Apocalipsis 6:17 - Q'eqchi Bible

¹⁷ Xb'aan naq xtaw xq'ehil li xnimal xkutankil li tojb'amaak, ut ani taaruhanq chi xkuyb'al a'an?”.

Li Santil hu

¹⁷ Xcuulac xkꞌehil li rakba a̱tin saꞌ kabe̱n. ¿Ani ta cuiꞌ ta̱ru̱k tixcol rib chiru aꞌan? chanqueb.

Apocalipsis 6:17 ပူးပေါင်းရင်းမြစ်များ

Malaquías 3:2

Ab'an ani tawi' kawal wank royb'eninkil li xkutankil li xchalik? Ani tixkuy wank chi xaqam naq tol'elq? Xb'aan naq A'an chanchanaq li raq'xam napuuxiik wi' li oor malaj jo' li poq xab'on re saqob'resink t'ikr.

Joel 2:11

Li Qaawa' tixjap re chi xtaqlankileb' a'an. K'ajo'aq xk'ihaleb' laj k'anjel chiru ut jwal naab'alaqeb' li neke'paab'ank re. Xiwajelaq li kutan taaraqoq wi' aatin li Qaawa'. Maajun taakuyuq re rilb'al.

Salmos 76:7

At xYos laj Jakob, eb' li b'eleb'aal ch'iich' ut eb' li kawaay ink'a' chik xe'eek'ank sa' xna'ajeb' naq xaxib'esiheb'.

Apocalipsis 16:14

A'aneb' xmusiq'eb' laj tza, li neke'b'aanunk sachb'ach'oolej ut neke'xik wankeb' wi' li awab'ej re chixjunil li ruuchich'och' re xch'utub'ankileb' chi yalok sa' li xnimal xkutankil li Nimajwal Yos.

Joel 2:31

Taa'aak'ab'o'q ru li saq'e ut li po taakik'o'q ru, rub'elaj xk'ulunik li xKutankil li Qaawa', a' li xnimal ru kutan ut q'axal xiwajel”.

Jeremías 30:7

Q'axal rahaq rilb'al li kutan a'an, jwal xiwajelaq jo' maajun wa ilb'il. A'an xkutankil li nimla rahil ch'oolej cho'q reheb' laj Jakob, ab'an te'xkoolan xnumsinkil li kutan a'an.

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

Apocalipsis 11:18

Xe'josq'o'k eb' li tenamit, ab'an xchalk laajosq'il ut xtaw xq'ehil xraqb'al aatin sa' xb'eeneb' li kamenaq, jo'wi' xq'ajkamunkileb' laj k'anjel chawu, a'eb' li propeet, eb' li sant ut eb' li neke'paab'ank chawu jo' kok' jo' ninq. Xtaw xq'ehil xsachb'aleb' ajwi' li neke'sachok re li ruuchich'och'”.

San Judas 1:6

Ninjultika ajwi' cheru naq eb' li ánjel li ink'a' ke'xk'uula li loq'al k'eeb'il reheb' ut ke'xkanab' li xna'ajeb', tz'aptz'ookeb' anaqwan xb'aan li Qaawa' rub'el xwankil li aak'ab' rik'in kareen chi junelik, cho'q re li raqb'a aatin taawanq sa' li xnimal ru kutan.

San Lucas 21:36

Chexyo'leq b'i'; rajlal chextijoq re naq kawaqex chi xkolb'al eerib' chiru chixjunil a'in li talajk'ulmanq ut xaqxooqex chiru li K'ajolb'ej”.

1 Samuel 6:20

Toja' naq ke'xye eb' laj Bet-Semes: “Ani tkuyuq wank chiru li Qaawa', li Santil Yos? Ani aj ik'in tqataqla li Loq'laj Kaax naq taa'elq sa' qayanq?”.

Salmos 2:12

chereek'a xsik naq teeloq'oni ru li Nimajwal Yos. Mare anchal taapo'q ut texsachq sa' b'e, xb'aan naq sa' junpaat nachalk xjosq'il. Us xaq reheb' li neke'muhenk rik'in!

Salmos 110:5

Li Qaawa' wank chak'atq, sa' laanim uq': tixsach xwankileb' li awab'ej sa' xkutankil li xjosq'il.

Isaías 63:4

A'in li xkutankil li raqok aatin li wank sa' inch'ool; xwulak xq'ehil li eeqajunk ut xkolb'al lintenamit.

Joel 1:15

Rahil kutan chalk re! Nach' chik wank li xKutankil li Qaawa'; xiwajel rilb'al li sachok chalk re xb'aan li Nimajwal Yos.

Joel 2:1

Yaab'asihomaq li pur aran Sión, yehomaq li esil a'in sa' linsantil tzuul. Che'xiwaq chixjunileb' li wankeb' Judá, xb'aan naq chalk re li xKutankil li Qaawa', nach' chik wank li kutan a'an:

Nahum 1:6

Ani taaruuq taakuyuq re li xjosq'il? Ani taawanq chi xaqam chiru naq taajosq'o'q? Li xjosq'il naxpuka rib' chanchan li xam, ut chiru A'an neke'xjor rib' eb' li saqoonak.