Apocalipsis 6:13 - Q'eqchi Bible

¹³ ut eb' li xchahimal li choxa ke't'anje'k sa' xb'een li ruuchich'och', jo' li xche'el li iig narach'ab'eb' li ru naq nachilchiliik xb'aan li kawil iq'.

Li Santil hu

¹³ Ut eb li chahim quilajeꞌtꞌaneꞌ chak chi chꞌochꞌ joꞌ nak nahireꞌ ru li higo xban li cacuil ikꞌ nak toj ma̱jiꞌ nakꞌanoꞌ.

Apocalipsis 6:13 ပူးပေါင်းရင်းမြစ်များ

Isaías 34:4

Sachaamilaqeb' li chahim, li saq'e ut li po, li choxa tixmoch rib' jo' junaq hu; ut chixjunileb' li chahim li wankeb' chiru choxa te'chupq jo' naq natz'umaak li xtux li uub', kama' naq naq'ano'k li xxaq li xche'el li iig.

San Mateo 24:29

“Akaq xk'ulmank li nimla rahilal a'an, li saq'e taaq'oqyino'q ru chi junpaat, li po ink'a' chik taasaqeno'q ru, eb' li chahim sa' choxa te't'anje'q chaq ut li xwankilal li choxa taachiq'chiq'iiq sa' xna'aj.

Apocalipsis 9:1

Li ro' ánjel kixyaab'asi li xtronpeet, ut kiwil jun li chahim kit'ane'k chaq sa' choxa toj sa' ruuchich'och'. Kik'ehe'k re li xlaawil li xchamal li Siwan,

Daniel 8:10

Q'axal kik'iik toj reetal koxtaweb' li chahim chiru choxa; ut jun yiijach reheb' a'an kixt'aneb' chiru ch'och' ut kixyeq'iheb' sa' roq.

Ezequiel 32:7

Ut naq akaq xatinkamsi, tink'e chi q'oqyino'k ru li choxa ut eb' li chahim ink'a' chik te'k'utunq. Tintz'ap ru li saq'e ut ink'a' chik taasaqeno'q ru li po.

San Lucas 21:25

“Taawanq eetalil chiru li saq'e, chiru li po ut chiruheb' li chahim; ut te'yot'e'q ut te'sachq xch'ool li tenamit sa' ruuchich'och' xb'aan li xyaab' li xkaw oq li palaw;

Isaías 7:2

Naq li xjunkab'al laj David ke'rab'i resil naq eb' laj Siria xjunajihomeb' rib' rik'ineb' laj Efraín, k'ajo' naq ke'chalk xxiw li awab'ej ut eb' li tenamit, ut ke'ok chi siksotk jo'eb' li che' naq neke'eek'asiik xb'aan li kawil iq' sa' li k'iche'.

Nahum 3:12

“Chixjunileb' laakawub'resinb'il ochoch chanchaneb' xtoonal li iig li wank ru: naq taachiq'chiq'i, taat'ane'q li ru sa' re li taatzekanq re.

Daniel 4:14

ut xye chi kaw xyaab' xkux: «T'anomaq li che', yok'omaq eb' li ruq', jilomaq li xxaq ut kutomaq chi najt eb' li ru. Elqeb' li xul sa' li xmu ut eb' li xik'anel xul sa'eb' li ruq'.

Isaías 33:9

Ra rilb'al li ruuchich'och' naq yo chi oso'k ut chi tz'uyink. Xtz'umaak li tzuul Líbano ut xchaqik chi junajwa. Jo' chaqich'och' xkanaak li xtaq'ahil Sarón; Basán ut li tzuul Karmeel xe'chaqik ru.

Isaías 13:10

Eb' li chahim chiru choxa ink'a' chik te'saqeno'q ru, li saq'e taaq'oqyino'q ru chi junpaat ut li po ink'a' chik tixkutanob'resi li ruuchich'och'.

Joel 2:31

Taa'aak'ab'o'q ru li saq'e ut li po taakik'o'q ru, rub'elaj xk'ulunik li xKutankil li Qaawa', a' li xnimal ru kutan ut q'axal xiwajel”.

San Marcos 13:25

eb' li chahim sa' choxa te't'anje'q chaq ut li xwankilal li choxa taachiq'chiq'iiq sa' xna'aj.

Li xHu LAJ JOB 15:33

chanchanaqeb' li awimq uub' li nat'ane'k li ru chiru ch'och', ut jo'aqeb' li xche'el li oliiw li naxtz'eq li ratz'um.