Apocalipsis 7:15 - Q'eqchi Bible

¹⁵ “Jo'kan naq wankeb' chiru li xnimajwal k'ojarib'aal li Yos ut neke'k'anjelak chiru chi q'eq ut chi kutan sa' li rochoch; ut li k'ojk'o sa' li nimajwal k'ojarib'aal taamuheelanq reheb'.

Li Santil hu

¹⁵ Joꞌcan ut nak cuanqueb chiru lix lokꞌlaj cꞌojariba̱l li Dios ut nequeꞌcꞌanjelac chiru chi kꞌek chi cutan saꞌ lix templo. Ut li cꞌojcꞌo saꞌ lix lokꞌlaj cꞌojariba̱l, aꞌan ta̱ilok reheb xban nak aꞌan cua̱nk riqꞌuineb.

Apocalipsis 7:15 ပူးပေါင်းရင်းမြစ်များ

Apocalipsis 22:3

Maa'ani chik taamajewaaq aran. Li xnimajwal k'ojarib'aal li Yos ut li Karneer taawanq sa' li tenamit a'an, ut eb' laj k'anjel chiru te'loq'oninq re.

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

Hebreos 12:2

Kaw chiqaka'ya li Jesus li nayoob'ank ut nab'eresink re li qapaab'aal toj reetal toxtz'aqloq ru. A'an kixkuy li krus, us ta xutaanal li kamk chi jo'kan, xb'aan naq naxnaw naq chirix li rahilal toxtaw nimla sahilal. Ut k'ojk'o anaqwan sa' xnim uq' li xnimajwal k'ojarib'aal li Yos.

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

1 Crónicas 23:25

Xyehom laj David: “Li Qaawa', xYos laj Israel, kixk'e li xtenamit chi wank sa' tuqtuukil usilal ut kixk'ojob' li xmuheb'aal arin Jerusalén chi junajwa.

Apocalipsis 22:5

Aran maak'a'aq chik q'oqyink; moko te'raj ta ru xsaqenkil li xam chi moko xsaqenkil li saq'e, xb'aan naq li Qaawa' Yos taakutanob'resinq reheb', ut te'awab'ejinq chi junelik q'e kutan.

Apocalipsis 11:19

Ut kiteeliik li rochoch li Yos sa' choxa, kik'utunk li xLoq'laj Kaaxil li Sumwank sa' rochoch li Yos ut kilaje'wank raq'kaaq, xyaab' kuxej, kaaq, hiik ut makach'in li saqb'ach.

Apocalipsis 7:9

Chirix chik a'an kin'ilok, ut kink'e reetal naq k'ajo' xk'ihaleb' li tenamit! Maa'ani naruhank chi rajlankileb': chalenaqeb' chaq sa' chixjunileb' xteepal li xtenamit sa' ruuchich'och', yalaq chanru neke'ilok ut neke'aatinak, xaqxookeb' chiru li nimajwal k'ojarib'aal ut chiru li Karneer, tiqtookeb' rik'in saqi aq' ut wank xxaq mokooch sa' ruq'eb'.

Apocalipsis 4:4

Chi xsutam li nimajwal k'ojarib'aal wankeb' kaahib' xka'k'aal chi k'ojarib'aal, ut k'ojk'ookeb' aran kaahib' xka'k'aal li cheekel winq tiqtookeb' rik'in saqi aq', ut wankeb' xkoroon oor sa' xjolomeb'.

Hebreos 8:1

A'an a'in li xyi chixjunil li yooko chi xyeeb'al: wank jun qatz'aqal xyuwa'il aj tij kama' li xqach'olob'. A'an koxk'ojlaaq sa' choxa sa' xnim uq' li xk'ojarib'aal li Nimajwal Yos,

1 Corintios 3:16

Ma ink'a' nekenaw naq laa'ex rochoch li Yos ut li xMusiq' li Yos nawank eerik'in?

1 Reyes 6:13

Tinwanq sa' xyanqeb' li ralal xk'ajol laj Israel ut ink'a' tinkanab'eb' lintenamit Israel”.

Éxodo 29:45

Tinhilanq sa' xyanqeb' laj Israel ut laa'inaq li xYoseb'.

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

Levítico 26:11

“Laa'in tink'ojob' linmuheb'aal sa' eeyanq ut ink'a' texintz'eqtaana;

Ezequiel 37:27

Sa' xyanqeb' taawanq linmuheb'aal; laa'inaq li xYoseb' ut a'anaqeb' lintenamit.

Apocalipsis 4:8

Li kaahib' chi yo'yookeb' wankeb' waqitq xik' ut nujenaqeb' chi xsa' uhej chi junqre ut chisa'; chi q'eq ut chi kutan ink'a' neke'hilank chi xyeeb'al: “Sant, Sant, Sant li Qaawa', li Nimajwal Yos, li ak wan chaq, li wank anaqwan ut li chaalel”.

Apocalipsis 4:9

Ut rajlal naq li yo'yookeb' neke'xk'e xloq'al, xwankil ut neke'yoxink chiru li k'ojk'o sa' li nimajwal k'ojarib'aal ut yo'yo chi junelik q'e kutan,

Apocalipsis 13:6

Ut a'an kixte li re chi xmajewankil li Yos: chi xmajewankil li xk'ab'a' ut li xmuheb'aal jo' ajwi' jo'k'ihaleb' li wankeb' sa' choxa.

Apocalipsis 21:22

Ab'anan ink'a' kiwil li rochoch li Yos sa' li tenamit, xb'aan naq li Qaawa', li Nimajwal Yos, jo' ajwi' li Karneer a'aneb' li Santil Ochoch aran.