Cantares 3:11 - Q'eqchi Bible

¹¹ Ex rixqilal Sión, elenqex chaq chi rilb'al laj Salomón li awab'ej: wank sa' xjolom li koroon li kik'ehe'k re xb'aan li xna' sa' xkutankil li xsumlajik, sa' li kutan li q'axal kisaho'k wi' xch'ool.

Li Santil hu

¹¹ Ex tukꞌ ixk li cuanquex Sión, quimkex chirilbal li rey Salomón. Cuan saꞌ xjolom li corona li quiqꞌueheꞌ re xban lix naꞌ saꞌ li cutan nak quisumla. Quiqꞌueheꞌ re saꞌ li cutan nak kꞌaxal sa saꞌ xchꞌo̱l.

Cantares 3:11 ပူးပေါင်းရင်းမြစ်များ

Isaías 62:5

Jo' naq li saaj winq nasumlaak rik'in li tuq'ixq, jo'kan ajwi' naq taasumlaaq aawik'in laj Kab'lanel aawe. Jo' xsahil xch'ool li b'eelomej xb'aan li xsumraanm, jo'kanaq ajwi' laaYos aawik'in.

Jeremías 2:2

“Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Apocalipsis 1:7

K'ehomaq reetal, we' chaq rochb'eeneb' li choql: chixjunil li xsa' uhej taa'iloq re, te'ril ajwi' eb' li ke'xeq'ok re; sa' xk'ab'a' a'an huyhutqeb' chixjunil li xteepaleb' li ruuchich'och'. Yaal ut jo'kan taak'ulmanq.

Hebreos 13:13

Elqo ajwi' laa'o sa' li tenamit chi xk'ulb'al li Jesus, yooqo chi riiqankil li xnimal xrahilal a'an,

San Mateo 12:42

“Li xna' li tenamit li wank sa' rokeb'l iq' taawakliiq chaq sa' xkutankil li raqb'a aatin rochb'eeneb' li tenamit a'in ut tixteneb' tojb'amaak sa' xb'eeneb', xb'aan naq a'an kichalk chaq toj sa' xmaril li ruuchich'och' re rab'inkil li xnimal xk'a'uxl laj Salomón; ut arin wank li naxq'ax ru laj Salomón.

Sofonías 3:17

Li Qaawa' laaYos wank aawik'in: A'an q'axal nim xwankil ut tatxkol. K'ajo' naq tsaho'q xch'ool sa' laak'ab'a'! Rik'in li xrahom tix'ak'ob'resi laayu'am, ut taab'ichanq xb'aan xsahil xch'ool

Salmos 9:14

At Qaawa', chawuxtaana wu, chawil taxaq li rahilal wankin wi' xb'aaneb' li xik' neke'ilok we; chinaawisi taxaq rub'el xwankil li kamk,

Apocalipsis 19:12

Li xsa' ru chanchan raq'xam; wank naab'al li koroon neke'lemtz'unk ru sa' xjolom ut tz'iib'anb'il jun li k'ab'a'ej chiru, ka'ajwi' a'an natawok ru.

Apocalipsis 19:7

Choosaho'q, chik'utunq xsahil qach'ool ut chiqak'e xnimal xloq'al, xb'aan naq xtaw xq'ehil xsumlajik li Karneer. Li rixaqil ak xkawresi rib'

Hebreos 2:9

ab'an li kub'enaq kach'inaq xwankil chiruheb' li ánjel, a' li Jesus, ak naqil naq k'eeb'il xloq'al ut xwankil cho'q xq'ajkamunkil, xb'aan naq kixk'ul xrahilal li kamk. Jo'kan naq, sa' xk'ab'a' xnimal ruxtaan li Yos, li kamk kixk'ul, a'an usilal cho'q reheb' chixjunil.

Colosenses 1:18

A'an ajwi' xjolomil li Iklees, a' li xtz'ejwal. A'an li xtiklajik, li xb'een yo'lajenaq sa' xyanqeb' li kamenaq, re naq nimaq xwankil sa' xb'een chixjunil.

San Juan 15:11

“Xinye a'in eere re naq li xsahilal inch'ool chiwanq eerik'in ut li xsahilal eech'ool tz'aqalaq re ru.

San Juan 3:29

Li ani aj ik'in wank li ixaqilb'ej a'an li b'eelomej; ut li ramiiw li b'eelomej li nawank aran ut narab'i, k'ajo' naq nasaho'k sa' xch'ool chi rab'inkil xyaab' xkux li b'eelomej. A'an a'in li xsahil inch'ool, ut ak tz'aqlojenaq chik ru.

San Lucas 15:32

Ab'anan tento ajwi' xqab'aanu li ninq'e ut xsaho'k sa' qach'ool, xb'aan naq laawiitz'in a'in kamenaq naq xwank ut xwakliik wi' chik chi yo'yo, kisachk ut xtawmank chaq»”.

Jeremías 32:41

Taasaho'q li waanm chi xb'aanunkil li usilal reheb', ut tink'eheb' chi na'ajunk chi junwaakaj sa' li na'ajej a'in, chi anchal linch'ool ut chi anchal li waanm”.

Isaías 53:11

Sa' xk'ab'a' li k'iila rahilal kixk'ul taaril li saqenk ut taak'ojlaaq li xch'ool. Rik'in li xnawom, laj K'anjel chiwu naab'aleb' tixtiikob'resiheb' xch'ool, xb'aan naq xriiqani li xmaakeb' a'an.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Isaías 4:4

Naq li Qaawa' taarisi li xmaa'usilaleb' laj Sión ut tixkuy xmaakeb' li ke'kamsink aran Jerusalén, naq akaq xch'ajob'resi xsa' li tenamit rik'in li xloq'laj musiq' ut li xxamlel li xjosq'il,

Cantares 8:5

Ani a'an li yo chaq chi taqe'k sa' li chaqich'och', q'alq'o chaq xb'aan li winq narahok re? Rub'el xche'el li mansaan xatwajsi chaq, b'arwi' xatsiyaak xb'aan laana', sa' li na'ajej b'arwi' xatsiyaak ut xat-alaak.

Cantares 7:11

Kim, at inrahom, yo'o sa' k'aleb'aal; tqanumsi li q'oqyink rub'el xche'el li asaprán.

Cantares 2:7

Nintz'aama cheru, ex rixqilal Jerusalén, sa' xk'ab'a'eb' li kej ut li yuk li wankeb' sa' k'iche', meerajsi ut meerisi xwara linrahom, toj a'an yaal re.

Cantares 1:5

Q'eqmoyink lintib'el, ut ch'ina'usin ajwi', ex rixqilal Jerusalén; q'eqin jo' li xmuheb'aaleb' laj Kedar, jo'eb' li xt'ilkem eb' laj Salmá.

Salmos 48:11

Jo' chanru laaloq'laj k'ab'a', jo'kan ajwi' laaloq'al nawulak toj sa' xmaril li ruuchich'och'! Laa'at nakat-awab'ejink rik'in tiikilal.

Zacarías 6:11

Li oor ut li plaat li ak xaxok, taayiib' jun koroon li taak'e chi xjolom laj Josué, li xyuwa'il aj tij, li ralal laj Josadak,