Apocalipsis 4:6 - Q'eqchi Bible

⁶ Chiru li nimajwal k'ojarib'aal wank kama' li palaw saqen saqenk ru, chanchan li krixtal. Ut sa' xyi li k'ojarib'aal jo'wi' chi xsutam wankeb' kaahib' li yo'yookeb', nujenaqeb' chi xsa' uhej, jo' chiruheb' jo' ajwi' chirixeb'.

Li Santil hu

⁶ Ut quicuil ajcuiꞌ jun chanchan neba̱l cuan chiru li cꞌojariba̱l. Nalemtzꞌun joꞌ li lem ut chanchan jun li palau sak sak ru. Chi xjun sutam li cꞌojariba̱l cuanqueb ca̱hib li yoꞌyo̱queb, chanchaneb ángel. Nabal li xnakꞌ ruheb, joꞌ chiru joꞌ chirixeb.

Apocalipsis 4:6 ပူးပေါင်းရင်းမြစ်များ

Apocalipsis 15:2

Kiwil ajwi' jo' jun li palaw nalemtz'unk ru, yuub'il rik'in xam; ut eb' li ke'xq'ax ru li josq' aj xul jo' ajwi' li ink'a' ke'xk'e xwankil li xjalam u ut li rajlil li xk'ab'a', xaqxookeb' chire li palaw nalemtz'unk ru, wankeb' li aarp k'eeb'il xb'aan li Yos sa' ruq'eb'

Apocalipsis 5:6

Toja' naq kiwil a'in: chi xk'atq li nimajwal k'ojarib'aal sutsu xb'aaneb' li kaahib' chi yo'yookeb' jo'wi' xb'aaneb' li cheekel winq, kiwil jun li Karneer xaqxo aran chanchan kamsinb'il, wank wuqub' xxukub' ut wuqub' xsa' li ru, a'aneb' li wuqub' chi xmusiq' li Yos taqlanb'ileb' sa' chixjunil li ruuchich'och'.

Apocalipsis 14:3

Yookeb' chaq chi xb'ichankil jun li ak' b'ich chiru li nimajwal k'ojarib'aal jo'wi' chiruheb' li kaahib' chi yo'yookeb' ut eb' li cheekel winq. Ut maa'ani kiruhank chi xtzolb'al li b'ich a'an, ka'ajwi' li kaahib' xwaqxaqk'aal mil, a'aneb' li ke'kole'k sa' xyanqeb' li wankeb' sa' ruuchich'och'.

Apocalipsis 19:4

Toja' naq li kaahib' xka'k'aal chi cheekel winq ut li kaahib' chi yo'yookeb' ke'xhupub' rib' ut ke'xloq'oni li Yos, li k'ojk'o sa' li xnimajwal k'ojarib'aal, naq yookeb' chi xyeeb'al: “Amén, aleluya!”.

Apocalipsis 5:14

Ut eb' li kaahib' chi yo'yookeb' ke'xye: “Jo'kan taxaq!”. Toja' naq eb' li cheekel winq ke'xhupub' rib' chi loq'onink.

Ezequiel 10:14

Kaapak'al ru eb' li junjunq chi kerubín: li xb'een chanchan li wakax na'ilok; li xkab' jo' jun li winq na'ilok; li rox chanchan li kaqkoj ut li xka kama' jun li t'iw na'ilok.

Ezequiel 10:12

Ut chixjunil li xjunxaqalileb' nalemtz'unk sa' xkaapak'alil: li xyi rix, eb' li ruq'eb' ut li xxik'eb', jo'kaneb' ajwi' li sursu.

Apocalipsis 7:11

Ut chixjunileb' li ánjel li xaqxookeb' chire li k'ojarib'aal, chi xsutam eb' li cheekel winq ut li kaahib' chi yo'yookeb', ke'xhupub' rib' chiru li nimajwal k'ojarib'aal ut ke'xloq'oni li Yos,

Apocalipsis 22:1

Chirix chik a'an li ánjel kixk'ut chiwu li xnima'ul li yu'amha', nalemtz'unk jo' li krixtal, na'elk chaq sa' li xnimaqwal k'ojarib'aal li Yos ut li Karneer.

Apocalipsis 21:11

wank li xloq'al li Yos rik'in. Li xlemtz'unkil chanchan li q'axal tertookil pek, kama' li jaspe saqenk ru.

Apocalipsis 15:7

Moqon chik jun reheb' li kaahib' chi yo'yookeb' kixq'axtesi reheb' li wuqub' chi ánjel wuqub' chi sek' oor, nujenaqeb' rik'in xjosq'il li Yos li yo'yo chi junelik q'e kutan.

Apocalipsis 21:21

Li kab'laju chi okeb'aal a'aneb' kab'laju chi lemtz'il q'ol: jun sa' li junjunq chi okeb'aal; ut li xnimb'ehil li tenamit a'an tz'aqal oor, saqen saqenk ru jo' li lem.

Apocalipsis 21:18

Li tz'ak yiib'anb'il rik'in jaspe ut li tenamit rik'in tz'aqal oor, chanchan li saq ru lem.

Apocalipsis 7:17

Xb'aan naq li Karneer li wank sa' xyi li nimajwal k'ojarib'aal tixb'eresiheb' ut tixk'am xb'eheb' toj sa'eb' xyo'leb'aal li yu'amha'. Ut li Yos taachaqihob'resinq re chixjunil li xya'aleb' ru”.

1 Reyes 7:23

Chirix chik a'an kixyiib' jun nimla xna'aj ha' rik'in q'anch'iich', li nab'isok oxib' moqoj li re junpak'al rik'in li jun chik, numenaq jun moqoj li xteram ut waqxaqib' moqoj li xsuram.

Li xHu LAJ JOB 28:17

Jwal loq' chiru li oor ut li lemtz'il pek; ink'a' naru xjalb'al rik'in sek' yiib'anb'il rik'in chaab'il oor.

Éxodo 38:8

Laj Besalel kixyiib' li pila rochb'een li roq, rik'in q'anch'iich': rik'in li xlemeb' li ixq li neke'k'anjelak sa' rokeb'aal li xMuheb'aal li ch'utam.

Apocalipsis 4:4

Chi xsutam li nimajwal k'ojarib'aal wankeb' kaahib' xka'k'aal chi k'ojarib'aal, ut k'ojk'ookeb' aran kaahib' xka'k'aal li cheekel winq tiqtookeb' rik'in saqi aq', ut wankeb' xkoroon oor sa' xjolomeb'.

Apocalipsis 5:8

Ut naq kixchap li hu, eb' li kaahib' chi yo'yookeb' ut li kaahib' xka'k'aal chi cheekel winq ke't'ane'k rub'el roq li Karneer, wankatqeb' x'aarp chixjunqaleb' jo' ajwi' xsek'eb' oor nujenaqeb' chi sununkil b'an, a'aneb' li xtij eb' li sant;

Apocalipsis 5:11

Ut sa' li moy u kiwab'i xyaab'eb' xkux li k'iila ánjel chire li nimajwal k'ojarib'aal jo'wi' chi xsutam li yo'yookeb' ut eb' li cheekel winq, k'iila mil o'q'ob' chi o'q'ob' li xk'ihaleb',

Apocalipsis 6:1

Naq li Karneer kixte jun reheb' li wuqub' chi tz'apleb', kiwil ut kiwab'i li xb'een reheb' li kaahib' chi yo'yookeb', jo' xyaab' li kaaq naq kixye: “Kim”.

Apocalipsis 6:6

Ut kiwab'i jo' jun xyaab' kuxej sa' xyiheb' li kaahib' chi yo'yookeb', yo chi xyeeb'al: “Jun b'iis chi triiw chiru lajeeb' xka'k'aal chi tumin, oxib' b'iis chi sebada chiru lajeeb' xka'k'aal chi tumin; ab'an mik'a' aab'aanu re li aseeyt ut li b'iin”.