Apocalipsis 8:7 - Q'eqchi Bible

⁷ Li xb'een ánjel kixyaab'asi li xtronpeet ut kiwank saqb'ach ut xam yuub'il rik'in kik'. Toja' naq a'an kik'ute'k chaq sa' xb'een li ruuchich'och'. Ut li rox jachal li ruuchich'och' kik'atk, rochb'een li rox jachal chixjunileb' li che' ut chixjunil li rax pim.

Li Santil hu

⁷ Li xbe̱n ángel quixya̱basi lix trompeta. Ut quicuteꞌ saꞌ ruchichꞌochꞌ sakbach ut xam junajinbil riqꞌuin quicꞌ. Caꞌchꞌin chic ma̱ jun jachal (1/3) li ruchichꞌochꞌ quicꞌat. Ut queꞌcꞌat ajcuiꞌ li cheꞌ. Caꞌchꞌin chic ma̱ jun jachal li cheꞌ queꞌcꞌat ut quicꞌat chixjunil li rax pim.

Apocalipsis 8:7 ပူးပေါင်းရင်းမြစ်များ

Apocalipsis 9:4

Ke'yehe'k chaq reheb' naq maak'a' te'xb'aanu re li che'k'aam sa' ruuchich'och', chi moko re chixjunil li rax rax ru pim malaj re junaq che', ka'ajeb' b'an wi' li winq li maak'a'eb' li xkaaxtil li Yos chi xpeekemeb'.

Apocalipsis 9:18

Ke'kamsiik li rox jachal chixjunileb' li winq xb'aaneb' li oxib' chi rahilal a'in: xb'aan li xam, li sib' ut li asuupr li na'elk chaq sa' reheb'.

Apocalipsis 9:15

Ut ke'k'ixe'k li kaahib' chi ánjel li yo'oon wankeb' cho'q re li honal, re li kutan, li po ut li chihab', re xkamsinkileb' li rox jachal chixjunileb' li winq.

Isaías 28:2

K'ehomaq reetal naq li Qaawa' tixtaqla chaq jun li winq jwal kaw rib' jo' li xsaqb'achil li kawil hab', jo' li kaqsut-iq' chi sachok, jo' tz'aqal li b'ut'iha'. Rik'in ruq' tixkut chi ch'och'

Salmos 105:32

Kixk'e li saqb'ach cho'q reeqaj li hab', ut kixtaqla raq'xam sa' li xtenamiteb'.

Apocalipsis 16:21

Ut kit'ane'k chaq ninqi saqb'ach sa' choxa sa' xb'eeneb' li tenamit, o'taqk'aal liib'r raalal li junjunq; ut eb' li tenamit ke'xmajewa li Yos xb'aan xrahil li saqb'ach, xb'aan naq relik chi yaal naq a'an jun nimla rahilal.

Isaías 32:19

us ta sajb'ilaqeb' li k'iche' ut juk'b'ilaq li tenamit.

Isaías 30:30

Ut taa'ab'iiq li xkawil xyaab' xkux li Qaawa'; taak'utunq li xnimal xwankil, rik'in li xxamlel li xjosq'il li nasachok, rik'in kaqsut-iq', kaaq ut saqb'ach.

Josué 10:11

Ut naq yookeb' chi elelik chiruheb' laj Israel sa' li kub'sink re Bet-Jorón, li Qaawa' kixtaqla chaq naab'al li saqb'ach, chanchan ninqi pek, sa' xb'eeneb' toj chalen sa' xb'ehel Aseká, ut ke'kamk. Jwal naab'aleb' chik li ke'kamk xb'aan li saqb'ach chiru li ke'kamsiik xb'aaneb' laj Israel rik'in ch'iich'.

Apocalipsis 16:2

Toja' naq koho li xb'een ánjel ut kixhoy li xsek' sa' xb'een li ruuchich'och'; ut kichalk jun yiib' aj xox, q'axal ra, sa' xb'eeneb' li winq li wankeb' reetalil li josq' aj xul rik'in ut neke'xloq'oni li xjalam u.

Apocalipsis 12:4

Li xye yo chaq chi xkelonkil li rox jachal xk'ihal li chahim sa' choxa, ut kixkuteb' sa' ruuchich'och'. Toja' naq li nimla k'anti' kixaqliik chiru li ixq ok re chi alank, re naq, jo'q'e taayo'laaq li xk'uula'al, tixnuq' raj.

Apocalipsis 6:8

Toja' naq kiwil, ut aran wank jun li kawaay, chaacha rix. Li k'ojk'o chi xb'een, a'an Kamk xk'ab'a', ut li xb'alb'a yo chi taaqenk re. Ut ke'k'ehe'k xwankil sa' xb'een li xka jachal li ruuchich'och', re kamsink rik'in ch'iich', rik'in we'ej, rax kamk ut rik'ineb' li josq' aj xul wankeb' sa' ruuchich'och'.

1 Pedro 1:24

Xb'aan naq naxye li Santil Hu: “Chixjunil li poyanam a'an jo' li pim, ut chixjunil li xloq'al kama' li ratz'um li pim: nachaqik ut nat'ane'k li ratz'um.

Santiago 1:11

naq na'elk chaq li saq'e chi k'ajo' xtiqwal, naxchaqihob'resi li pim, nat'ane'k li ratz'um ut na'oso'k li xch'ina'usal. Jo'kan ajwi' naq taa'oso'q li b'ihom sa'eb' li xb'aanuhom.

Joel 2:30

Tinb'aanu xninqal sachb'ach'oolej sa' li choxa ut sa' ruuchich'och'; ut taawanq kik', raq'xam ut sib'”.

Éxodo 9:33

Toja' naq laj Moisés kixkanab' laj Parahón ut, naq ki'elk sa' li tenamit, kixtaqsiheb' li ruq' chiru li Qaawa': ch'anaamileb' li kaaq jo'wi' li saqb'ach, ut ink'a' chik xk'e li hab' sa' xb'een li ch'och'.

Apocalipsis 7:1

Chirix chik a'an kiwil kaahib' chi ánjel xaqxookeb' sa' xkaaxukuutil li ruuchich'och', yookeb' chi xramb'al li kaahib' chi riq'ul li ruuchich'och' re naq ink'a' taa'apunq li iq' sa' xb'een li ruuchich'och', chi moko sa' xb'een li palaw malaj sa' xb'een junq toonaq chi che'.