Apocalipsis 5:12 - Q'eqchi Bible

¹² yookeb' chi xyeeb'al chi kaw xyaab'eb' xkux: “Li Karneer kikamsiik, a'an xk'ulub' xk'ulb'al xwankil, xb'ihomal, xna'leb', xkawilal, xnimal xloq'al ut loq'onink, jo' ajwi' naq taaterq'usiiq xk'ab'a'”.

Li Santil hu

¹² Queꞌxye chi cau xya̱b xcux: Li Jun li chanchan carner li quicamsi̱c, aꞌan xcꞌulub nak ta̱qꞌuehekꞌ xlokꞌal xban nak numtajenak xcuanquil, xbiomal, xnaꞌleb, ut xcacuilal. Ut xcꞌulub nak ta̱qꞌuehekꞌ xlokꞌal, ta̱nima̱k ru ut ta̱lokꞌoni̱k.

Apocalipsis 5:12 ပူးပေါင်းရင်းမြစ်များ

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

Apocalipsis 19:1

Chirix chik a'an kiwab'i sa' choxa jo' xyaab' xkux xiikileb' li poyanam, yookeb' chi xyeeb'al chi kaw: “Aleluya! Li kolb'a ib', li loq'al ut li wankilal ka'ajwi' rik'in li qaYos nachalk,

Apocalipsis 4:11

“Aak'ulub', at Qaawa', at qaYos, xk'ulb'al laanimal laaloq'al, li loq'onink ut laawankilal, xb'aan naq laa'at katyoob'tesink re chixjunil: rik'in laawajom ke'yoob'tesiik ut wankeb' chik anaqwan”.

2 Corintios 8:9

Laa'ex nekenaw li xchaab'ilal li rusilal li Qaawa' Jesukriist: a'an b'ihom naq kiwank chaq, ut kineb'a'o'k sa' eek'ab'a' re naq texb'ihomo'q rik'in li xneb'a'il.

Apocalipsis 7:12

yookeb' chi xyeeb'al: “Jo'kan taxaq! A' taxaq li qaYos chiterq'usiiq xk'ab'a'. Rehaq taxaq li loq'al, li xnimal na'leb', li yoxink, li loq'onink, li wankilal ut li kawilal chi junelik q'e kutan. Jo'kan taxaq!”.

San Juan 17:2

ut, sa' xk'ab'a' li wankil aak'ehom re sa' xb'eeneb' chixjunil li yo'yookeb', tixk'e taxaq xjunelik yu'am chixjunileb' li xak'eheb' re.

San Mateo 28:18

Kijilok li Jesus chi xk'atqeb', kiraatinaheb' ut kixye: —K'eeb'il we chixjunil li wankilal, jo' sa' choxa jo' ajwi' sa' ruuchich'och'.

Apocalipsis 5:6

Toja' naq kiwil a'in: chi xk'atq li nimajwal k'ojarib'aal sutsu xb'aaneb' li kaahib' chi yo'yookeb' jo'wi' xb'aaneb' li cheekel winq, kiwil jun li Karneer xaqxo aran chanchan kamsinb'il, wank wuqub' xxukub' ut wuqub' xsa' li ru, a'aneb' li wuqub' chi xmusiq' li Yos taqlanb'ileb' sa' chixjunil li ruuchich'och'.

San Juan 1:29

Sa' li kutan jun chik laj Jwan kiril li Jesus yo chi chalk rik'in, ut kixye: “Wahe' li xKarneer li Yos li naxkuy xmaak li ruuchich'och'.

Apocalipsis 13:8

Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

Apocalipsis 5:13

Ut chixjunileb' li yoob'tesinb'ileb' xb'aan li Yos sa' choxa, sa' ruuchich'och', rub'el li ch'och' ut sa' li palaw, jo'wi' chixjunil li wankatqeb' chisa', kiwab'i naq ke'chaq'ok: “A' li k'ojk'o sa' li nimajwal k'ojarib'aal jo' ajwi' li Karneer, chiwanq taxaq xnimal xloq'al, xkawilal ut chiterq'usiiq xk'ab'a' chi junelik q'e kutan”, chankeb'.

1 Timoteo 1:17

Li Rey li wank xwankil chi junelik q'e kutan, a' li Yos li ink'a' nakamk, ink'a' ilb'il ru ut jun chirib'il, chinimaaq xloq'al ut loq'oninb'ilaq taxaq junq'e junq'e kutan. Jo'kan taxaq.

Zacarías 13:7

Li Nimajwal Yos naxye chi jo'ka'in: “Ajsi aawu, at q'esnal ch'iich', re xkamsinkil laj k'aak'alenel, ut kamsi li natenq'ank we. Kamsi laj ilol ketomq, ut eb' li karneer te'xcha'cha'i rib'eb'; ut laa'in ink'a' tintoq'ob'a ruheb' li kok' karneer.

Apocalipsis 1:6

A'an kik'ehok qe chi awab'ejink rochb'een a'an cho'q aj tij chiru li Yos li xYuwa'. Rehaq taxaq li loq'al ut li wankilal chi junelik q'e kutan! Jo'kan taxaq!

Apocalipsis 5:8

Ut naq kixchap li hu, eb' li kaahib' chi yo'yookeb' ut li kaahib' xka'k'aal chi cheekel winq ke't'ane'k rub'el roq li Karneer, wankatqeb' x'aarp chixjunqaleb' jo' ajwi' xsek'eb' oor nujenaqeb' chi sununkil b'an, a'aneb' li xtij eb' li sant;

Apocalipsis 6:1

Naq li Karneer kixte jun reheb' li wuqub' chi tz'apleb', kiwil ut kiwab'i li xb'een reheb' li kaahib' chi yo'yookeb', jo' xyaab' li kaaq naq kixye: “Kim”.

Apocalipsis 15:3

ut yookeb' chi xb'ichankil li xb'ich laj Moisés, laj k'anjel chiru li Yos, jo'wi' li xb'ich li Karneer: “Q'axal ninqeb' ut sachb'ach'oolej rilb'al laab'aanuhom, at Qaawa', at Nimajwal Yos; tiik ut tz'aqal yaal ru laab'e, at xReyeb' li tenamit!