Apocalipsis 6:10 - Q'eqchi Bible

¹⁰ Ut ke'ok chi xjapb'aleb' re chi kaw xyaab'eb' xkux, ut ke'xye: “At santil Eechalinel, laa'at paab'ajelat, toj jo'q'e tatkanaaq chi ink'a' tatraqoq aatin sa' xb'eeneb' li wankeb' sa' ruuchich'och' ut ink'a' taweeqajuniheb' li ke'kamsink qe?”.

Li Santil hu

¹⁰ Ut queꞌxye chi cau xya̱b xcux: —At nimajcual Dios, la̱at Santo ut la̱at ti̱c a̱chꞌo̱l. ¿Jokꞌe tatrakok a̱tin saꞌ xbe̱neb li tenamit xban li raylal xeꞌxba̱nu ke? Ut, ¿jokꞌe ta̱qꞌue re̱kaj reheb nak xoeꞌxcamsi? chanqueb.

Apocalipsis 6:10 ပူးပေါင်းရင်းမြစ်များ

Apocalipsis 19:2

xb'aan naq naraqok aatin sa' tiikilal ut rik'in yaal: xteneb' tojb'amaak sa' xb'een li xnimal ru aj yumb'eet, a' li xpo'ok ru li ruuchich'och' rik'in li xmuxb'al rib'; ut xk'e reeqaj li xkik'eleb' laj k'anjel li ke'kamsiik xb'aan li ixq”.

Apocalipsis 11:18

Xe'josq'o'k eb' li tenamit, ab'an xchalk laajosq'il ut xtaw xq'ehil xraqb'al aatin sa' xb'eeneb' li kamenaq, jo'wi' xq'ajkamunkileb' laj k'anjel chawu, a'eb' li propeet, eb' li sant ut eb' li neke'paab'ank chawu jo' kok' jo' ninq. Xtaw xq'ehil xsachb'aleb' ajwi' li neke'sachok re li ruuchich'och'”.

Romanos 12:19

Ex was wiitz'in raarookex inb'aan, mex'eeqajunk, kanab'omaq b'an naq li Yos taaraqoq aatin, xb'aan naq tz'iib'anb'il sa' li Santil Hu: “We li eeqajunk; laa'in tinq'ajkamunq, chan li Qaawa'”.

Salmos 9:12

B'ichahomaq xloq'al li Qaawa' li nak'ojlaak aran Sión, puktesihomaq resil li xninqal ru xb'aanuhom sa'atqeb' li tenamit.

Apocalipsis 3:7

“Tz'iib'an rik'in li x'ánjel li Iklees li wank Filadelfia: «A'in naxye li Sant, li Paab'ajel, li wank xlaaw laj David rik'in: naq a'an natehok, maa'ani taaruhanq chi xtz'apb'al; naq a'an natz'apok, maa'ani taaruhanq chi xteeb'al.

San Lucas 21:22

xb'aan naq a'anaq xkutankil li q'ajkamunk ut taatz'aqloq ru chixjunil li tz'iib'anb'il chaq.

Zacarías 1:12

Ut li x'ánjel li Qaawa' kixye: “At Nimajwal Yos, ak wank lajeeb' xkaak'aal chihab' yo laajosq'il sa' xb'een Jerusalén ut Judá. Toj jo'q'e taawuxtaana ruheb'?”.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

Apocalipsis 18:24

Aran, sa' li tenamit Babilonia, xtawe'k xkik'eleb' li propeet, xkik'eleb' li sant ut chixjunileb' li kilaje'kamsiik sa' ruuchich'och'.

Salmos 79:10

K'a'ut naq te'xye eb' li poyanam: “B'ar wank li xYoseb'?”. Chak'ut taxaq chiqu, sa' xyanqeb' li poyanam, naq laa'at nakaweeqajuni li xkik'eleb' laj paab'anel.

1 Samuel 24:12

A' taxaq li Qaawa' chiraqoq aatin sa' qayanq ut chi'eeqajunq aawe inb'aan; ab'an laa'in maajaruj tintaqsi wuq' sa' aab'een.

Apocalipsis 3:10

Laa'at xak'uula sa' aach'ool li waatin xinye chirix li kuyuk, jo'kan naq laa'in ajwi' tatinkol sa' xhonalil li yale'k chalk re junsut junrub'el choxa re xyalb'aleb' rix li wankeb' sa' ruuchich'och'.

Génesis 4:10

Kixye li Qaawa': “K'aru xab'aanu? Li xkik'el laawiitz'in toj sa' ch'och' yo chi q'oqonk chiwu.

Hebreos 12:24

Xexjilok chi xk'atq li Jesus, li na'okenk chirix li ak' Sumwank; xexjilok rik'in li kik' nokooxch'ajob'resi, li q'axal chaab'il chik na'aatinak chiqix chiru li xkik'el laj Abel.

Daniel 12:6

Ut jun reheb' kixpatz' re li ánjel tiqto rik'in t'ikr liin li xaqxo sa' xb'een li ha': «Jo'q'e te'raqe'q eb' li sachb'ach'oolej a'in?».

Isaías 61:2

re xyeeb'al resil jun chaab'il chihab' sa' xk'ab'a' li Qaawa', a' li xkutankil li eeqajunk cho'q re li qaYos. Li Qaawa' xinxtaqla chaq re xk'ojob'ankil xch'ooleb' chixjunileb' li yookeb' chi yaab'ak.

Salmos 35:17

Toj jo' najtil chik, at Qaawa', yal taawileb'? Chinaakol taxaq chiruheb', chawisi taxaq linyu'am sa' ruq'eb' li kaqkoj.

Salmos 13:1

Re li xjolomileb' laj b'ichanel. Xsaalm laj David.

Jueces 16:28

Toja' naq laj Sansón kixyaab'a xk'ab'a' li Qaawa' ut kixye: “At Qaawa', chinjultiko'q taxaq aawe, k'e inmetz'ew ka'aj taxaq anaqwan, at inYos, re naq tink'e reeqaj chi junajwa reheb' laj Filistea li rahilal xe'xb'aanu we naq xe'risi xkab'ichaleb' xsa' wu”, chan.

Daniel 8:13

“Toja' naq kiwab'i jun li ánjel yo chi aatinak, ut li jun chik kixpatz' re: «Jo' najtil taawanq xk'utb'esinkil li moy u a'in? Jo' najtil taawanq li mayejak rajlal kutan, li jo'maajo'il na'leb' ut li loq'laj Muheb'aal? Jo' najtil chik yooq xtawasinkileb' laj paab'anel?».

Salmos 119:84

Jo' najtil roq xyu'am laj k'anjel chawu? Jo'q'e taaraq aatin sa' xb'eeneb' li xik' neke'ilok we?

San Lucas 2:29

“Anaqwan, at Qaawa', chaq'rab'i laamoos sa' tuqtuukil usilal, jo' chanru yeeb'il chaq xb'aan laawaatin,

2 Pedro 2:1

Ke'wank ajwi' chaq propeet aj b'alaq' sa' xyanq li xtenamit li Yos. Jo'kan ajwi' sa' eeyanq laa'ex te'wanq aj tzolonel aj b'alaq' li te'roksi chaq chi muqmu li b'alaq'il na'leb' re xsachb'al li qapaab'aal; te'xtz'eqtaana ajwi' li Qaawa' li kikolok reheb', ab'anan chi junpaat te'xb'oq li sachk sa' xb'eeneb'.

Lamentaciones 3:64

At Qaawa', eeqajun sa' xb'eeneb' jo' chanru xk'ulub'eb'.