Apocalipsis 8:1 - Q'eqchi Bible

¹ Naq li Karneer kixte li xwuq tz'apleb', kich'anaak li eek'ank sa' choxa chiru tana mer honal.

Li Santil hu

¹ Nak quixte li xcuuk sello li Jun li chanchan carner, ma̱ ani chic qui-ecꞌan saꞌ choxa. Mero o̱r na chꞌanamil queꞌcana.

Apocalipsis 8:1 ပူးပေါင်းရင်းမြစ်များ

Zacarías 2:13

Ch'anch'ooq chixjunileb' chiru li Qaawa', xb'aan naq A'an xwakliik ut yo chi elk chaq sa' li xloq'laj muheb'aal!

Habacuc 2:20

A'ut li Qaawa' wank sa' li xsantil ochoch: maajun na'aatinak chiru A'an junsut junrub'el choxa!

Apocalipsis 6:1

Naq li Karneer kixte jun reheb' li wuqub' chi tz'apleb', kiwil ut kiwab'i li xb'een reheb' li kaahib' chi yo'yookeb', jo' xyaab' li kaaq naq kixye: “Kim”.

Salmos 62:1

Re li xjolomileb' laj b'ichanel jo'wi' re laj Jedutún. Xsaalm laj David.

Li xHu LAJ JOB 4:16

Wank ani kiwakliik: kiwil, ab'anan ink'a' kinnaw ru. Ch'anaamil kikanaak chixjunil chi qasutam, toj reetal kiwab'i jun xyaab' kuxej:

Apocalipsis 6:12

Naq li Karneer kixte li xwaq tz'apleb', kiwil, ut kiwank jun nimla hiik; li saq'e kiq'eqo'k jo' jun li t'ikr mutzuk ru, li po kikanaak chixjunil chanchan kik'

Apocalipsis 6:9

Naq kixte li ro' tz'apleb', kiwil rub'el li artal wankeb' aran li raanmeb' li ke'kamsiik sa' xk'ab'a' li Raatin li Yos ut li yaal ke'xk'e wi' xch'ooleb'.

Apocalipsis 5:1

Kiwil ajwi' sa' xnim uq' li k'ojk'o sa' li nimajwal k'ojarib'aal jun li hu tz'iib'anb'il chisa' ut chirix, tz'aptz'o rik'in wuqub' chi tz'apleb'.

Apocalipsis 6:7

Naq kixte li xka tz'apleb', kiwab'i li xyaab' xkux li xka yo'yo, yo chi xyeeb'al: “Kim”.

Apocalipsis 6:5

Naq kixte li rox tz'apleb', kiwab'i li rox yo'yo, yo chi xyeeb'al: “Kim”. Kiwil, ut aran wank jun li q'eqi kawaay, ut li k'ojk'o chi xb'een wan chaq jun li b'isleb' sa' ruq'.

Apocalipsis 6:3

Naq kixte li xkab' tz'apleb', kiwab'i li xkab' yo'yo, yo chi xyeeb'al: “Kim”.

Salmos 37:7

Hilan rik'in li Qaawa', chiwanq aawoyb'enihom rik'in; matjosq'o'k xb'aan li winq li us na'elk sa' chixjunil, chi moko xb'aaneb' li tenamit li junes raaxiik' neke'xyoob'.

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

San Mateo 27:66

Koheb' ut ke'xnat'i li pek; ut ke'xkanab' aran eb' laj puub' chi xk'aak'alenkil li muqleb'aal.