Apocalipsis 9:17 - Q'eqchi Bible

¹⁷ Ut jo'ka'in naq ke'xk'ut rib' chiwu eb' li kawaay ut eb' li wankeb' chirixeb': wankeb' xkolb'al li re xch'ooleb' kama' li xam, li jasinto ut li asuupr na'ilok; li xjolomeb' li kawaay kama' xjolomeb' li kaqkoj, ut sa' reheb' na'elk chaq xam, sib' ut asuupr.

Li Santil hu

¹⁷ Joꞌcaꞌin nak queꞌcuil saꞌ li visión eb li cacua̱y ut eb li yo̱queb chi xic chirix. Eb li yo̱queb chi xic chirix li cacua̱y cuanqueb xcolbal li re xchꞌo̱leb. Chanchan xcakal li xam, chanchan xraxil li cha̱bil pec zafiro ut chanchan xkꞌanal li azufre. Lix jolomeb li cacua̱y chanchan lix jolomeb li cakcoj. Ut saꞌ reheb yo̱ chi e̱lc xam, sib ut azufre.

Apocalipsis 9:17 ပူးပေါင်းရင်းမြစ်များ

Apocalipsis 9:18

Ke'kamsiik li rox jachal chixjunileb' li winq xb'aaneb' li oxib' chi rahilal a'in: xb'aan li xam, li sib' ut li asuupr li na'elk chaq sa' reheb'.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Apocalipsis 14:10

taachalq tojb'amaak sa' xb'een. Tento taaruk' xb'iinul xjosq'il li Yos, li ak k'eeb'il, chi maak'a' xyu, sa' li xsek'ul li xjosq'il. Ut taarahob'tesiiq rik'in xam ut asuupr, chiruheb' li santil ánjel ut chiru li Karneer.

1 Crónicas 12:8

Wankeb' ajwi' aj Gad ke'q'axonk rik'in laj David naq wan chaq sa' li chaqich'och', sa' li kawub'resinb'il ochoch. A'aneb' chaq kaweb' rib', tzolb'ileb' chi us chi yalok ut wankeb' xkoleb' ch'iich' ut xjutz' che'eb'. Josq' neke'ilok kama'eb' li kaqkoj, ut kaw ajwi' neke'aanilak chanchaneb' li kej sa'eb' li tzuultaq'a.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

Isaías 30:33

Xb'aan naq li na'ajej Tófet ak kawresinb'il chaq najter cho'q re Asiria jo'wi' cho'q re li x'awab'ej. Li na'ajej a'an q'axal nim ru ut jwal cham, k'ajo' li xsi'ul. Naq taamusiq'aq li Yos, tixloch xxamlel; chanchan roq nima' nujenaq chi asuupr naq taachalq li xjosq'il li Qaawa' sa' xb'een.

Salmos 11:6

Tixtaqla chaq xam ut asuupr sa' xb'eeneb' li wankeb' xmaak, ut tixq'ajkamuheb' rik'in kaqsut-iq' li tixk'at chixjunil.

Génesis 19:24

Toja' naq li Qaawa' kixtaqla chaq asuupr ut xam sa' xb'een Sodoom ut Gomoor

Apocalipsis 11:5

Wi wank junaq taa'ajoq raj xrahob'tesinkileb', taa'elq chaq xam sa' reheb' ut tixnuq'eb' li xik' neke'ilok reheb'. Jo'ka'in naq taakamsiiq yalaq ani taa'ajoq xrahob'tesinkileb'.

Apocalipsis 9:9

Wankeb' xkolb'al li re xch'ooleb' yiib'anb'il jo' rik'in ch'iich', ut li xxik'eb' neke'eek'ank jo' xyaab'eb' li b'eleb'aal ch'iich' kelonb'ileb' xb'aan k'iila kawaay yookeb' chi aanilak re sachok.

Ezequiel 33:22

Ewu, eweraq naq toj maji' nawulak wik'in li winq a'an, li Qaawa' kixk'e li ruq' sa' inb'een; ut eq'la, naq xk'ulunk li winq, kinxk'e chi aatinak wi' chik li Qaawa' ut moko memin ta chik.

Apocalipsis 21:20

li ro' rik'in sardónika, li xwaq rik'in kornalina, li xwuq rik'in krisólito, li xwaqxaq rik'in berilo, li xb'ele rik'in topasio, li xlaje rik'in krisoprasa, li xjunlaju rik'in jasinto ut li xkab'laju rik'in amatista.

Daniel 8:2

Kinmatk'e naq wankin aran Susa, li xnimal tenamit sa' xteepal Elam, chire li nima' Ulay.

Daniel 9:21

naq laj Gabriel, li kiwil ru sa' moy u xb'enwa, narupupnak naq kichalk chink'atq sa' xhonalil li ewuukil mayejak.