Apocalipsis 5:8 - Q'eqchi Bible

⁸ Ut naq kixchap li hu, eb' li kaahib' chi yo'yookeb' ut li kaahib' xka'k'aal chi cheekel winq ke't'ane'k rub'el roq li Karneer, wankatqeb' x'aarp chixjunqaleb' jo' ajwi' xsek'eb' oor nujenaqeb' chi sununkil b'an, a'aneb' li xtij eb' li sant;

Li Santil hu

⁸ Nak quixchap li botbil hu, li ca̱hib li chanchaneb ángel ut li ca̱hib xcaꞌcꞌa̱l li cꞌojcꞌo̱queb aran queꞌxcuikꞌib ribeb chiru li Jun li chanchan carner. Cuanqueb x-arpa chi xju̱nkaleb ut cuanqueb xsecꞌ yi̱banbil riqꞌuin oro ut cuan li sununquil ban chi saꞌ retalil lix tijeb li ralal xcꞌajol li Dios.

Apocalipsis 5:8 ပူးပေါင်းရင်းမြစ်များ

Salmos 141:2

Chiwulaq ta aawik'in lintij jo' xb'ook li pom. Naq ninterq'usi li wuq' chawu, jo' taxaq li mayej nayeechi'imank ewu.

Apocalipsis 4:10

eb' li kaahib' xka'k'aal chi cheekel winq neke'xhupub' rib' chiru li k'ojk'o sa' li nimajwal k'ojarib'aal, neke'xloq'oni li yo'yo chi junelik q'e kutan ut neke'xkut li xkorooneb' chiru li nimajwal k'ojarib'aal, yookeb' chi xyeeb'al:

Apocalipsis 5:14

Ut eb' li kaahib' chi yo'yookeb' ke'xye: “Jo'kan taxaq!”. Toja' naq eb' li cheekel winq ke'xhupub' rib' chi loq'onink.

Apocalipsis 4:4

Chi xsutam li nimajwal k'ojarib'aal wankeb' kaahib' xka'k'aal chi k'ojarib'aal, ut k'ojk'ookeb' aran kaahib' xka'k'aal li cheekel winq tiqtookeb' rik'in saqi aq', ut wankeb' xkoroon oor sa' xjolomeb'.

Apocalipsis 19:4

Toja' naq li kaahib' xka'k'aal chi cheekel winq ut li kaahib' chi yo'yookeb' ke'xhupub' rib' ut ke'xloq'oni li Yos, li k'ojk'o sa' li xnimajwal k'ojarib'aal, naq yookeb' chi xyeeb'al: “Amén, aleluya!”.

Apocalipsis 5:6

Toja' naq kiwil a'in: chi xk'atq li nimajwal k'ojarib'aal sutsu xb'aaneb' li kaahib' chi yo'yookeb' jo'wi' xb'aaneb' li cheekel winq, kiwil jun li Karneer xaqxo aran chanchan kamsinb'il, wank wuqub' xxukub' ut wuqub' xsa' li ru, a'aneb' li wuqub' chi xmusiq' li Yos taqlanb'ileb' sa' chixjunil li ruuchich'och'.

Apocalipsis 4:8

Li kaahib' chi yo'yookeb' wankeb' waqitq xik' ut nujenaqeb' chi xsa' uhej chi junqre ut chisa'; chi q'eq ut chi kutan ink'a' neke'hilank chi xyeeb'al: “Sant, Sant, Sant li Qaawa', li Nimajwal Yos, li ak wan chaq, li wank anaqwan ut li chaalel”.

Salmos 33:2

Chexyoxinq chiru li Qaawa' rik'in kitaar, chenimaaq xloq'al rik'in aarp li lajeeb' ru;

Apocalipsis 15:7

Moqon chik jun reheb' li kaahib' chi yo'yookeb' kixq'axtesi reheb' li wuqub' chi ánjel wuqub' chi sek' oor, nujenaqeb' rik'in xjosq'il li Yos li yo'yo chi junelik q'e kutan.

Apocalipsis 15:2

Kiwil ajwi' jo' jun li palaw nalemtz'unk ru, yuub'il rik'in xam; ut eb' li ke'xq'ax ru li josq' aj xul jo' ajwi' li ink'a' ke'xk'e xwankil li xjalam u ut li rajlil li xk'ab'a', xaqxookeb' chire li palaw nalemtz'unk ru, wankeb' li aarp k'eeb'il xb'aan li Yos sa' ruq'eb'

San Juan 5:23

re naq chixjunileb' te'roxloq'i li K'ajolb'ej jo' naq neke'roxloq'i li Yuwa'b'ej. Ani ink'a' naroxloq'i li K'ajolb'ej ink'a' ajwi' naroxloq'i li Yuwa'b'ej li kitaqlank chaq re.

Salmos 81:2

Kaw chexb'ichanq sa' xk'ab'a' li Qaawa', li qakawilal, japomaq eere chi xloq'oninkil ru li xYos laj Jakob!

Salmos 150:3

K'ehomaq xloq'al rik'in xyaab'asinkil li tronpeet, k'ehomaq xloq'al rik'in aarp ut kitaar.

Hebreos 1:6

Jo'kan ajwi' naq kiroksi chaq li ralal jun chirib'il sa' ruuchich'och', kixye: “Ut chiloq'oniiq xb'aaneb' chixjunil li x'ánjel li Yos”.

Números 7:62

Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens;

San Juan 1:29

Sa' li kutan jun chik laj Jwan kiril li Jesus yo chi chalk rik'in, ut kixye: “Wahe' li xKarneer li Yos li naxkuy xmaak li ruuchich'och'.

Apocalipsis 4:6

Chiru li nimajwal k'ojarib'aal wank kama' li palaw saqen saqenk ru, chanchan li krixtal. Ut sa' xyi li k'ojarib'aal jo'wi' chi xsutam wankeb' kaahib' li yo'yookeb', nujenaqeb' chi xsa' uhej, jo' chiruheb' jo' ajwi' chirixeb'.

Apocalipsis 5:11

Ut sa' li moy u kiwab'i xyaab'eb' xkux li k'iila ánjel chire li nimajwal k'ojarib'aal jo'wi' chi xsutam li yo'yookeb' ut eb' li cheekel winq, k'iila mil o'q'ob' chi o'q'ob' li xk'ihaleb',

Apocalipsis 5:12

yookeb' chi xyeeb'al chi kaw xyaab'eb' xkux: “Li Karneer kikamsiik, a'an xk'ulub' xk'ulb'al xwankil, xb'ihomal, xna'leb', xkawilal, xnimal xloq'al ut loq'onink, jo' ajwi' naq taaterq'usiiq xk'ab'a'”.

Apocalipsis 6:1

Naq li Karneer kixte jun reheb' li wuqub' chi tz'apleb', kiwil ut kiwab'i li xb'een reheb' li kaahib' chi yo'yookeb', jo' xyaab' li kaaq naq kixye: “Kim”.

Apocalipsis 13:8

Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.