Apocalipsis 6:5 - Q'eqchi Bible

⁵ Naq kixte li rox tz'apleb', kiwab'i li rox yo'yo, yo chi xyeeb'al: “Kim”. Kiwil, ut aran wank jun li q'eqi kawaay, ut li k'ojk'o chi xb'een wan chaq jun li b'isleb' sa' ruq'.

Li Santil hu

⁵ Ut nak li Jun li chanchan carner quixte li rox sello, quicuabi li rox li chanchan ángel yo̱ chixyebal: —¡Quim! Chola̱cuil aꞌin, chan. Ut quicuil jun li cacua̱y kꞌek rix. Ut li jun li cuan chirix cuan jun li bisleb saꞌ rukꞌ.

Apocalipsis 6:5 ပူးပေါင်းရင်းမြစ်များ

Zacarías 6:2

Li xb'een b'eleb'aal ch'iich' yo xkelonkil xb'aaneb' junes kaqikawaay, li xkab' b'eleb'aal ch'iich' kelonb'il xb'aaneb' q'eqikawaay,

Zacarías 6:6

Li b'eleb'aal ch'iich' kelonb'il xb'aaneb' li q'eqikawaay xkoheb' sa' xjayal releb'l iq'; li kelonb'il xb'aaneb' li saqikawaay xkoheb' sa' xjayal rokeb'l li saq'e ut li kelonb'il xb'aaneb' li b'alak' rixeb' xkoheb' sa' xjayal li xsak'leb' iq'”.

Ezequiel 4:16

Chirix chik a'an kixye we: “At kaamel winq, tink'e chi lajk li tzekemq sa' li tenamit Jerusalén. Sa' rahil ch'oolej te'wa'aq ut b'isb'ilaq li tzekemq; b'isb'ilaq ajwi' li ha' te'ruk' ut rik'in xiwak.

Apocalipsis 6:1

Naq li Karneer kixte jun reheb' li wuqub' chi tz'apleb', kiwil ut kiwab'i li xb'een reheb' li kaahib' chi yo'yookeb', jo' xyaab' li kaaq naq kixye: “Kim”.

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

Apocalipsis 5:5

Ab'an jun reheb' li cheekel winq kiyehok we: “Matyaab'ak. Chawil, li Kaqkoj re li xteepal laj Judá, a' li xTuxb' laj David, xq'axok u: a'an taa'isinq reheb' li wuqub' chi tz'apleb' ut tixte li hu”.

Levítico 26:26

“Naq tinmaq' cheru chixjunil leetzekemq, lajeeb' chi ixq te'chiqoq leewa sa' jun chi chiqleb'aal, ut b'isb'il chik li wa li teewa': texwa'aq, ab'anan ink'a' taak'ojlaaq leech'ool.

Ezequiel 4:10

Li tzekemq taatzeka, a'an b'isb'ilaq; waqxaqitq oons chiru li junq kutan.

Lamentaciones 5:10

Naxamnak li qatib'el jo' xtiqwal li xam, xb'aan xmay li tz'okaak.

San Mateo 24:7

Te'waklije'q chi xkamsinkil rib'eb' tenamit rik'in jalan chik tenamit, li awab'ej rik'in jalan chik awab'ej, ut taawanje'q we'ej ut hiik sa' naab'al chi na'ajej.