Apocalipsis 5:14 - Q'eqchi Bible

¹⁴ Ut eb' li kaahib' chi yo'yookeb' ke'xye: “Jo'kan taxaq!”. Toja' naq eb' li cheekel winq ke'xhupub' rib' chi loq'onink.

Li Santil hu

¹⁴ Ut li ca̱hib li yoꞌyo̱queb li chanchaneb ángel, yo̱queb chixyebal: —Joꞌcan taxak.— Ut eb li ca̱hib xcaꞌcꞌa̱l li cꞌojcꞌo̱queb aran queꞌxcuikꞌib ribeb ut queꞌxlokꞌoni li yoꞌyo chi junelic kꞌe cutan.

Apocalipsis 5:14 ပူးပေါင်းရင်းမြစ်များ

Apocalipsis 19:4

Toja' naq li kaahib' xka'k'aal chi cheekel winq ut li kaahib' chi yo'yookeb' ke'xhupub' rib' ut ke'xloq'oni li Yos, li k'ojk'o sa' li xnimajwal k'ojarib'aal, naq yookeb' chi xyeeb'al: “Amén, aleluya!”.

Apocalipsis 5:8

Ut naq kixchap li hu, eb' li kaahib' chi yo'yookeb' ut li kaahib' xka'k'aal chi cheekel winq ke't'ane'k rub'el roq li Karneer, wankatqeb' x'aarp chixjunqaleb' jo' ajwi' xsek'eb' oor nujenaqeb' chi sununkil b'an, a'aneb' li xtij eb' li sant;

Apocalipsis 5:6

Toja' naq kiwil a'in: chi xk'atq li nimajwal k'ojarib'aal sutsu xb'aaneb' li kaahib' chi yo'yookeb' jo'wi' xb'aaneb' li cheekel winq, kiwil jun li Karneer xaqxo aran chanchan kamsinb'il, wank wuqub' xxukub' ut wuqub' xsa' li ru, a'aneb' li wuqub' chi xmusiq' li Yos taqlanb'ileb' sa' chixjunil li ruuchich'och'.

Apocalipsis 7:12

yookeb' chi xyeeb'al: “Jo'kan taxaq! A' taxaq li qaYos chiterq'usiiq xk'ab'a'. Rehaq taxaq li loq'al, li xnimal na'leb', li yoxink, li loq'onink, li wankilal ut li kawilal chi junelik q'e kutan. Jo'kan taxaq!”.

1 Corintios 14:16

Xb'aan naq wi yooqat chi xnimankil ru li Yos ka'ajwi' rik'in laamusiq', chan put ru naq li yal aj ab'inel tixye: “Jo'kan taxaq”? Ink'a' naxnaw k'aru yookat chi xyeeb'al sa' li yoxink nakab'aanu.

Apocalipsis 4:4

Chi xsutam li nimajwal k'ojarib'aal wankeb' kaahib' xka'k'aal chi k'ojarib'aal, ut k'ojk'ookeb' aran kaahib' xka'k'aal li cheekel winq tiqtookeb' rik'in saqi aq', ut wankeb' xkoroon oor sa' xjolomeb'.

Apocalipsis 4:6

Chiru li nimajwal k'ojarib'aal wank kama' li palaw saqen saqenk ru, chanchan li krixtal. Ut sa' xyi li k'ojarib'aal jo'wi' chi xsutam wankeb' kaahib' li yo'yookeb', nujenaqeb' chi xsa' uhej, jo' chiruheb' jo' ajwi' chirixeb'.

Apocalipsis 5:11

Ut sa' li moy u kiwab'i xyaab'eb' xkux li k'iila ánjel chire li nimajwal k'ojarib'aal jo'wi' chi xsutam li yo'yookeb' ut eb' li cheekel winq, k'iila mil o'q'ob' chi o'q'ob' li xk'ihaleb',