Apocalipsis 9:20 - Q'eqchi Bible

²⁰ Ab'an li junch'ol chik, eb' li winq li ink'a' ke'kamsiik xb'aaneb' li rahilal a'an, ink'a' ke'yot'e'k xch'ool ink'a' ke'xjal xk'a'uxl chirixeb' li xb'aanuhom; ink'a' ke'xkanab' xloq'oninkileb' ru laj tza chi moko li xyoseb' yiib'anb'ileb' rik'in oor, plaat, q'anch'iich', pek ut che'. Ink'a' ke'xkanab' xloq'oninkil eb' li yos li ink'a' neke'ruhank chi ilok, chi moko ab'ink ut b'eek.

Li Santil hu

²⁰ Ut li joꞌ qꞌuial chic li cristian li incꞌaꞌ queꞌcamsi̱c xban li raylal aꞌan incꞌaꞌ ajcuiꞌ queꞌyotꞌeꞌ xchꞌo̱leb ut incꞌaꞌ queꞌxcanab xba̱nunquil li ma̱usilal. Incꞌaꞌ queꞌxcanab xlokꞌoninquil li ma̱us aj musikꞌej chi moco queꞌxcanab xlokꞌoninquileb li jalanil dios yi̱banbil riqꞌuin oro, plata, kꞌan chꞌi̱chꞌ bronce joꞌ ajcuiꞌ riqꞌuin pec ut cheꞌ. Incꞌaꞌ queꞌxcanab xlokꞌoninquileb li yi̱banbil dios aꞌin, li incꞌaꞌ nequeꞌiloc, chi moco nequeꞌabin, chi moco nequeꞌbe̱c.

Apocalipsis 9:20 ပူးပေါင်းရင်းမြစ်များ

Daniel 5:23

xaq'etq'eti b'an aawib' chiru li xYos li choxa ut xataqla xk'amb'aleb' chaq arin li sek' oor li ke'k'anjelak sa' li rochoch, re uk'ak b'iin chisa' aawochb'eeneb' li ninqeb' xwankil, eb' laawixaqil jo'wi' li xtz'aqob'leb' laawixaqil. Xenima ruheb' li yos yiib'anb'ileb' rik'in oor ut plaat, q'anch'iich' ut ch'iich', che' ut pek, li ink'a' neke'ilok, ink'a' neke'ab'ink ut maak'a' neke'xtaw ru. Ut ink'a' xanima xloq'al li Yos li wank laayu'am sa' ruq', ut li yaal re sa' xb'een chixjunil li nakab'aanu.

Deuteronomio 31:29

Ninnaw naq akaq xinkamk chik, taapo'q leena'leb'; teekanab' li b'e xink'ut cheru ut naab'al li rahilal taachalq sa' eeb'een sa'eb' li kutan chaalel, xb'aan teeb'aanu li ink'a' us chiru li Qaawa' ut teechiq' xjosq'il rik'in leeyib' aj b'aanuhom”, chan laj Moisés.

Apocalipsis 9:21

Ink'a' ajwi' ke'yot'e'k xch'ool chirix li kamsink, tuulak, muxuk ib' ut elq'ak nalaje'xb'aanu.

1 Timoteo 4:1

Ch'olch'o naxye li Musiq'ej naq sa' roso'jikeb' li kutan wan te'xkanab' paab'ank ut te'xtaaqe eb' laj b'alaq'il musiq'ej ut li xk'utumeb' laj tza.

Hechos 19:26

ab'anan yookex chi rilb'al ut chi rab'inkil resil naq moko ka'aj ta wi' arin Éfeso, sa' aj b'an wi' naab'aleb' chi tenamit, kach'in chik maa chixjunil Asia, laj Pablo a'in naxq'unb'esi ut naxpo' xch'ooleb' naab'al chi winq ut ixq, rik'in xyeeb'al naq maawa' yoseb' li neke'yiib'aak rik'in uq'ej.

Hechos 7:41

Ut ke'xyiib' jun li wakax sa'eb' li kutan a'an, ke'mayejak chiru li jalam u a'an ut ke'saho'k xch'ool rik'in li xb'aanuhom li ruq'eb'.

Jeremías 1:16

Xb'aan li xk'iila maa'usilal tinraqoq aatin sa' xb'een lintenamit xb'aan naq xine'xtz'eqtaana ut a'eb' chik li jalanil yos xe'xloq'oni ru: xe'k'atok pom chiruheb' li xyiib'ahomeb' rik'in ruq'eb'.

2 Corintios 12:21

Ninxiwak naq, sa' linwulajik, linYos tixkub'si wi' chik inwankil sa' eeyanq: mare tinyaab'aq chirixeb' naab'al li xe'maakob'k junxil ut ink'a' xe'xjal xk'a'uxl chirix li maa'usilal xe'xb'aanu, jo'wi' chirix li ko'b'eetak yumb'eetak ut tz'i'b'eetalil.

Jeremías 51:17

Chixjunileb' li poyanam jwal jipeb' ut maak'a' neke'xnaw; eb' laj tenol ch'iich' neke'kanaak sa' xutaan xb'aan li xyoseb', xb'aan naq eb' li jalam u li neke'xyiib', a'an yal tik'ti' ut maak'a' xyu'ameb'.

Hechos 17:29

Wi laa'o elenaqo chaq rik'in li Yos, ink'a' truuq taaqak'oxla naq li Yos chanchan ta li oor, li plaat malaj li pek, yiib'anb'ileb' rik'in xseeb'al ruq' ut xk'a'uxl li winq.

San Mateo 21:32

Xb'aan naq xk'ulunk eerik'in laj Jwan chi xk'utb'al xb'ehil li tiikilal ut ink'a' xepaab'; a'ut eb' laj titz'ol toj ut eb' laj yumb'eet xe'xpaab'. Ut laa'ex, chi moko naq xeril, xyot'e'k eech'ool re xpaab'ankil.

Jeremías 44:8

K'a'ut naq nikineemajewa rik'in li k'aru nekeb'aanu, naq nekemayeja li k'ajpom chiruheb' li jalanil yos arin Ejiipt, b'arwi' kexchalk chi na'ajunk, yal re naq tinsach eeru ut tz'eqtaananb'ilaqex ut xutaanalaqex cho'q reheb' chixjunil li tenamit sa' ruuchich'och'?

Jeremías 25:6

Mixik eech'ool chirixeb' li jalanil yos, meeloq'oni chik chi moko chexk'anjelaq chiruheb'; meechiq' xjosq'il li Qaawa' rik'in li xyiib'ahom leeruq', chi jo'kan maajun rahilal tixb'aanu eere», chankeb'.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Salmos 106:37

Ke'xmayeja eb' li ralal xk'ajol chiruheb' li maa'us.

2 Crónicas 34:25

xb'aan naq kine'xtz'eqtaana ut ke'ok chi k'atok pom chiruheb' jalan chik yos. Ke'xchiq' injosq'il rik'in chixjunil li k'aru ke'xyiib'. Jo'kan naq k'ajo' linjosq'il sa' xb'een li na'ajej a'in ut maajoq'e taach'anaaq.

2 Reyes 22:17

xb'aan naq kine'xtz'eqtaana ut ke'ok chi k'atok pom chiruheb' jalan chik yos. Ke'xchiq' injosq'il rik'in chixjunil li k'aru ke'xyiib'. Jo'kan naq k'ajo' linjosq'il sa' xb'een li na'ajej a'in ut maajoq'e taach'anaaq.

Deuteronomio 32:17

Ke'mayejak chiruheb' li maa'us aj musiq'ej, moko chiru ta li Yos: chiruheb' li yal k'oxlanb'il yos li ink'a' xnawomeb' ru junxil, ak'eb', tojo' xe'chalk, ink'a' loq'oninb'ileb' chaq xb'aaneb' li xna' xyuwa'eb'.

Apocalipsis 16:8

Li xka li ánjel kixhoy li xsek' sa' xb'een li saq'e, ut kik'ehe'k xwankil chi xk'atb'aleb' li winq rik'in xam.

Isaías 41:7

Laj peech' naxkawub'resi xch'ool li nak'anjelank re li oor ut li plaat; ut li nat'ojok chi t'ojleb' naxk'e xkawub' xch'ool li yo chi tenok ch'iich', ut naxye re: “Chaab'il x'elk laak'anjel”, chan re. Ut chirix a'an naxt'oji chi klawx li jalam u re naq ink'a' taa'eek'anq sa' xna'aj.

Isaías 2:8

Xnujak ajwi' li xna'ajeb' chi jalanil yos, ut eb' li poyanam neke'xloq'oni ru li jalam u xe'xpak' rik'in ruq'eb'.

2 Crónicas 28:22

Ut us ta sutsu li xtenamit xb'aaneb' laj Asiria, laj Ajás ink'a' kixkanab' xq'etq'etinkil rib' chiru li Qaawa'.

Levítico 17:7

Ut maajun wa chik te'xq'axtesi li xmayejeb' reheb' li maa'us a'an, li ke'xloq'oni chaq. A'an a'in jun chaq'rab' wanq xwankil cho'q reheb' chi junelik q'e kutan.

Deuteronomio 4:28

Aran teeloq'oni ruheb' li yos xyiib'ahomeb' li winq rik'in che' ut pek, li ink'a' neke'ilok chi moko neke'ab'ink, ink'a' neke'tzekank ut maak'a' neke'reek'a.

Daniel 5:4

Ke'uk'ak b'iin chixjunileb' ut ke'xnima ru li xyoseb' yiib'anb'ileb' rik'in oor ut plaat, q'anch'iich' ut ch'iich', che' ut pek.

Miqueas 5:13

Teb'insach laayiib'anb'il yos jo'wi' eb' li pek nakaloq'oni ru, re naq ink'a' chik taawiq'ib' aawib' chi xloq'oninkil li yal xyiib'ahom laawuq'.

Apocalipsis 9:19

Xb'aan naq li xwankileb' li kawaay wank sa' reheb' ut sa' xyeheb'; li xyeheb' chanchaneb' k'anti', wankeb' xjolom ut rik'in a'an neke'rahob'tesink.

Apocalipsis 15:1

Chirix chik a'an kiwil sa' choxa jun chik nimla eetalil ut sachb'ach'oolej rilb'al: wuqub' chi ánjel yookeb' chaq chi xk'amb'al wuqub' chi rahilal te'chalq sa' roso'jik, xb'aan naq rik'ineb' a'an taatz'aqloq ru li xjosq'il li Yos.