Apocalipsis 7:17 - Q'eqchi Bible

¹⁷ Xb'aan naq li Karneer li wank sa' xyi li nimajwal k'ojarib'aal tixb'eresiheb' ut tixk'am xb'eheb' toj sa'eb' xyo'leb'aal li yu'amha'. Ut li Yos taachaqihob'resinq re chixjunil li xya'aleb' ru”.

Li Santil hu

¹⁷ Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

Apocalipsis 7:17 ပူးပေါင်းရင်းမြစ်များ

San Juan 4:14

a'ut li taa'uk'uq re li ha' tink'e laa'in, maajoq'e chik taachaqiq re: li ha' tink'e laa'in wanq rik'in jo' jun yu'amha' nab'ululnak re li junelik yu'am.

San Juan 4:11

Kixye li ixq re: —Qaawa', maak'a' k'aru taawisi wi' li ha' ut cham li jul: b'ar put taataw li yo'yookil ha'?

Apocalipsis 22:1

Chirix chik a'an li ánjel kixk'ut chiwu li xnima'ul li yu'amha', nalemtz'unk jo' li krixtal, na'elk chaq sa' li xnimaqwal k'ojarib'aal li Yos ut li Karneer.

Apocalipsis 21:4

Tixchaqihob'resi chixjunil li xya'aleb' ru, ut ink'a' chik taawanq kamk, chi moko yaab'ak, chi moko japok e malaj rahilal, xb'aan naq li najter ruuchich'och' ak xnume'k”.

Salmos 23:5

Nakak'uub' jun li meex cho'q we chiruheb' li xik' neke'ilok we; ut nakayul linjolom rik'in sununkil b'an. K'ajo' naq natz'iptz'otk xsa' linsek'!

Apocalipsis 21:6

Ut kixye we: “Ak xyaalo'k. Laa'in li Alfa ut li Omega, li xtiklajik ut li roso'jik. Ani taachaqiq re, tink'e chi uk'ak chi maatan sa' li yo'leb'aal ha' re li yu'am.

San Juan 10:11

Laa'in li chaab'il aj k'aak'alenel karneer. Li chaab'il aj k'aak'alenel naxk'e li xyu'am sa' xk'ab'a'eb' li xkarneer.

Isaías 25:8

ut tixsach chi junajwa xwankil li kamk. Li Qaawa' tixmes li xya'al ruheb' chixjunil li poyanam ut tixsach li xxutaan li xtenamit junsut junrub'el choxa. Li Qaawa' kiyehok re a'in.

San Juan 10:14

“Laa'in li chaab'il aj k'aak'alenel, ut nekeb'innaw ru linkarneer ut eb' li we neke'xnaw wu,

Jeremías 2:13

Wiib' li maak xe'xb'aanu lintenamit: xine'xtz'eqtaana laa'in, li yu'amha', ut xe'xyiib' li xkumb'eb', ab'anan x'it'e'k chiruheb' ut ink'a' nat'ilk li ha' chisa'.

Ezequiel 34:23

“Tinxaqab' jun ajwi' aj k'aak'alehom reheb', a' laj David aj k'anjel chiwu. A'an taa'iloq ut taab'eresinq reheb'.

Apocalipsis 5:6

Toja' naq kiwil a'in: chi xk'atq li nimajwal k'ojarib'aal sutsu xb'aaneb' li kaahib' chi yo'yookeb' jo'wi' xb'aaneb' li cheekel winq, kiwil jun li Karneer xaqxo aran chanchan kamsinb'il, wank wuqub' xxukub' ut wuqub' xsa' li ru, a'aneb' li wuqub' chi xmusiq' li Yos taqlanb'ileb' sa' chixjunil li ruuchich'och'.

San Mateo 2:6

«Ut laa'at Belén, xch'och'el laj Judá, moko jwal kach'inat ta sa' xyanqeb' li xninqal xteepaleb' laj Judá, xb'aan naq aawik'in taa'elq jun aj k'amol b'e li taab'eresinq re lintenamit Israel».

Isaías 12:3

Chi sa sa' leech'ool teexok leeha' sa'eb' li xyo'leb'aal li kolb'a ib',

Salmos 28:9

Chakol taxaq laatenamit, at Qaawa', chawosob'tesiheb' taxaq laawalal aak'ajol; chach'oolaniheb' ut chab'eresiheb' chi junelik.

Miqueas 5:4

Li awab'ej tixb'eresi li xtenamit rik'in li xwankil ut xloq'al li Qaawa', li xYos. Ut chaab'il chik te'wanq, xb'aan naq li Qaawa' sut-nimanb'ilaq ru, toj sa' xmaril li ruuchich'och'.

Isaías 60:20

Li saq'e ink'a' chik taa'ok chi moko li po taasachq, xb'aan naq laa'in tinkutanob'resinq aawe chi junelik; ut li xrahilal laach'ool tox'oso'q chi junajwa.

Isaías 49:9

re xyeeb'al reheb' li wankeb' sa' tz'alam: «Elenqex chaq», ut li wankeb' chaq sa' aak'ab': «K'utomaq eerib'». Sa' chixjunileb' li b'e te'xtaw chaab'il pach'aya' jo'wi' xwaheb' li ketomq chiru chixjunileb' li tzuul.

Isaías 35:10

Eb' li kolb'ileb' xb'aan li Qaawa' te'sutq'iiq chaq, te'ok Sión yooqeb' chi b'ichank, ut chi xnaq' ruheb' taak'utunq li xsahilaleb' xch'ool chi junelik. Nimla sahilal taa'ochb'eeninq reheb' ut maak'a'aq chik li yaab'ak ut li rahil ch'oolej sa' xyanqeb'.

Isaías 30:19

Ex aj Jerusalén, mexyaab'ak chik. Li Qaawa' taaruxtaana eeru naq trab'i xyaab' leekux; ka'ajwi' texrab'i chi tz'aamank ut elajink, texsume.

Isaías 25:6

Sa' li tzuul Sión li Nimajwal Yos tixyeechi'i jun ninq'e cho'q re chixjunileb' li tenamit; tixk'uub' sahil tzekemq rik'in najter b'iin ut tixk'e chaab'il tib' ut sununkil b'iin.

Apocalipsis 4:11

“Aak'ulub', at Qaawa', at qaYos, xk'ulb'al laanimal laaloq'al, li loq'onink ut laawankilal, xb'aan naq laa'at katyoob'tesink re chixjunil: rik'in laawajom ke'yoob'tesiik ut wankeb' chik anaqwan”.

1 Pedro 5:2

cheberesiheb' li xkarneer li Yos k'eeb'ileb' cheril ut chek'aak'aleheb' chi ink'a' yal minb'ilaq eeru, chi anchalaq b'an eech'ool jo' naraj li Yos; moko re ta xsik'b'al eetumin, sa' eech'ool b'an chi'alaaq;

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

Miqueas 7:14

At Qaawa', chawil taxaq laatenamit rik'in laawankil, chab'eresiheb' laakarneer sik'b'ileb' ru aab'aan, li wankeb' xjunes sa' li k'iche' ut sutsuukeb' sa' xq'emal li ch'och'. K'ameb' chi ichajib'k sa' xteepal Basán ut Galahad, jo' naq ke'wank chaq junxil.

Jeremías 31:9

Yooqeb' chaq chi tijok ut chi yaab'ak naq te'chalq. Teb'ink'am chireheb' li nima', sa' li b'e tiik ru, re naq ink'a' te'xtich li roqeb'. Xb'aan naq laa'in li xyuwa' laj Israel, ut laj Efraín a'an li xb'een li walal.

Isaías 40:11

Jo' junaq aj ilol ketomq, naxb'eresiheb' li xkarneer; naxq'alu eb' li xkok' karneer ut naxq'uneb', ut naxk'eheb' chi hilank li toja' xe'alank.

Salmos 22:26

Tinnima aawu sa' li nimla ch'utam; chiruheb' chixjunil li neke'paab'ank aawe tink'e jo'nimal li xinyeechi'i sa' jurament.

Isaías 30:25

Sa' chixjunileb' li ninqi tzuul ut b'ool taawanq yu'amha' li ink'a' taachaqiq sa' xkutankil li nimla rahilal, naq te't'anje'q eb' li ochoch najteb' xteram.

Isaías 51:11

Jo'ka'in naq te'sutq'iiq chaq li te'kole'q xb'aan li Qaawa', yooqeb' chi b'ichank naq te'ok Sión. Li rahilal ut li yaab'ak taasachmanq chi junajwa; numtajenaqaq li xsahil xch'ooleb', ut a'an taak'utunq tz'aqal sa' xnaq' ruheb'.

Isaías 65:19

“Laa'in sahaq inch'ool rik'in Jerusalén, ut lintenamit tixk'e xnimal xsahil li waanm. Ink'a' chik taa'ab'iiq aran li yaab'ak chi moko li q'oqonk.

San Mateo 5:4

Us xaq reheb' li neke'yaab'ak, xb'aan naq li Yos taak'ojob'anq xch'ooleb'.

San Juan 4:10

Kichaq'ok li Jesus ut kixye: —Wi nakanaw ta li xsimaatan li Yos ut ani li nayehok aawe: «K'e b'ayaq wuk'a'», laa'at raj xapatz' aawuk'a' re ut a'an tixk'e raj aawe yo'yookil ha'.

Apocalipsis 14:4

A'aneb' a'in li ink'a' ke'xmux rib'eb' rik'in ixq xb'aan naq wankeb' chi xjunxaqalil: neke'xtaaqe li Karneer yalaq b'ar. Eb' a'in kolb'ileb' sa' xyanqeb' li winq jo'keb' xb'een u cho'q re li Yos ut li Karneer.

Apocalipsis 21:22

Ab'anan ink'a' kiwil li rochoch li Yos sa' li tenamit, xb'aan naq li Qaawa', li Nimajwal Yos, jo' ajwi' li Karneer a'aneb' li Santil Ochoch aran.

Apocalipsis 21:23

Li tenamit ink'a' chik naraj ru taakutanob'resiiq xb'aan li saq'e chi moko xb'aan li po, xb'aan naq nakutanob'resiik xb'aan li xnimal xloq'al li Yos, ut li Karneer a'an li xsaqenk.