Apocalipsis 8:13 - Q'eqchi Bible

¹³ Chirix chik a'an kiwil ut kiwab'i jun li t'iw yo chi xik'ank taqe'q sa' xyi li choxa, kaw xyaab' xkux naq kixye: “Rahilal, rahilal, rahilal sa' xb'eeneb' li wankatqeb' sa' ruuchich'och', sa' xk'ab'a' xyaab'eb' li tronpeet li okeb' re chi xyaab'asinkil eb' li oxib' chik chi ánjel!”.

Li Santil hu

¹³ Ut quicuil jun chanchan nimla cꞌuch yo̱ chi rupupic chiru choxa, ut yo̱ chixjapbal re chixyebal: —Cꞌajoꞌ li raylal, cꞌajoꞌ li raylal. Cꞌajoꞌ li raylal li ta̱cha̱lk saꞌ xbe̱neb li cuanqueb saꞌ ruchichꞌochꞌ nak teꞌya̱basi̱k li oxib chic chi trompeta xbaneb li oxib chi ángel, chan.

Apocalipsis 8:13 ပူးပေါင်းရင်းမြစ်များ

Apocalipsis 11:14

Jo'ka'in kinume'k li xkab' rahilal. K'e reetal, we' chaq, ak chi seeb' li rox rahilal.

Apocalipsis 9:12

Li xb'een rahilal ak xnume'k; chak'e reetal, toj wank wiib' chik chalkeb' re chirix a'an.

Apocalipsis 14:6

Chirix chik a'an kiwil jun chik li ánjel yo chi xik'ank sa' xyi li choxa, wan chaq rik'in jun li chaab'il esilal li maak'a' roso'jik: a'an tento xpuktesinkil rik'ineb' li wankeb' sa' ruuchich'och' jo' ajwi' rik'ineb' chixjunil li amaq' ut tenamit, yalaq chan re ru neke'ilok ut neke'aatinak.

Apocalipsis 19:17

Chirix chik a'an kiwil jun li ánjel xaqxo sa' xb'een li saq'e, japjo re chi xyeeb'al chi kaw xyaab' xkux reheb' chixjunil li xul neke'xik'ank chiru choxa: “Kimqex, ch'utub'omaq eerib' re li nimla wa'ak kawresinb'il xb'aan li Yos,

Apocalipsis 9:1

Li ro' ánjel kixyaab'asi li xtronpeet, ut kiwil jun li chahim kit'ane'k chaq sa' choxa toj sa' ruuchich'och'. Kik'ehe'k re li xlaawil li xchamal li Siwan,

Hebreos 1:14

Ma ink'a' tab'i' musiq'ejeb' chixjunileb' a'in, aj k'anjeleb', taqlanb'ileb' chaq chi xtenq'ankileb' li te'eechaninq re li kolb'a ib'?

Salmos 103:20

Chenima ru li Qaawa' chejunilex li x'ánjel, laa'ex li kaw eerib' chi xpaab'ankil li rajom ut yo'oon wankex chi xk'anjelankil li raatin.

Apocalipsis 14:3

Yookeb' chaq chi xb'ichankil jun li ak' b'ich chiru li nimajwal k'ojarib'aal jo'wi' chiruheb' li kaahib' chi yo'yookeb' ut eb' li cheekel winq. Ut maa'ani kiruhank chi xtzolb'al li b'ich a'an, ka'ajwi' li kaahib' xwaqxaqk'aal mil, a'aneb' li ke'kole'k sa' xyanqeb' li wankeb' sa' ruuchich'och'.

Apocalipsis 3:10

Laa'at xak'uula sa' aach'ool li waatin xinye chirix li kuyuk, jo'kan naq laa'in ajwi' tatinkol sa' xhonalil li yale'k chalk re junsut junrub'el choxa re xyalb'aleb' rix li wankeb' sa' ruuchich'och'.

Apocalipsis 8:2

Toja' naq kiwil li wuqub' chi ánjel xaqxookeb' chiru li Yos, ut ke'k'ehe'k wuqub' xtronpeet.

Apocalipsis 12:12

Jo'kan utan, chisaho'q sa' eech'ool, ex choxa ut chejunilex li wankex chisa'. Ab'an ra chaalel sa' eeb'een laa'ex li ruuchich'och' ut palaw, xb'aan naq laj tza xkub'eek eerik'in chi k'ajo' xjosq'il: naxnaw naq ajlanb'il kutan aj chik taawanq”.