Cantares 1:8 - Q'eqchi Bible

⁸ Wi ink'a' nakanaw, at xchaq'alilat ru sa' xyanqeb' li ixq, taaqe li xnums eb' li ketomq ut chab'eresiheb' laachib'aat chi xk'atq li xmuheb'aaleb' laj k'aak'alehom ketomq.

Li Santil hu

⁸ La̱at li kꞌaxal chꞌinaꞌusat saꞌ xya̱nkeb chixjunileb li ixk. Cui incꞌaꞌ nacanau li naꞌajej li nincꞌameb cuiꞌ lin queto̱mk, ta̱qꞌue retal bar xeꞌnumeꞌ cuiꞌ li queto̱mk ut ta̱qꞌueheb la̱ chiba̱t nachꞌ riqꞌuineb lix muheba̱leb laj ilol queto̱mk.

Cantares 1:8 ပူးပေါင်းရင်းမြစ်များ

Cantares 6:1

B'ar xkoho laarahom, at jwal ch'ina'usat sa' xyanqeb' li ixq? B'ar xk'am laarahom re naq tqasik' chaq qochb'eenat?

Cantares 5:9

K'aru nawno wi' ru laarahom sa' xyanqeb' li junch'ol chik, laa'at li ch'ina'usat sa' xb'een xteepal chixjunileb' li ixq? K'aru nawno wi' ru laarahom sa' xyanqeb' li junch'ol chik naq nakaye qe xb'aanunkil a'in?

1 Pedro 3:6

jo' lix Sara li kipaab'ank chiru laj Abrahán ut “qaawa'” kixye re. Ut anaqwan laa'ex chik rixqa'al lix Sara, wi nekeb'aanu li us chi maak'a' k'aru teexiwa.

Santiago 5:10

Ex was wiitz'in, chek'am eere rik'ineb' li propeet li ke'aatinak sa' xk'ab'a' li Qaawa': eb' a'an ke'k'uluk rahilal ut xe'xkuy rik'in xnimal xkuyumeb'.

Santiago 2:21

Ma ink'a' kixtaw xtiikilal xch'ool laj Abrahán, li qayuwa', rik'in li xb'aanuhom naq kixk'e laj Isahak, li ralal, cho'q xmayej sa' xb'een li artal?

Hebreos 13:7

Jultikaq eere eb' laj k'amol eeb'e li ke'ch'olob'ank raatin li Yos cheru. Chek'ehaq reetal chanru xo'raqe'q wi' li xyu'ameb', ut k'amomaq eere rik'in li xpaab'aaleb'.

Hebreos 6:12

re naq ink'a' chiq'olo'q eerix, chek'am b'an eere rik'ineb' li yookeb' reechaninkil li xyeechi'om li Yos rik'in li xpaab'aaleb' jo'wi' rik'in li xnimal xkuyumeb'.

Efesios 5:27

re naq li Iklees taaxaqab'aaq chiru chi k'ajo' xloq'al, chi maak'a'aq xtz'ajnil, chi moko xyocholal malaj k'a'aq chik re ru, santaq b'an ut chi maak'a'aq xq'usb'al.

1 Corintios 11:1

K'amomaq eere wik'in jo' laa'in nink'am we rik'in li Kriist.

San Juan 21:15

Naq ak xe'wa'ak, kixye li Jesus re laj Simón Pedro: —At Simón, ralalat laj Jwan, ma q'axal nikinaara chiruheb' a'in? Kixye a'an: —Hehe', Qaawa'. Laa'at nakanaw naq nakatinra. Kixye li Jesus re: —Chach'oolaniheb' linkok' karneer.

Jeremías 6:16

Jo'ka'in kixye li Qaawa': “Xaqlinqex sa'atqeb' li b'e ut ilonqex, patz'omaq chirixeb' li najter b'e b'ar wank li b'e chaab'il; a'an li b'e teek'am re naq sa chik texwanq”. A'ut eb' a'an ke'xye: “Ink'a' naqaj xik sa' li b'e a'an”, chankeb'.

Cantares 4:10

K'ajo' nasaho'k sa' inch'ool naq nikinaaq'alu, at wanab', at xsumwaanm! K'ajo' xchaq'alil ru laarahom: q'axal sa wi' chik chiru li b'iin; ut li xb'ook laasununkil jwal sununk wi' chik chiru chixjunileb' li sununkil b'an.

Cantares 4:7

Jwal ch'ina'usat chajunxaqalil, at inrahomat, tz'aqal aawe aawu!

Cantares 4:1

K'ajo' laach'ina'usal, at inrahomat, k'ajo' laach'ina'usal! Xsa' laawu, chanchaneb' li mukuy naq nak'utunk chaq chirix laat'ikr. Laawismal chanchaneb' jun ch'uutal chi chib'aat li yookeb' chi kub'eek sa' li tzuul Galahad.

Cantares 2:10

Xtikib' aatinak linrahom ut xye we: “Xaqlin, at inrahom, k'ajo' xchaq'al aawu; kim wik'in.

Cantares 1:15

K'ajo' aach'ina'usal, at xsumwaanm, k'ajo' xchaq'al aawu! Chanchaneb' mukuy xsa'eb' laawu.

Proverbios 8:34

Us xaq re li na'ab'ink we, wulaj wulaj naraj wab'inkil ut ninxsik' toj sa' li wochoch.

Salmos 45:13

Te'chalje'q eb' laj Tiro chi xk'eeb'al laasimaatan; te'xsik' laawusilal eb' li q'axal b'ihom sa' xyanqeb' li tenamit.

Salmos 45:11

Ab'i, at inrab'in, chak'e reetal, q'esaq laaxik chi wab'inkil: Chatz'eq chirix aach'ool laatenamit jo'wi' laana' laayuwa';

Salmos 16:3

A'ut eb' a'an naxik xch'ooleb' chirixeb' li yos li wankeb' sa' ruuchich'och', k'ojk'ookeb' li raanm rik'in xwankilaleb'.

Santiago 2:25

Jo'kan ajwi' lix Rajab, laj yumb'eet. Ma ink'a' tab'i' kixtaw xtiikilal xch'ool rik'in li xb'aanuhom naq kixk'e rochochnaal eb' li xtaql laj Israel ut kixsutq'isiheb' sa' jalan chik b'e?