam chi xsutam laj Eliseo.

1 Reyes 14:27

Jo'kan naq laj Robohán li awab'ej kixtaqla xyiib'ankil li reeqajeb' li ke'elq'aak, junes rik'in chik q'anch'iich', ut kixq'axtesiheb' reheb' li neke'taqlank sa' xb'eeneb' laj ilol re li rochoch li awab'ej.

1 Reyes 9:22

A'ut eb' laj Israel ink'a' kixmineb' ru chi kawil k'anjelak, xb'aan naq a'aneb' aj puub', aj jolomineleb', aj taqlaneleb', aj k'aak'aleneleb', xjolomileb' li xb'eleb'aal ch'iich' ut aj ilol reheb' li xkawaay.

1 Samuel 28:2

Kichaq'ok laj David: “Us, matk'oxlak. Laa'in aj k'anjel chawu. Anaqwan taanaw k'aru tinb'aanu”, chan. Kixye laj Akis: “Tatinxaqab' chi junajwa cho'q aj k'aak'alehom we”.

1 Samuel 14:52

Jo' najtil kiyo'yook laj Saúl, kaw kiyalok rik'ineb' laj Filistea. Ut naq naril junaq winq kaw rib' ut yo'oon chi yalok, naxb'oq chaq ut naxk'e sa' xyanqeb' laj puub'.

1 Samuel 8:16

Tixmaq' ajwi' leemoos winq, leemoos ixq, eb' leeb'ooyx ut eb' leeb'uur, ut tixk'eheb' chi k'anjelak cho'q re a'an.

Cantares 3:6

K'aru a'an li yo chaq chi taqe'k sa' li chaqich'och', chanchan wi' li sib' nab'utz'utz'nak, sa' xyanq xsib'el li miir ut k'ajpom, jo'wi' rik'in xb'ook li k'iila paay chi sununkil b'an?

Cantares 3:8

Chixjunileb' a'an wankeb' xch'iich' ut neke'xnaw yalok chi us; li junjunq b'ak'b'o li xq'esnal ch'iich' chi xsa' xb'aan naq xiw xiw b'eek chiru li q'oqyink.

Nehemías 4:13

laa'in keb'intaqla li tenamit chi k'aak'alenk sa'atqeb' li julux aj na'ajej, chirix li suttz'ak ut b'arwi' teeto li tz'ak; kinjek'iheb' chi junqkab'alil, li junjunq wank xch'iich', xjutz' che' ut xsimajeb'.